يقول عمر رضي الله عنه " لست بالخب ولاالخب يخدعني " يعني لاتكونين يالبنت خبيثه بس لايخدعك إي واحد خبيث ..:/ معليش البنات أغبياء حد الثماله ..! أنا ماني خبيثه ابداً ولله الحمد بس لو في أخبث مخلوق على وجه الارض مستحيل يخدعني أو يمرر حركاته علي والحمدلله .. لاتكونين بمقدار ومخزون كبير من الغباء .. طيب يحبك !! واثقه منك ليش أنتي تسلمينه الخيط والمخيط !! مافكرتي طيب في لحظه أنه ممكن يكون بينكم زعل ويستغلها للضغط عليك أو يبي شيء وترفضين ويضغط عليك !! طبعاً أنا أكلم هاللي يكلمون وأنزل لمستوى عقلهم وإلا لو يحبك ماطلب صورك وضرك .. مستحيل ياصبايا مستحيل .. تعرفون وش معنى مستحيل يعني نو وي الحبيب يضـر !! بالسمعه بالطلب بالضغط بالاكراه بكل شيء .. لاتقولين يحبني بس يبي يقابلني ويقول ماتحبيني .. الحبيب يدور الرضاء ومستحيل يضغط على محبوبته في هالامور التافهه .. خلك أعقل وأوعى .. أنتي الان طالبه جامعيه أو ثانويه أو متوسطه يعني متعمله ومثقفه وبكرا بتكونين شيء مهم معقوله أنتي ساذجه ..! معقوله أنتي غبيه ..! معقوله أنتي الى هالدرجه ماعندك شخصيه اللي كل من هب ودب قدر يلعب عليك ..! أصنعي لنفسك هيبه وأفرضيها حتى على نفسك أنتي قبل الناس.. لاتعطين إي شاب وجه واذا يحبك خليه يركض وراك لين يمل اذا صادق يدل الباب .. غير كذا ماأعتقد عنده شيء .. المسلم مايلدغ من جحر مرتين ياصبايا .. خواتكم أنلدغوا كثير من جحور كثيره بسبب هالمتخلفين عقلياً وشوفوا وش كانوا والان وش صـاروا !! ترضـون تكونون كذا مثلهم !! ترضون تكونون شيء وسخ قـذر ..!! أنا ماأتدخل في خصوصيات إي فرد بس أعيد وأكرر ( لست بالخب ولاالخب يخدعني ) .. لاتكونين خبيثه بس لايخدعونك الخبثاء ..! مدري وش أقول بصراحه .. بس عليكم بالاستغفار المعاصي تقسي القلب عن ذكر الله وخوفه .. واذا عازمه بس ماتقدرين أستغفري بعد كل صلاه بأصابع إيديك وأنتي على السجاده .. بيكون لك عدد كبير وصدقيني تنفرج.. لاتكونوا أغبياء ياصبايا افا بس ماخبرناكم كذا يابنات حواء .. أما الجانب الثاني الشباب .. مابطول فيه هم شريكين للبنات بس لازم يتذكروا شيء .. ( الجزاء من جنس العمل ) و ( كما تدين تدان ) و ( يمهل ولايهمل ) .. مثل مالهكرز اللي طلع بالحلقه انصدم انه بعد لعبه يفتح ملفات اهله وبنات عمه قدام خوياه وابتلاه ربي .. بيجي اليوم اللي تشوف اهلك وخواتك في نفس مافعلت ببنت الناس .. أتق الله في نفسك ماتجي الفضيحه لك إلا من فعايل يدك أتق الله .. وحتى لو تقول هي رجعت دقت علي هي تبلتني هي أرسلت صورها لي تذكر حديث الرسول صلى الله عليه وسلم في 7 يظلهم الله في ظله يوم لاظل إلا ظله (ورجل دعته أمراه ذات منصب وجمال فقال أني أخاف الله ) وبرضو تذكر من ستر على مسلم ستر الله عليه يوم القيامه أستر عوره هالمسلمه فالدنيا يمكن ماينفعك في يوم القيامه الا سترك لعورتها في الاخره .. ( واذا بليتم فأستتروا ) .. اللهم أسترنا فوق الأرض وتحت الأرض ويوم العرض .. اللهم أسترنا فوق الأرض وتحت الأرض ويوم العرض .. اللهم أسترنا فوق الأرض وتحت الأرض ويوم العرض .. اللهم آميييين يارب العالمين .. عافاك ربي على الطرح الأكثر من رائع وجعله الله في ميزانك وميزان صلاح ومن معه ومن دعى إلى هدى ومن عمل به يارب العالمين ..