بسم الله الرحمن الرحيم السلام عليكم ورحمه الله وبركاته صباح _ الخيرات والليرات على كل الأدبيين عارفه حتقولو إشبها هذي كاثره زياراتها للمجلس بس الله يخلي الفضاوه أجل سئلتكم بالله لو وحده منكم مأجزه زيي لمده شهر ومن بدري مع حقين الإبتدائي والتقويم المستمر إش حيكون موقفها أكيد رح تتكي مع العاطلين والمتكين هنا ماعلينا الموهيم أنا جيت هنا لطرح قضيه مهمه من منبر المجلس قضيه عانينا منها نحن شعب الأدبي لأزمنه عديده وأضحت قضيه واضحه للعيان تنافس قضيه فلسطين << وعلى فكره أفكر أدافع عن قضيتنا في مجلس الأمن ولا حقوق ألإنسان بس ناقص ترشيحكم لشخصي الكريم . . مادفعني لكتابه هذا الموضوع هو المصريه اللي تدرسني ماده التحليل الكمي والماده هذي عباره عن رياضيات بس أمها مكشختها زياده حبتين بمعنى إن كل القوانيين إللي إندرست في ثاني وثالث ثانوي علمي ندرسها ومو بس كذا ونطبقها على إقتصاد الدول والمجتمعات << أنواع القرف بس وبحكم السنه الأولى بالجامعه مواد عامه فتلتقي شعب كثيره متخصصه بالادبي مع شعب أخرى متخصصه بالعلمي وأنواع الفضايح بس .. وهذا فيه ظلم كبير لشعب الكشخه والفله شعبنا ومحاباه لشعب الدفرنه والنظارات << تسمع بالبيانات والإحتجاجات .. الموهيم نرجع للمصريه البلديات الغثيثه .. الفرعونيه دوبها جايه من الصعيد سيدا ع جامعتنا ولسا مااتنورت عن انظمتنا وماتدري ان نظامهم الجديد يتيح للعلمي يصير أدبي وتشرح بنت ابوها وحنا شغالين لها أسئله وما لقت تفاعل الا من الدوافير اللي حكيت لكم عنهم وبحكم إن المنهج جديد علينا ومادرسناه بعكس العلمي هوا بالنسبه لهم مراجعه لثاني وثالث .. ولمن حكينا لها الهرجه صارت الله ياخذها تعامل شعب الأدبي على إنهم أغبياء مره وكل ما قامت بنت تجاوب أو جات بنت تسئل تسئلها مباشره ( إنتي علمي ولا أدبي ؟) عشان لو علمي تتركها تحل وماتراجع وراها واثقه انها فاهمه اما الادبي المسكينه فتكرها في نفسها وفي اليوم والساعه والدقيقه والثانيه بعد اللي جات فيها ع الدنيا .. وتقعد تشرح وتحسس الواحد انه غبي أو طفل والدوافير مستغلين هذي الفرصه وفاردين عضلاتهم وكل شويتين تسمع وحده تقول : ( استاذه مايحتاج تعيدي هذي النقطه واضحه ومكرره ) << أنواع اللقافه واضحه لك مو لنا وما تسمع الا المصريه ترد عليها وتقول : ( معليش يا حبايبي التكرار بيعلم الحمار ) لذلك أنا رح اعطيكم نظريتي اللي إتوصل لها بعد دراسه طوويله عن آل العلمي والتي تتلخص في نقاط << تكفين يا نيوتن 1 ) _ أكثر هذا النوع يتميز بدفرنه مو طبيعيه والعياذ بالله .. 2 ) _ شعب العلمي شعب يحب الصفوف الأولى بالفصل لدرجه إن فيه أستاذة دين جمعتنا معهم في حصه ولقيت الفصل كله قدام ووراء مكان مهجوور.. 3 ) _ أكثر المنتمين للعلمي ما يحبون الكشخه الواحد يا الله يمشط شعره ويعدل المظهر الخارجي ومن جوا يعلم الله على قولت المثل من برا الله الله ومن جوا يعلم الله .. 4 ) _ المخلوق العلمي تحسه مخلووق ماادري إش يبغى في الحياه مخلوق قرر يكون شجاع ومسوي قوي ومااُتيحت له الفرصه يقرر قرار في حياته كلها ولمن جاته الفرصه قرر يدخل علمي مسوي إنه إتخذ قرار جريء بس المسكين مادرى إنه كتب على نفسه الشقى .. 5 ) _ أكثر من عاشرتهم وكانت لي فيهم صله قويه تغيرت ملامحهم جذرياُ من يوم ما دخلو بالمجال العلمي فصار أكثرهم يعاني من ضعف النظر وأستعان بنظرات تخفف مصيبته ومنهم من صابته هشاشه العظام وآلام مزمنه في الأصابع نظير ما يبذله من جهد في الكتابه .. لا يجيني أحد يقول أنتي حاقده على العلمي ترى هذي نظريه مبنيه على أسس وقواعد علميه مدرووسه << لاتزعلون منا ترى الدعوه سوالف بس عشان أخفف عنكم ملل المذاكره وتوتر الإختبارات خارج النص { مسكييييين إللي ماعند زين زين عالم جميل أمطروني بردودكم لاهمنتم للكل