اكيد هالاشياء تصير كثير خاصه في زماننا هذا بذكر لك قصه حدثت لي في ثاني ثانوي انا من النوع الاجتماي احب اسولف واضحك وامزح مع فلانه وفلانه يعني علاقتي بالفصل مو بس مرتبطه بصديقاتي والله كان الفصل مو نصه إلا كله زميلاتي يوم مع الشله هذي ويوم مع الشله الثانيه كنت اضحك معاهم واللي بقلبي على لساني .. يعني كنت احب بنات الفصل مره وكانو من قدامي يضحكون ويسولفون معاي وكل شي طبيعي .. تفاجأت بيوم من الأيام كان عندنا حصة فراغ إلا المرشده داخله الفصل ونادت بإسمي .. طبعا أنا طلعت بكل ثقه على انه مافيه مشاكل ولا حاجه لأني ماكنت راعية مشاكل او عداوات بالمدرسه .. واعرف الحمدلله نص بنات المدرسه <~ مافيه احد ماتعرفه ما شاء الله المهم .. دخلتي الغرفه بدت تتكلم في موضوع عن انحراف البنات ومكالماتهم للشباب ومن هالكلام أنا حسيت انها تقصدتي .. قلت ارجوك استاذه يا ليت تدخلين بالموضوع ماعاد اتحمل وش بيجيني .. قالت خلاص انا بقول لك .. قلت ايش .!! قالت انه واصلني كلام عنك انك تكلمين شباب < يا سااااااتر يا كبرهااااا عندالله انا والله والله ما تماسكت نفسي ماقدرت جلست ابكي قدامها .. مع انه هذا يسمى ضعف وكنت ما احب ابكي قدام شخص .. لكن ذاك اليوم ماقدرت اتمالك نفسي .. قلت هالكلام هذا كذب وانا ما عمري فكرت بهالشي وانا متربيه وانت تعرفيني زين من يوم كنت بالمتوسط ماقد سمعتي عني سمعه شينه .. و تاصل فيهم الجراه ويقولون لك كلام مثل هذا .. رحت البيت ولا قلت شي حق امي .. بس درت بالسالفه لان انا قلت لمرت خالي معاي بنفس المدرسه عن الموضوع وهي قالت لامي .. الحمدلله اني تفهمت الوضع وناقشتني بهدوء وحذرتني من اني اكون طيبه زياده عن اللازم طبعا مرت خالي راحت من بكرا وكلمت المرشده وقالت اني انا اعرفها اكثر من نفسها وهي مستحيل تسوي اشياء مثل كذا و و و .. رحت بنفس اليوم تناقشت ويا المرشده قلت لها اذا كانت البنت صادقه ومتاكده من كلامها ميه بالميه خليها تكلمني وتواجهني وانا بواجهها قدامك .. هي رفضت وقالت ان البنت رافضه اني اعلمك .. من بعد ردها هذا قلت بصراحه انا واثقه من نفسي ودامك انتي مصدقتها بكيفك .. انا صحيح بالاول انصدمت لكن الحين الامر عندي ايزي ,, والزم ماعلي سمعتي .. وبعدها صرت ما اسولف مع اي بنت ولا افتح لها قلبي واقول اللي بخاطري إلا لصديقاتي .. وهذا موقف صار لي بحياتي من ناس خوانه وآسفه على الإطاله ..