الحمدلله على الفوز اللي جا بجداره واستحقاق وافضليه.. طبعا مافيه مقارنه بين امكانيات لاعبينا العاليه وامكانيات تشكيلة الامارات نجي للشوط الاول اللي بصراحه كنا مقفلين بس كان سخيف جدا يمكن هذا تكتيك من السيد الجوهر اللي الى الان ما اقنعني .. المهم الشوط الثاني اللي هو الاهم وضحت او ظهرت الفروق الكبيره بينا وبينهم شوط جميل جدا هدف ياسري اول تلاعب في الحارس والمدافع ولقنهم درس عمرهم بياتهم ماينسونه كان ياسر يرسم يصمم يبدع كان هدف مسكت باختصار هدف ثاني جهد جبار من الزوري البطل سحب بدفاعهم كله هدف ثالث انطلق ياسر بالكره بشكل ممتاز انفرد بالحارس الا انه اثر التمرير للفريدي ليدل ذلك على قيادته الحكيمه .. حارس .. كبير ومميز وان شاء الله بهالمستوى واعلى في المباريات الجايه دفاع .. بطل بطل بطل المرشدي انت نجم الدفاع الابرز الله يحميك ومستقبل باهر باذن الله خالد عزيز.. انت دينامو المنتخب والهلال مدري بدونك وش بيصير بصراحه انت صمام الامان وجودك يريحنا كثير الله يبعد عنك الاصابه وسط.. مستويات مميزه يقدمها الجاسم بجانب الفريدي وعطيف مسانده قويه للهجوم وصناعه مميزة للكره هجوم.. ابداع في ابداع انا لو اتكلم عن ياسر ماراح يكفيني مجلدات ومالك ماقصر بعد وعقبال مرمى الكويت يارب.. بعد النهايه ودعت الامارات بثلاثيه نظيفه وهم يتعذرون بمدافعهم اللي طلع في الثلث الاول من الشوط وانا ارى ضعف اللياقه وعدم قدرتهم على مجاراه المنتخب السعودي هي السبب.. مبروووك للجميع الفوز الغير مستغرب وعقبال الجايات يارب ..