بسم الله الرحمن الرحيم
حبايب قلبي
كل من ينتسب الى منتدى القناص ياسر
السلام عليكم ورحمة الله وبركاته... كيفكم بعد الاختبارات وعالمها المشحون...
الله يعين الجميع ويوفقه لما يحبه ويرضاه
طبعا الاجازة قصيرة وتأتي بعد فترة كانت مشحونة وبها جهد ذهني وبدني
وحالة توتر وقلق نفسي وعصبي واشياء اخرى مصاحبة لفترة الاختبارات ...
فلو ان وزارة التربية مددت الاجازة لأسبوعين كان افضل شوي على الاقل الواحد
يقدر يرتاح ويسافر ويغير جو بعد الاختبارات ولكن اسبوع صعبة الواحد يسوي
اللي يبي ويمكن يروح الاسبوع للبعض كله نوم ..المهم اجازة سعيدة للجميع
على الرغم من وجود وسائل الترفيه وتعددها الا انه يصيبنا نوعا من الملل القاتل
والطفش المميت وضيقة الصدر الذابحة فلا ندري ماذا نفعل للتخلص من كل هذا....
وهنا يبدأ العقل في التفكير من فكرة الى فكرة وكل ما مسكت فكرة واخذتها
من جميع الجوانب تسرب الى عقلي الملل وتركتها وهكذا حتى طفشت مني جميع
الافكار واتحدت ضدي وصارت افكاري من اشد الاعداء وبدأت في محاربتي واتهموني
بالجنون وهنا ثارت ثائرتي وقلت ما تضيق الا على الرخوم ايش ورانا جنون..جنون...
ممارسة الجنون تجربة رائعة بحذر
لان عكس الجنون العقل ومن معطيات العقل النظام
والنظام ( ممل) لذلك لابد من ممارسة الجنون لكسر الروتين ....
فبدأت بممارسة الجنون وانا اغني ااااه يا جنووووووووني!!
وما هي! الا ثواني ومحضر عندي مجنون ليلى
حبيب قلبي قيس كلكم تعرفونه طبعا اشهر مجنون!!
قدم نفسه لي وقال انا قيس بن الملوح بن مزاحم من بني عامر بن صعصعة. شاعر غزل,
من المتيمين, من أهل نجد. واما معشوقتي فهي ليلى بنت سعد العامرية (أم مالك)
قلت انت اللي يقولون قتله الحب....قال :
قتيـل من الأشـواق أما نـهاره_فبـاك وأمـا ليلـه فـأنيــن
له عبرة تـهمي ونيـران قلبـه_وأجفانـه تذري الدموع عيـون
فياليت أن المـوت ياتي معجـلا_على أن عشـق الغانيات فتـون
المهم حكى لي قصته وقام يشكيلي من ليلى وما فعلت به وتطنيشها وحركاتها معه
قمت اهديه واخفف عنه شوي وانا احسب ان الرجال صاحي اثره منتهي ومولي ولا الوم الست ليلى
في ما سوته فيه!! المهم جاملته وقلت لهذه الدرجة تحبها؟؟؟ فأجابني بقوله:
أحبـك يا ليلى مـحبة عاشـق_عليه جـميع المصعبات تـهون
أحبـك حبا لو تـحبين مثلـه_أصـابك من وجد علي جنـون
قلت يابن الحلال انتبه لنفسك ودور غيرها تراهم يقولون ماعاد هي بذاك الجمال...فرد:
ألـم تعرفـوا وجها لليلـى شعاعـه_إذا بررت يغنـي عن الشمس والبـدر
منعمـة لـو قابـل البـدر وجههـا_لكـان له فضـل مبيـن على البـدر
قلت طيب وش تبيني اسوي ابشر بالسعد قلي بس...فقال لي:
يقـولون ليلى بالعـراق مريضـة_فما لك لا تضنـى وأنت صديـق
شفى الله مرضى بالعـراق فأننـي_على كل مرضى بالعراق شفيـق
قلت اما ذي فمعصي ولا حصلت الا العراق ما تدري يا المهبول وش بالعراق ذالحين
من ذبح وذبيح ومن راح له اربطوه وعلى طول ارهابي ومن تنظيم القاعدة ....
وجلست احقق معه من اللي ارسلك وش تبي مني وليه تبغى تورطني ؟؟؟ وهو ساكت...
