.. صباحكم ورد طبعا الموضوع باين من عنوانه اليوم بتكلم وبوضح ألبوم عبدالله الرويشد اللي طرحه في أواخر 1988 هو من زمان عاجبني وكل ما اسمع اغنية وابحث عنها القاها من البوم سنة 1988 قلت الله ! هو كل شي حلو بسنة 1988 ! تعرفت على هالالبوم وسويت بحث ع النت وبحث عند امي وطلعت حافظه الالبوم .. فـ لازم اخذكم بجولة حول هالالبوم.. الالبوم جا بعد ستة البومات للسفير ، تضمن 6 أغاني كل وحدهـ تقول الزود عندي اهم حدث فالالبوم .. تعاون عبدالله الرويشد مع أحمد الشرقاوي اللي كتب أغنية " لو فرضنا " وكانت أول أغنية عاطفية يكتبها الشاعر أحمد الشرقاوي .. ياكبرهـ أحمد من ذيك الايام موجود وطبعا وجود 3 ألحان للراحل الملحن راشد الخضر .. هذا غلاف الالبوم .. في تطور عن الاغلفه اللي سبقت هالالبوم ولو اني اشوف ان الستايل مايتغير بس الخلفيه وطريقة كتابة عبدالله الرويشد أغاني الالبوم : دلال .. من كلمات : ساهر ألحان : سليمان الملا دلال ومدللك .. غلا ومغليك وكل هذا يا حبيبي ومنت قايل شفيك !؟ شبيدي أسوي وما سويت ! شبيدي يا عمري وش خليت ! مقصر على نفسي والقصد أهنيك ، مابي شي .. بس أبي راحة بالك مابي شي .. انا لك والحال من حالك شتسوى يعني فرحتي وعينك تعاف النوم !؟ شتسوى يعني لهفتي ومنك انا محروم ؟! جرحك هو جرحي وكل همي بس أرضيك ! يكفي بس ! ولي متى وأنا أضحي لك !؟ يكفي بس ! وهذا انت ساكت وأنا أشكي لك ، لاتمادى .. وتستغل عطفي وحبي لك ، لاتمادى .. عمري مر يا عمري من أجلك ، صمتك طغى ويكفي .. وشكثر بعد أعطيك ! دلال ومدللك ! غلا ومغليك ! أبداع هالاغنية .. اللحن روعه والكلمات ساهر ماقصر فيها يعني هذا ساهر الاول مو ساهر هالسنين وأبو خالد مايحتاج أقول يعيشك جو الاغنية غصب بجد اكثر شي عجبني اللحن ،، يا دنيا.. كلمات : مبارك الحديبي الحان : خالد الزايد يا دنيا على الله .. لو جات من أحبابي حبهم ترى والله .. وسط الحشى رابي أنا الذي جاملت ! بكل الوفاء عاملت .. وكله على حسابي ، هذا جزى طيبي وذي أخر الطيبه ! وهذا جزاة اللي فتح لك قليبه ! قلبي عنك ما غزى جفني عن نومي جفى وانا ما استاهل أبد منك كل هذا الجفى ! يا أغلى أحبابي وكله على حسابي ، أنا اللي تفكيري حابسني في دنياك وقلبك مع غيري وقلبي أنا وياك .. هذا في رايك جزاي ! على أخلاصي وهواي !؟ ولا يعني لك عذر.. باللي سويته معاي ! يا أغلى أحبابي وكله على حسابي حلوهـ هالاغنية .. اللحن يعني حلو وموحلو الكلمات روعه ،، لو فرضنا .. كلمات : أحمد الشرقاوي الحان : راشد الخضر لو فرضنا كنت انا البادي بخطاي واعترف بذنبي كله وغلطتي اعذريني واسمعي صوتي ونداي بـ تعذر لج وأعاند عزتي :/ من بعدتي وانا في همي وشقاي ضيّعت درب السعادهـ خطوتي ! ان رضيتي اشرقت شمس بسماي وان زعلتي فيني ضاقت دنيتي فوقج الله .. لا تزيدين بعناي لاترديني وقدري عنوتي ! مايضرج يا شقى قلبي وهناي لو سمحتي لي اوضح كلمتي ! اعتذاري كان اثبات لهواي ولاتخليني اعيش بحسرتي أبدع في الكلمات الشرقاوي .. الاغنية فيها كمية كبيرهـ من الحزن :/ مع صوت أبو خالد تصير عالم حزن راشد الخضر في هالاغنية اضاف الموسيقى الاسبانيه ع اللحن .. ويمكن هذي للمرهـ الاولى في ذاك الوقت ، ،، على ايش نتفاهم كلمات : عبداللطيف البناي ألحان : راشد الخضر على ايش نتفاهم .. وحبل المودهـ بيننا مقطوع! على ايش نتفاهم .. وما من جديد ينهي الموضوع ! لا تاخذ ولا تعطي وبعينك انا المخطي ! العند بحياتك من الصغر مطبوع ، تجهل حقوقي بين ايديك ، عنيد وما اقدر عليك تفرض علي اني اسمعك ! تبيني اقول الحق معك ! ما اعرف اجامل .. وبالغش اعامل ومقدر في كل شي اتبعك ! فيك النصايح ماتفيد ، كل ما انصحك ترجع تزيد ! صارت حياتي في ملل يوم بـ رضا و عشره بـ زعل تزعل وأصالح .. تخطي وأسامح وعفيّة على القلب احتمل ! حكم حكم يا ابو خالد حلوهـ هالاغنية فيها كمية حكم ودروس واللحن حلو ،، علمني .. كلمات : اسعد الغريري الحان : فاروق هلال علمني عليك .. انا للحين أجهل كل شي فيك ! سكتتك .. نظرات عيونك اذا قلت لك أحبك .. حيرتك رعشة ايديك ، علمني عليك .. مراتـ أشوفك أصعب الناس / ومراتـ أشوفك الناس .. كل الناس .. فيك بينك وبيني المسافه / بدت تكبر من جديد حتى لمى تكون يمّي / أحس فيك انت بعيد حتى لمى تقول أحبك ! أنا أسكت ما أزيد ، الناس تسأل .. الناس تحكي وانا ساكت على نار .. بين أقول اني أحبك .. وبين أقول لا قرار ! لي متى تبقى انت غاضب .. أخاف اضيعك من يديني :/ ياااااهـ اللحن اللحن حاولت ألقى الموسيقى بدون كلمات مالقيت احلى لحن في الالبوم والكلمات روعه بعد وعبدالله غيير بهالاغنيه غيير سمعتها بصوت غيث محمد في نجوم الخليج غناها بأحساس حلو ،، قلبي معك .. كلمات : مها الجزيره الحان : راشد الخضر قلبي معك يا مشغل البال ملتاع ياللي تدور مايزيد التياعي المشكله انك فاهمن كل الاوضاع ! وما للهجر في الحب يا زين داعي خليت قلبي يرتجف بين الاضلاع يصبح علي الصبح مانمت واعي :/ فيك الرجا يا مشقي الروح ماضاع وعيت عيوني يم غيرك تراعي يلي عيونك حلوة سود ووساع معذور لو جيت الهوى باندفاعي ياما نهيت القلب لا شك ما ماطاع ! راضي بغرام اللي سعى في ضياعي اتوقع أكثر اغنية معروفه بهالالبوم .. اللحن سريع لايق على الكلمات رروعه الاغنية خلصنا بكذا كلمات الالبوم .. ابو خالد صوّر ثلاث أغنيات من هالالبوم .. اختار الاحلى يمكن تنتشر أكثر بس اللي أشوفه ان اكثر اغنية انتشرت بالفيديو كليب هي " قلبي معك " ، الاغاني اللي صورها علمني و لو فرضنا و قلبي معك صح ستايل قديم .. وما احس عبدالله تكلف فيهم بس يبقى لها مكانتها واجتهاد في ذاك الوقت .. وهذي صور من الثلاث أغاني قلبي معك / علمني عليك / لو فرضنا / هيك خلصت أنا وان شاء الله أكون وفقت في استعراض البوم الرويشد 1988 وان شاء الله حبيتوهـ مثل ماحبيته .. ابيكم تقولون لي الاغاني اللي حبيتوها والاغاني اللي لا وطبعا لكم مساحة للتعليق .. وبكرر هالموضوع مع فنان والبوم اخر ..
- وياما ياما شغلني طيفو ، - ,