بسم الله الرحمـ،ـن الرحيـ،ـم
السلامـ عليكـ،ـم ورحمـة الله وبركاتـه ../
من بعد غربتي ,.... والسبب ملامح دمـعتي
ظروف أجبرتني .., قدر منعني ..,
/ ،.,
(يمـًـه .., يبــه خلونا نطلع من بيتنا .. مابي نعيش فيه
يكفي يكفي والله إني خايـفه ..) 
كلمات قلتها لأمي ولأبـوي لكثرة الأحلام اللي أحلمها في منامي تحكي مآسي وحزن وخوف
وكوابييس عن بيتنا،, /
/ ..,~
آه على مرارة أيام مضت وخوف ودموع و حزن .. احساس عشناه أنا وأهلي
يحزن الخاطر عليه .,
المواقف المأسـاوية ..,الذكـرى الأليـمـ،ـة ..,//
1/ العادة ان اخوي يمر علي أنا واختي في المدرسة بالظهر ويوصلنا البيت
وفي يوم تأخر والسبب ان لمبة الصالة دخنت واخوي الصغير يتابع توم وجيري 
ومن تأثير الدخان القوي اللمبة طاحت وبسرعه ولعت وطلعت حريق بسيط ببدايته
وأمي شالت أخوي الصغير ونادت الكبير وطف الكهرباء وأخذ الطفاية وطفاها وكل شي مشى تمام التمام
(اخوي يمدح بنفسه : أنا طفيتها أناطفيتها )
لكن الصالة بوقتها كانت مغبرة مرة ورحنا غسلناها ونظفناها وانتيهنا .,,
2/ كنت أنا وأمي بالصالة وشغلنا الدفاية ( المدفـئة ) وشوي شمينا ريحة وبسرعه رفعت راسي فوق
عند الكهرباء و شلت فيش الدفاية وشفته انصهر ولولا الله ثم ما شلته كان انصهر أكثر
وصارت صاعقه كهربائيبة ( بطلة ماشاءالله علي )
وهذي عدت بسلام وأمان .,
3/ هذا آخر موقف هي الكارثةاللي كله رعب وخوف وصراخ ,.
كنا بالبيت في الصباح وأبوي الغالي طلع تقريبا (10 - 15دقيقة ) ورجع وشاف اللي
مايتمناه أبو لعياله وأهل بيته , شاف مطافي وزحمة ناس وشرطة ولمبات وحوسة
كأنا في فيلم أجنبي .فجاته صدمة قوية والسبب اللي نتوقعه حدوث التماس كهربائي نتج عن حريق في المستودع
الخارجي وانتشر لداخل البيت عند الصاله والمطبخ وأثُر على الممرات لكن بفضل الله ثم سرعة وصول
المطافي قدروا يطفونها ولله الحمد وأمي ض\شالت اخوي الصغير ولبست عباتها وركبنا سيارة اخوي ووقفنا بعيد عن بيتنا
وأنا دمعتي بعيني , كل ماسكت بكيت وعيوني احمرت من الحزن والألم والقهر . وبعد ماطلعوا المطافي والباقي
دخلنا البيت نشوف أصلا وش نشوف كل شي راح 
., الفرن تفتت والغسالة واللي حواليهارماد , والصاله ذكراها راح
كل شي راح من بعد ماعشنا فيها سنين ذكرى وضحك وسهرات صارت مكان مخيف شبه مهجور
لكن حاليا نشغل مسجل بآيات ا لله عشان ماتصير مسكونة خصوصا ان فيها شي بسيط منها وما أنسى اخوي الأوسط
اللس قدر يطفي جزء منها بالطفايه لكن شاف الحريق زاد طلع من البيت وبين هذي ا للحظات الكئيبة
ابتسمت 
:
تدرون ليه : شفت ساعة صالتنا متأثرة بالحريق ومع كذا مازالت تشتغل ( أصلية 100 % )
قلت : ندمت يوم حكيت أحلامي .., قالوا ( أهلي ) : " لو ماحكيتي أحلامكـ ما ندمتي " .,~
/ ,,~
الحمدلله ع سلامتنـ،ـا كلنـا
والله يبعد عنكم كل شر .,
وأشكر ربي ان ماحرمني منـكم وخيرة الحريق انه ماحرق أسلاك DSL 
كان فارقت منتدى غالي ع قلبي وأعضاء / عضوات غالين على قلب يكفيها حب حبيبها
أوجـه رسالة شكـر من قلبي قبل أي شي .,
لكل عضو / عضوة بادروا بطيب قلبهم برسالة ع الخاص وأرسلوها لي .,
من خلالها حسيت براحه واني كسبت لو جزء بسيط من محبتكم وتقديركـم .,
// ..، ~
تحيتي أنا / يكفيها حب حبيبها
حـلومـة .,