^ ^ برافو عليك مافيه غبي في الدنيا حتى الحمار وهو الحمار ينفع اكثر من بعض البشر ويشيل فوق ظهره ويكد .. نجي لموضوعك.. أنا تخصص أدبي .. لحاجتين تخصصت أدبي : أولاً / لإني أعشق الأدب والأنجليزي وهو بشكل أكبر في القسم الأدبي.. الشيء الثاني لأني : أكره شيء أسمه كيمياء مادري شلون يذاكرونه العالم ..؟!.. ولاأطيقه .. يعني أتذكر أني ضعيفه جداً في هالماده حييييل .. أيام أول ثانوي .. وهذي ترجع للقدرات والميول قبل كل شيء .. برضو مب شرط الادبي يكون مايحب تخصص علمي حتى وهو أدبي.. مثلاً يعني.. أنا عني أدبي بس أكره ماده أسمها جغرافيا كره العمى.. ولوبيدي لغيت هالماده من الكره الأرضيه كلها.. أحس أنها ماده غبيه ودراستها مرات أحياء ونباتات ومرات أجواء ومرات تركيبات وصخور وكيمياء ومرات دول وخرايط وأقتصاد.. يعني ماده مالها شخصيه بصراحه تلقط من كل ماده شيء .. وبنفس الوقت أحب ماده الفيزياء رغم أني أدبي ومب بس أحبها إلا أستمتع فيها .. وأعشقها وكنت من الطالبات المتفوقات فيها جداً .. يعني تلقون بعض طلاب العلمي يكرهون هالماده كره العمى بس أنا عني أحبها ولو هي موجوده بالادبي كنت راح أستمتع فيها أكثر وأكثر .. وممكن على الجانب الثاني تلقين طالب بالعلمي يحب ماده الجغرافيا رغم أنها مب عنده وأنا ياطالبه الأدبي أكرهها كره العمى .. تظل مسأله ميول وتخصصات في الأول والأخير أتذكر مره ألتقيت في أجتماع حواري لطالبات الجامعات السعوديه مع وزير التعليم العالي وطرح في هالنقاش عن العلمي والادبي كلام أن العلمي دائماً تلقى تخصصاتهم متوفره في كل كليه وجامعه بينما الأدبي الجامعات الكبيره هي من توفر لهم تخصصاتهم كلها .. المهم داخلت الوزير وقلت له ليش الأدبي طايح من عينكم ..؟! قالي بالعكس يابنتي من يقول طايح الأدبي والعلمي اخوان وحنا نوفر كذا وكذا .. بس العلمي يعتبر أكثر حاجه بالنسبه لنا من غيره ..؟! قلت له ليه ..؟! أنا أضمن لك يامعالي الوزير أن هنالك وزراء وتربويين كثير أغلب مجالاتهم أدبيه ولولا الادبي ماخرج الشاعر واللغوي والاخصائي الاجتماعي والنفسي ورجل الاعمال وغيرها من التخصصات المطلوبه برضـو .. رد علي قال صح عليك يابنتي وهالكلام اللي يخرج من الناس مهب من الوزاره وحنا لولا أننا مانبي الادبي ماحطينا فرع أدبي ومجالات وتخصصات مستقله لهم .. فمن كلامه عرفت شيء أو بالاصح تعلمت شيء .. الكلام دايم يدور أدبي ومايفهمون وماينفعون ليش تردون عليهم طيب ..؟! يخاطبني السفيه بكل قبحاً وأكره أن أكون له مجيباً .. صدقيني يجيك علمي يقولك أنتم ماتفهمون أنتم وأنتم هل هالكلام يدل على عقليه واعيه ..؟! اجابتك بتعلمك أن مثل من يقول هالكلام ناقص فكر ووعي ..! برضـو مسأله الاناقه .. هم صحيح الاغلبيه العظماء أن الادبي أكشخ من العلمي بس برضو أرجع أقولك مسأله اذواق وأهتمام بالشخصيه والمظهر .. يمكن الأدبي لإنهم يدرسون مواد مثل الفنيه والتغذيه والتفصيل بشكل مكثف تعطيهم خيال أكبر للأناقه والكشخه يعني قصدي مجال فني والعلمي عكس كذا .. :/ أو يمكن لإن العلمي مب فاضين .. أتذكر وحده أيام ثالث ثانوي يوم الاختبارات بالعلمي دقت علي أختبار الادب ومارديت عليها رجعت دقيت عليها قلت خير وش فيـك ..؟! قالت وينك ماتردين قلت أبد كنت أستشور شعري .. قال هييييييي وتصرخ ونسوي حفله أستنكار على الجوال قلت خير ..؟! قالت والله ياأنك فاضيه تستشورين والاختبار بكرا .. قلت إيه يعني اذا صار أختبار أروح ربي كما خلقتني .. فهي مسأله أن العلمي تعودوا على الضغط يمكن والزحمه بالدروس والمواد وماصار عندهم وقت يهتمون بأنفسهم في هالجانب .. أقول يمكن .. فالمسأله برمتها مسأله ميول / قدرات / مهارات .. يعني ممكن تلقين شخص ذكي جداً وشاطر وماهر بس ميوله أدبيه ويخش أدبي مع أنه ذكي وشاطر هل معناته أنه غبي ومايفهم في الحسابات ..! والكلام نفسه ممكن تلقين شخص بارع جداً في الشعر واللغويات وغيرها بس ميوله علمي هل معناته مايدخل علمي ..؟! تدرين عاد .. صديقتي أبوها أجبر أخوها يتخصص علمي .. والولد مايبي .. والأب معند إلا علمي وهو الافضل ومن هالكلام اللي قلتيه وفعلاً كلم أبوه المدرسه وخلاهم يحطونه علمي بدال الادبي .. راح الولد كتب قصيده وجلس عليها شهر وهو يعدل ويناظر ويزين .. وعطاها مدرسه الادب وقالها شوف أنبهر مدرس الادب منه ون قدرته في هالسن على هاللغويات الموجوده وأعجب فيه وقاله الولد مممكن تحولني أدبي لأني مبدع فيه وبدرسه بشكل مكثف وابوي رافض .. كلم المدرس أبوه وحولوه وقالوا ولدك شاعر وطار الأب .. تخرج الولد من الثانوي وتخصص إداره أعمال وهالحين فاتح مؤوسسه ومجموعه تجاريه حلوه ويشتغل فيها وناجح في حياته .. وعقبها تحلف أن أبوها قال لو تدرسون بدون تخصص مالي فيكم كلن وقدراته .. المقصد أن الوالد بجهله كان بيخرب على ولده .. وبهالكلام اللي يدور من دون فائده بس الولد كان ذكي وقاسها صح وخطط لمستقبله ونجح وتخرج وصار ناجح جداً وخلى والده يعجب فيه ويغير وجه نظره .. حسيت أني هذرت واجد .. بس على قولتك الطفش والفضاوه تسوي عمايل .. ومسائك زين مع زين .. عافاك ربي ماننحرمش يمكن أرجع ..