شبكة القناص - الموقع الرسمي للاعب ياسر القحطاني - عرض مشاركة واحدة

**حسام الفهد** · 04-02-2009, 03:27 AM

بسم الله الرحمن الرحيم

السلام عليكم ..

سبق واني طرحت موضوع قبل سنتين تقريباً عنوانه ( شلـل النــوم . . .. موقف و نقـاش )

بتكلم تقريباً عن نفس الموضوع لاني تعرضت له قبل دقائق من كتابتي لهذا الموضوع .

قبل مااتكلم عن الي صار لي .. الموضوع المذكور اعلاهـ .. لما كتبته كنت على قناعة تامة بأن الجاثوم يأتي بسبب خلل في الخلايا المؤدية الى المخ .. لكن بعد ماصار الي صار .. اقتنعت ان الجاثوم جني يجثم على الجسم .. يعني يجلس على الجسم ويحس وقتها المصاب بضيق في التنفس وعدم القدرة على الكلام وكذلك عدم القدرة على الحركة .

تتساءلون وش الي خلاني اقتنع ان الجاثوم ( جني ) ؟

امس ( الثلاثاء ) كنت جالس جلسة مع مجموعة من الشباب نستمع لشيخ يقرا على الناس( من المس او السحر ) وكان يذكر لنا قصص صارت له ..

تطرق الشيخ الى الجاثوم وأكد بأن الجاثوم جن .. عارضته انا في البداية وقلت وقتها ان الجاثوم عبارة عن خلل في الدماغ يسبب الشلل .. فـ قال لي ( ان علماء النفس والباحثون يريدون بأن يثبتوا للجميع بأن لايوجد شي اسمه مس او سحر او حتى جاثوم .. بحيث اننا نحن يالقراهـ لانعالج تلك الحالات الا بالقرآن الكريم وهذا علاج فعال جداً في مثل هذهـ الحالات ) .

توقفت عن النقاش لعدم خبرتي الزائدة بالجاثوم .. وعدم تعرضي لمثل هذا الموقف من قبل ..

لكن هذا اليوم تعرضت للجاثوم ( وكأن الجن متولمين لي يقولون نوريك ان الجاثوم حنا نسببه لك ) وهذي القصة كاملة :

في البداية كنت احلم اني طايح من التعب بوسط الملعب وحولي اخوياي جالسين نتناقش وانا مااشوف الا السماء السوداء .. كنت احرك يدي اليمين للشباب واقولهم ( لاتخافون من الجن .. انسوا الجن وصدقوني ماراح يتعرضون لكم ) .

صحيت على هالكلمات والغرفة مظلمة .. يدي اليمين تتحرك لحالها .. يمين يسار فوق تحت وكأن احد ماسكها ويحركها .. وهذا اصلا الي صاير .. وانا ارتعبت مرة .. حاولت اقوم عشان افتح النور السهّاري بجنب سريري ماقدرت .. كان اخوي نايم بالسرير الي بجنبي .. بتكلم ابغاهـ يصحى .. ماقدرت اتكلم والله !!

احس ان فيه احد ماسك فمي وطابق بيدهـ على فمي .. مو بس فمي .. حتى يدي اليسار واليمين ورجولي وجسمي كله كان متشنج .. اللهم بس راسي اقدر احركه واقدر اسمع بأذاني ..

حاولت بأقوى ماعندي اني اتكلم .. وحسيت ان العقدة انفكت وقدرت احرك شفايفي لكن عجزت انطق اسم اخوي .. ( هيثم .. هيثم .. هيثم .. هيثم .. هيثم .. هيثم .. هيثم .. هيثم .. هيييثم قم وافتح اي نور عندك بسرعة ) .. كنت انطق اسمه والصوت يرتفع بالتدريج .. في البداية بدون صوت بعدين صوت خافت ثم مع كل مرة اقول ( هيثم ) يرتفع صوتي لين قدرت اكمل جملتي ..

ورب المصحف وانتم ماحلفتوني .. ان اخوي بمجرد مافتحت نور شاشة الجوال .. حسيت ان كان فيه شي ثقيل على صدري وانزاح وقمت من وضعية الاستلقاء الى وضعية الجلوس ومباشرة فتحت النور السهّاري ..

( اعوذ بالله من الشيطان .. اعوذ بالله من الشيطان ) هذي كلماتي اول مافتحت النور ..

اخوي يسألني ( وش بك ؟ ) قلت له ( جاني جاثوم اعوذ بالله من الشيطان ) .

بصراحة لحظات رعب عشتها وطار النوم من بعد السالفة .. ممكن احد يقول اني شبعان نوم ولا شي .. ولكن يعلم الله ان لي ساعات طويلة مانمت ولا على الاقل 6 ساعات متواصلة من فترة لابأس بها .

المقصد من الموضوع كله في البداية هو تصحيح للفكرة الي اخذتها عن الجاثوم .. وممكن فيه احد غيري يفكر بهذا الشي مثلي ..

الناس ممكن تسأل عن حلول للجاثوم ..

الجاثوم حله بسيط .. في البداية قراءة الاذكار والمعوذات قبل النوم .. وهذا اهم سبب لـ استبعاد الجاثوم .. وفيه حلول اخرى تعتبر تعزيز لابعاد هذا الجاثوم .. منها ( النوم بشكل منتظم .. التقليل من الضغوط الي يتعرض لها الشخص سواء نفسية او بدنية .. ممارسة الرياضة بشكل منتظم )

في الختام كل العذر للجميع لو سببت لهم رعب من هالموضوع لكن هذا واقع ولابد ان الناس تعرفه ( لمن لايعرفه ) .

إن اصبت فمن الله .. وان اخطأت فمن نفسي والشيطان اعوذ بالله منه .

