شوفي ياحبيبتي هذا أول شيء أمر من الله والواحد مايعترض عليه ومهما صار ومهما وصل الحال إلى القاع نقول الحمد لله ...
كل شيء بيروح وبينتهي ومافي شيء بيضل على نفس حاله ...
ذكرتني سالفتك بوحده من صاحباتي ...
ووصلت في أبوها إنه صار يضربها ويضرب أمها..!
بس الحين ماراح تصدقين إنه طلق زوجته الثانيه ورجع للأولى إلي هي إمها ..
وربي البنت الحين مو مصدقه إلي صار تقول لي ساره كأني عايشه في حلم مو مصدقه إن أبوي اليوم جاني وقال لي محتاجه شيء ناقصك شيء ..
وكل هذا بفضل الله وبفضل إيمانها إن في يوم حلو جاي لامحاله..
الدعاء ...
صدقيني مافي شيء قادر على رد القضاء السيء إلا الدعاء ..
إشتكي لربك إلي هو عالم بحالك لأنك بتلقينه في كل وقت ينتظرك.
في مامعنا حديث إن العبد يقول يارب فتحجب الملائكه صوته ويرجع يقول يارب وتحجب الملائكه صوته ويقول يارب وتحجب الملائكه صوته وفي المره الرابعه يقول يارب فيقول ربي ذوالجلال والإكرام إلى متى تحجبون صوت عبدي عني لبيك عبدي لبيك عبدي لبيك عبدي.
يارب يارب يارب يارب كن معها وإجعل حياتها تنقلب إلى حياه سعيده مليئه بالحب والتفائل وابعد عن قلبها كل حزن يارب إنك قادر على كل شيء وقد أمرتنا بادعاء ووعدتنا بالإستجابه ..
فاجعل الأمل يحيطها ويريحها وكن معها ...
.........
أهم شيء ثقتك بنفسك ..
مهما صار خليك قويه ..
وقوي الي حولك يمكن تكونين طاقه إيجابيه تاثر عليهم ..
وتكونين سبب بعد الله في إنك تصلحين كل هالمشاكل ..
صاحبتي إلي أخذها بيدها وساعدها بعد لله هو الأمل ..
الأمل هذا شيء عظيم ..لازم يكون له أكبر مساحه كبيره في القلب ...
وبسبب أملها هذا كونت طاقه إيجابيه للي حولها ...!
حاولي تفكرين بالواقع فكري بأقرب الحلول ..
فكري بإنك تقومين احد الليالي وتصلين وتدعين .
ممكن هالليله تنهي إلي إنتوا فيه ..
وخلي أملك بربك كبير ...
بدال ماتبكين روحي حمسي أخوانك شجعيهم حاولي ترفعين معنوياتهم ..
إنتي إلي إبدي ..وبعدها صدقيني بتنحل المشاكل كلها .
خليك إنتي شمعه الأمل في بيتكم ..
وكل ما حسيتي بضيقه قولي ياهم عندي رب أكبر منك ..
خلي أملك بربي كبير وما خاب من حط أمله بربه ..
إبدي بنفسك وبتلقين آثار جهدك وقتالك على إلي حولك وبتلقين الأمل يتسلل للبيت كله .
ربي يكون في عونك
..
أتمنى إني وصلت إلي أبغى أقوله واما اطلت عليكم ...
حمزه ..
إنت جالس تسوي شيء كبير بتلقاه عند ربك ..
لك ياخرافي
..