أقتباس 6- تعيين الأمير عبدالله بن فيصل بن محمد آل سعود الوكيل السابق للحرس الوطني في المنطقة الغربية وزيرا للتربية و التعليم , و عبدالعزيز خوجة السفير السعودي السابق لدى لبنان وزيرا للإعلام و الدكتور عبدالله الربيعة وزيرا للصحة . أقوى 3 وزارت جايه دفعـه وحده ,, خلوني أمسك أول شيء الصحـه .. أعتقد أنه قرار ممتاز جداً لأبعد الحدود يعني الوزير المانع مع أحترامي له ماشفنا شيء منه طوال فترته وبالعكس أخطاء طبيه مستمره ومستشفيات متهالكه وشيء يعـور القلب .. بأختصار ماشفنا زياده منه على هالمجال ابد ابد يعني كأنه جاء واشتغل في الموجود لاصحح ولاعدل ولاوضع ولاشال :/ .. أعتقد الدكتور عبدالله الربيعـه هو ضربه معلم في هالمجـــال .. دكتور فاهم وعارف وعلى مستوى عالي جداً من الكفاءه من زمااااان ماتعين وزير بشهره وكفاءه الربيعه في هالمجال كل الوزارء اللي يأتون مع احترامي لهم أغلبهم اسماء مغموره لعامه الشعب يعني بس الربيعه تستطيع تسأل أصغر طفل عنه علشان يقولك هو الدكتور اللي يفصل وهو الدكتور اللي يسوي ويفعل يعني دكتـور عّرف بكفائته العاليه في هالمجال وهذا اللي نبحث عنه من زمان .. من واقع عمله الصعب بيصحح أخطاء ونواقص كثيره بأذن الله وبأذن الله أننا بنشوف الربيعه يبدع في هالوزاره ويحقق ماعجزوا عنه السابقين ويرتقي بها فوق ونخلص من سالفه هالتهالك بالطب اللي للأسف من جرف لدحديره .. :/ نجي للتعليم .. الدكتور العبيد برضو نزل بالتعليم لمدري وشو على قوله واحد من المدرسين في برنامج في الاف ام يقول للأسف صار الشاطر والكسلان والفاهم واللي مو فاهم ينجح بالنظام الجديد.. :/ يعني مافيه أبسط فروقات بالتعليم شال كل شيء وطلع لنا جيل مادري وش يبي .. :/ أجل يقول لي خلاص المعلومه تنلقي بأي مكان أهم شيء نركز على المهاره وتطويرها .. طيب وش طورتوا من المهارات ..؟! لانلت بلح الشام ولاعنب اليمن .. :/ ماغير هالعالم ينجحون وهم حتى الخط لو تشوف خطوطهم تحلف بالله انه مب عربي .. :/ كيفيه كتابه الحروف مايعرفون اساسيات الحرف .. ياشيخ طز في المهارات اللي تسوي كذا .. ومع ذلك مافي مهارات ماشفنا ولامهاره صح ماشفنا برامج تطوير مهارات ابد ابد في التعليم أبي معلم من معلمين القناص هنا يقول لي وش برامج تطوير المهارات اللي حطتها الوزاره ..؟! مافيه ولابرنامج تطوير أقلها مهاره التحدث ماهي فيه .. :/ أجل وش سوى ..؟! حتى المناهج أبسط شيء ماطالها تغيير جذري وطوروها مناهجنا من عهد الرشيد الظاهر أواللي قبله .. اللي سواه أنه غير الغلاف على الكتب وبس ..! أبي شيء سواه في التعليم .. والله ياهالقرار أنه أصح قرار وزاري شفناه من سنين .. أنا تمنيت أن واحد من عيال الفيصل يمسك التعليم علشان صح نشوف تعليم بس مناصبهم مهمه بالنسبه للدوله محد يقدر يتخلى عنهم في مناصبهم .. هالوزير الجديد الصراحه تبون الصراحه أول مره أسمع عنه .. بس نقول ان شاء الله أنه وجه خير وان شاء الله يحدث شيء في التعليم أقلها لو يعدل الوضع الخياس اللي صار في عهد العبيد .. العبيد مهب بس ضر الطلاب حتى المعلمين أنفسهم يقولك الاجازات الاضطراريه كانت 10 أيام على مدار السنه قلصها وصارت 5 أيام على مدار السنه كلها .. :/ أجازه الامومه وهذا أهم من كل اللي فات خلاها 40 يوم فقـط !! خير وش ذا التفكير !! أصلاً لو فيه تفكير تربوي وبمنطق في هالقرار بالذات أجزم أنه ماأتخذ هالقرار ولاحتى عقب الف سنه .. في أمريكا واليابان وغيرها اجازات الامومه من 6 شهور لين سنه لين سنتين في بعض الدول ,, اذا الطفل في هالسن من عمره مارعته أمه وربته وجلست عليه من بيجلس عليه ..؟! العماله المنزليه وإلا ترميه بالبيت بلحاله وإلا تجيبه معاها للمدرسه ..! معليش المفروض ولازم كل يفكر أن الان أغلب الجيل الحالي الامهات معلمات أو موظفات غالبيتهم في السلك التعليمي يعني هم الشريحه العظمى من مربيات أجيالنا ومع ذلك ولاطق لهم خبر .. :/ برضو شسمه ذا .. الاجازات والجدوله في الدوامات مادري شلون سوى فيها .. يعني نعطل بوقت غلط .. ونرجع نداوم بوقت أغبى منه .. :/ يعني هالحين هالاطفال الصغار بالمدارس وش ذنبهم تبيهم يداومون من صبيحه الله وهم لاشغل ولامشغله ..؟! اذا انك من أول تبيهم يداومون المفروض يكون فيه متابعه منك لتقسيم المنهج بحيث ماينضغطون هالاطفال الصغار ويداومون لين اخر يوم .. :/ أما انك تسحب فيهم ضغط طول الترم ولاأنت داري عن المدارس وتبيهم يداومون لين اخر يوم قبل الاجازه .. :/ وش الغرض ..؟! لامناهج تقدم ولاتعليم فيه وش المقصد من دوامهم والالحاح على المدراء بضروره حضورهم ..؟! حتى معلمينهم وش تبي فيهم يداومون ..؟! يعني مع احترامي قرارك الغلط ترتب عليه نتايج غلط .. لذلك صارت السالفه كلها غلط في غلط ..:/ ان شاء الله بأذن الله أنا طامعه في تعليم راقي جداً في مناهج راقيه جداً في معلومه تجعل الطالب السعودي يفرق عن غيره من أقرانه .. مابي يدرسه من سادس لين ثالث ثانوي is / are / am وهالاسطوانه تعيد وتكرر على مدار 6 أو 7 سنين ويتخرج طالب ثانوي معه شهاده توجيهي مايدري وشلون يكون جمله صحيحه والسبب هالمناهج الغلط .. :/ مناهج الدين برضو نفس الكلام الان التطورات في العهد والزمن تجبرك أنك تنقل فتاوى وأمور دينيه للطلاب من وحي واقعهم وأشياء ضروريه في حياتهم مب اللي درسوه أبوي و أمي أدرسه أنا ويدرسونه عيالي وأحفادي واللى أن يفرجه ربي .. :/ يارب يتم التغيير صراحه التعليم أكثر شيء أحزن عليه في المملكه هنا .. وزير الأعلام منب متكلمه عنه مابني على الخطأ فهو خطأ وش معنى أنشال بالسرعه ذي ..؟! هم أدرى وحنا ندري وهذا ثمن السرعه في توظيف أي وزير بدون النظر لأشياء مهمه ,, الباقي برضو ان شاء الله انه في مصلحه وزراء الدوله بس وين أسم غازي القصيبي .. هالحين غازي القصيبي هو اللي يعمل بكفاءه مالها مثيل .. ياشيخ قسم بالله اذا فيه وزير يستاهل ينشال ويعطى بوكيه ورد يجلس بالبيت بدون منصب هو غازي القصيبي أقدره كأديب كشاعر لكن بالعمل للأسف شخص غير عملي جداً والدليل كم وزراه يمسكها ويطلع منها بفشل ذريع وأخرها العمل .. :/ أقتباس1- تعيين الدكتورة ( نورة الفايز ) نائبة لوزير التربية و التعليم لتعليم البنات و هي أول إمرأة أقتباس سعودية تتولى هذا المنصب . وش يلمحون له من خلال هالقرار ..؟ كأني أشم ريحه فصل بين البنات والعيال من خلال التدرج في هالقرار .. بس عموماً قرار بطل من أول كان المفروض يكون فيه مسؤول نسائي ومسؤول رجالي علشان يكون العمل بدقه أكبر .. الله يكتب اللي فيه الخير يارب .. برب ويمكن أرجع .. عافاك ابوعبدالله ,,