تقبلوا تحيتي ..

04-02-2009, 03:27 AM	#1
حسام الفهد مراقب الاقسام التقنية	الجاثوم .. ( موقف وعبرة ) بسم الله الرحمن الرحيم السلام عليكم .. سبق واني طرحت موضوع قبل سنتين تقريباً عنوانه ( شلـل النــوم . . .. موقف و نقـاش ) بتكلم تقريباً عن نفس الموضوع لاني تعرضت له قبل دقائق من كتابتي لهذا الموضوع . قبل مااتكلم عن الي صار لي .. الموضوع المذكور اعلاهـ .. لما كتبته كنت على قناعة تامة بأن الجاثوم يأتي بسبب خلل في الخلايا المؤدية الى المخ .. لكن بعد ماصار الي صار .. اقتنعت ان الجاثوم جني يجثم على الجسم .. يعني يجلس على الجسم ويحس وقتها المصاب بضيق في التنفس وعدم القدرة على الكلام وكذلك عدم القدرة على الحركة . تتساءلون وش الي خلاني اقتنع ان الجاثوم ( جني ) ؟ امس ( الثلاثاء ) كنت جالس جلسة مع مجموعة من الشباب نستمع لشيخ يقرا على الناس( من المس او السحر ) وكان يذكر لنا قصص صارت له .. تطرق الشيخ الى الجاثوم وأكد بأن الجاثوم جن .. عارضته انا في البداية وقلت وقتها ان الجاثوم عبارة عن خلل في الدماغ يسبب الشلل .. فـ قال لي ( ان علماء النفس والباحثون يريدون بأن يثبتوا للجميع بأن لايوجد شي اسمه مس او سحر او حتى جاثوم .. بحيث اننا نحن يالقراهـ لانعالج تلك الحالات الا بالقرآن الكريم وهذا علاج فعال جداً في مثل هذهـ الحالات ) . توقفت عن النقاش لعدم خبرتي الزائدة بالجاثوم .. وعدم تعرضي لمثل هذا الموقف من قبل .. لكن هذا اليوم تعرضت للجاثوم ( وكأن الجن متولمين لي يقولون نوريك ان الجاثوم حنا نسببه لك ) وهذي القصة كاملة : في البداية كنت احلم اني طايح من التعب بوسط الملعب وحولي اخوياي جالسين نتناقش وانا مااشوف الا السماء السوداء .. كنت احرك يدي اليمين للشباب واقولهم ( لاتخافون من الجن .. انسوا الجن وصدقوني ماراح يتعرضون لكم ) . صحيت على هالكلمات والغرفة مظلمة .. يدي اليمين تتحرك لحالها .. يمين يسار فوق تحت وكأن احد ماسكها ويحركها .. وهذا اصلا الي صاير .. وانا ارتعبت مرة .. حاولت اقوم عشان افتح النور السهّاري بجنب سريري ماقدرت .. كان اخوي نايم بالسرير الي بجنبي .. بتكلم ابغاهـ يصحى .. ماقدرت اتكلم والله !! احس ان فيه احد ماسك فمي وطابق بيدهـ على فمي .. مو بس فمي .. حتى يدي اليسار واليمين ورجولي وجسمي كله كان متشنج .. اللهم بس راسي اقدر احركه واقدر اسمع بأذاني .. حاولت بأقوى ماعندي اني اتكلم .. وحسيت ان العقدة انفكت وقدرت احرك شفايفي لكن عجزت انطق اسم اخوي .. ( هيثم .. هيثم .. هيثم .. هيثم .. هيثم .. هيثم .. هيثم .. هيثم .. هيييثم قم وافتح اي نور عندك بسرعة ) .. كنت انطق اسمه والصوت يرتفع بالتدريج .. في البداية بدون صوت بعدين صوت خافت ثم مع كل مرة اقول ( هيثم ) يرتفع صوتي لين قدرت اكمل جملتي .. ورب المصحف وانتم ماحلفتوني .. ان اخوي بمجرد مافتحت نور شاشة الجوال .. حسيت ان كان فيه شي ثقيل على صدري وانزاح وقمت من وضعية الاستلقاء الى وضعية الجلوس ومباشرة فتحت النور السهّاري .. ( اعوذ بالله من الشيطان .. اعوذ بالله من الشيطان ) هذي كلماتي اول مافتحت النور .. اخوي يسألني ( وش بك ؟ ) قلت له ( جاني جاثوم اعوذ بالله من الشيطان ) . بصراحة لحظات رعب عشتها وطار النوم من بعد السالفة .. ممكن احد يقول اني شبعان نوم ولا شي .. ولكن يعلم الله ان لي ساعات طويلة مانمت ولا على الاقل 6 ساعات متواصلة من فترة لابأس بها . المقصد من الموضوع كله في البداية هو تصحيح للفكرة الي اخذتها عن الجاثوم .. وممكن فيه احد غيري يفكر بهذا الشي مثلي .. الناس ممكن تسأل عن حلول للجاثوم .. الجاثوم حله بسيط .. في البداية قراءة الاذكار والمعوذات قبل النوم .. وهذا اهم سبب لـ استبعاد الجاثوم .. وفيه حلول اخرى تعتبر تعزيز لابعاد هذا الجاثوم .. منها ( النوم بشكل منتظم .. التقليل من الضغوط الي يتعرض لها الشخص سواء نفسية او بدنية .. ممارسة الرياضة بشكل منتظم ) في الختام كل العذر للجميع لو سببت لهم رعب من هالموضوع لكن هذا واقع ولابد ان الناس تعرفه ( لمن لايعرفه ) . إن اصبت فمن الله .. وان اخطأت فمن نفسي والشيطان اعوذ بالله منه . تقبلوا تحيتي ..