السلام عليكم ورحمة الله وبركاته ..
أريد أن أعرف أولا .. لماذا استغربتم من العنوان .. (هو بيل جيتس على راسه ريشة) .. فهو لا يزيد عني بشيء .. سوى بالخمسين مليار دولار .. ( اللي مطفشنا فيها) ..
=========> هات موضوعك ولا يكثر كلامك
..
بهلول .. جني غبي .. بس فلللللة ..
تعرفت عليه بالصدفة .. لما صلحت السخان اللي في المطبخ .. وخرج لي وهو في قمة الغضب ..
لأنني فتحت (الحنفية) على الحار .. و هو كان نايم تحته (في حوض المغسلة) ..
فتعرض لحروق شديدة من شدة حرارة الماء ..
إذا هو فعلا جني (مرفع)
.. يعشق الباور هورس .. ويكره العباية الفرنسية
لأنو (على حسب كلامه) .. يشوف الوحدة بالعباية الفرنسية .. يطير عقله ..
لكن بعد ما يشوف وجهها يكتشف إنها شاكوش .. أوبالأحرى شاكوشة ..
====> ماعلينا
قال لي في يوم من الأيام : ترى من زمان ودي أرد المقلب إللي سويته فيني ذاك اليوم (حق السخان )..
ومن يومها وأنا أفكر في مقلب مناسب عشان اوريك شغلك .. وأخيرا لقيتها ..
قلت إيش هوه؟ :
قال أخلي شكلك مطابق لشكل بيل جيتس (أغنى رجل في العالم)..
وأسفرك أمريكا .. وأخلي بيل جيتس الحقيقي يدخل حمام بيته .. وأقفل عليه الباب ..
وانت تجي مكانه وتسوي اللي تبغاه ..
قلت : لو أدري إنو المقلب حقك بيكون كذا .. كان من زمان ولعت فيك ..
قال : يعني انت الأن جاهز ؟؟
قلت : قدااااااااام
< < ماصدق
المهم .. قام يسوي حركات غريبة .. ويقول كلام غريب .. ويتمتم ويهمهم ..
وفي الأخير قال :
ثلاثة .. إثنين .. واحد ..
بووووووووووووووووووووم
وأشوف شكلي في المراية .. إلا و أنا زي نانسي عجرم
قال بصوت عالي : معليش ..معليش .. غلط مطبعي ..
ثواني بس وتصير زي بيل جيتس ..
.. وقام يقول نفس الكلام .. ويسوي نفس الحركات ..
وثلاثة .. إثنين .. واحد ..
بووووووومألا وانا زي بيل جيتس .. الخالق الناطق ..
قال : ثواني .وبتكون في نيويورك ..
(حبيت أسوي فيها مثقف )
فقلت له .. لا أبغا مونتريال ..
قال : ياغبي مونتريال في كندا وبيل جتس في امريكا لاتفضحنا
قلت :طيب خلاص لاتنفخ وديني نيويورك ..
وفعلا بعد ثواني لقيت نفسي في المركز الرئيسي لشركة مايكروسوفت كوربوريشن ..
لا و كمان جالس على مكتب بيل جيتس ..
المكتب لوحده قد أرضية ملعب نآدي الهلال
وسكرتيرات .. وموظفين .. وفللللله ..
دخلت علي السكرتيرة وقالت لي (بالانجليزي طبعا) : بغيت شي يالحبيب ؟
اعتقدت بداية الامر ان البنت معجبة فيني .. بس يوم طالعت في المرايه اللي كانت جنبي ..
قلت في نفسي : فيه احد يعجب بوجه زي كذا ؟؟
قلت لها : أبغا شاهي بالحليب ..
==========> وجه فقر
المهم إني حبيت أستغل الفرصة هذي بأسرع مايمكن ..
اتصلت على مدير مكتب بيل جيتس .. اللي هوه مدير مكتبي حاليا ..
وقلت له (بالإنجليزي طبعا): تكفى يابو ديفيد .. ترى الإسم حق الشركه مو معبر ..
حشا كأنها شركة سيارات مو أجهزة كمبيوتر .. أبغاك تغيره
قال (بالإنجليزي طبعا) : طال عمرك .. بس ماتشوف إنو هذا الإسم صار مشهور .. وانو مختصر ومرن و....
ٌقاطعته و قلت :
أقول لايكثر كلامك .. ماهي شركة أبوك عشان تناقشني .. الشركة حقتي .. ان شاء الله أحرقها .. مالك صلاح .. انت مجرد موظف .. تسوي اللي اقوله لك وتنطم .. وجععععععع (طولت في العين)
خذ الاسم الجديد حق الشركة .. وبكرة أبغا أشوفه عند البوابة ..سجل عندك :
.(( مركز القنآص لصناعة الكمبيوترات ))
أجهرة كمبيوتر .. برامج .. صيانة .. شبكات
لصاحبها : ليتني قلبكـ < < اللي يبي يغير اسمه لـ ريــــــان