مبروك عشاق تشيلسي اللقب طار لكم :( دينيس بيركامب توه يستوعب ويقول ان فييرا افضل قائد للارسنال وانهم افتقدوه في الوسط اللي رايح وطي عقبه وتأثروا عقبه كثير.. السيد ارسين فينغر قام يريش بديابي ويقارنه بفييرا بس يقول لازم يلعب اكثر من 150 مباراة علشان نقول عنه لاعب فنان .. اليكسندر هليب ماش زعلان وضايق صدره ويقول انه ماقدم الاداء اللي كان يتمناه وماسجل غير هدف واحد ويقول نتائجنا بايخة ولعبي بايخ نسقوني تكفون :D بعد هياط مدرب غانا على ايسيان وانه خالي من الوطنية ولعب قدام الليفر وجحد غانا وهدد انه مهوب ماخذه للمونديال رد ابو مورينيو أن ايسيان لاعب وطني جدا وساهم في تأهل غانا للمونديال ولا تصير جاحد (أنت يا مدرب غانا) وهو كان مصاب يا درج ويوم طاب لعب وش تبيه يسوي يعني؟ بيكهام وبكل روح رياضية وقيادية وقف مع كامبل في محنته ويقول يعني واذا مالعب زين مبارياتين او 3 وش صار يعني؟ انا اعرف كامبل شديد وقت المحن وبيرجع مثل ماكان ويرد على المشككين واتمناه يرجع لمستواه اذا باريناهم في الابطال.. اقول مهوب تسني مواكب محنة كامبل من بدت لايكون شعللتها وانا مدري؟ زندن بدى يتشافى وبيرجع قريب بعد اصابته في الاربطة حقت الركبة<-- لاتوصف تكفى :D لكن ان رجع مهوب راجع بكل مستواه يعني لاتشرهون على مستواه اللي بتشوفونه.. الوعد الطلعة ياروبن رافا زعلان من حركة روبن بعد طرد رينا علشانه تمثيل وقام يتتريق يقول عسى مايبي علاج طبي؟ وقام يبرر الهزيمة المستحقة واقول يا شين التصريف..