وتأكدت ان الرجال فعلا مصفي طبلونه!! وقلت له بصوت عالي انت مجنوووون!! فرد:
فقـالوا أمـجنون فقلت موسـوس_أطـوف بظهر البيـد قفرا إلى قفـر
فـلا ملك الـموت المريح يريـحني_ولا أنـا ذو عيـش ولا أنا ذو صبـر
قلت والله اني داري انك موسوس لكني استحيت وانت تجاهر بها وتبغى الناس
يزوجونك بنتهم يا الخبل!!!! رح حب التراب احسن لك!!!! وجاوبني على طول:
أَبُوسُ تُرابَ رجلك يا لِوَيلي_ولولا ذاك لا أُدعَى مصابـا
وما بَوسَ التراب لحب أرضٍ_ولكن حب من وطئ التراب
قلت يا ابن الناس الله يستر عليك انت بتشبهني في العالم ومدري وين بيميل بك الهوى
فقال :
يـميل بي الهوى في أرض ليلـى_فأشكوهـا غرامـي والتهابـي
الحقيقة اني رحمته وقلت له يا ابن الملوح لا ادري اين سترمي بك الايام...فرد بقوله:
رمتنـي يد الأيـام عن قـوس غـرة _ بسهميـن في أعشار قلبي وفي سحـري
بسهميـن مسمومين من رأس شاهـق_فغـودرت مـحمر الترائـب والنحـر
قلت انا بروح تبي شئ غير روحة العراق علمني....فقال:
وأدنيتني حتى اذا ماسبيتنـي= بقول يحل العصم سهل الأباطح
تناءيت عني حين لالي حيلة = وخلفت ما خلفت بين الجوانــح
رحت وخليته وانا مدري ويش قصده وما ناقشته فيه خفت!! مهبول وفي البر ويحب
يالله بالسلامة بس!! وقلت هذا اول الجنون يالله تستر من الباقي واااااه يا جنوني
الخلاصة
هذا احد المجانين الذين ذهبت عقولهم بأسباب ما يسمى بالعشق
او الحب وتحبون تعرفون نهايته؟؟
نهايته بعد ما تركته رجعت له في اليوم الثاني فلم اجده وهاك يا فرفرة ابحث عنه
واربعة ايام وانا على ذا الشكل ما خليت جحر ضب الا دورته فيه وفي اخر اليوم الرابع
وجدته منبطح على ذيك الغزال ميت والغزال ميته وبعد التحري عن قصة الغزال قيل
انها مرت عليه ولما نظر اليها وشاهد عيونها صاح بأعلى صوته وقال عيون ليلى
وهاك يا طردي خلف الغزال المنكوب ولا تركها حتى طرحها ارضا ومات المجنون
وماتت معه الغزال وكانت ضحية لا ذنب لها ......
وحصلت ورقة على ظهر قيس مكتوب عليها:
الحب قطع قلوب البعارييييييين ==حتى الحمير السود يلعن جدفها
واخرى في يد الغزال مكتوب عليها:
الحظ عجه والرفاقـه قراطيـس == من دور القرطاس في وسط عجه
حبايبي ...
تدرون من السبة ؟؟؟ ومن الضحية؟؟
كل ما جرى لأخونا قيس بأسباب تخيلاته واوهامه ووسوسته وطبعا السيدة
ليلى لأنها لو ما ضحكت معه واعطته غمزة على الماشي وكلمة لطيفة ما صار اللي صار !!
وفي النهاية راح فيها المجنون والسيدة ليلى لم تهتم ولم يحصل لها شئ بالمرة
بل عاشت حياتها طبيعية وانجبت وتمتعت بحياتها ...واخينا هائم على وجهه في البران
ومن حارة الى حارة الين فضحنا وصارت فضيحتنا بجلاجل ...
سؤال:
لماذا دائما الضحايا رجال في قصص العشاق ولم نسمع عن امراءة واحدة
صابها ما صاب اخواننا؟؟؟
هل فعلا كانوا مجانيين وفاقدين لعقولهم وابلشوا بنات خلق الله في انفسهم ام هم ضحايا؟
اتمنى الاجابة بصراحة وسوف نتواصل ان شاء الله مع باقي المجانين ونعرف ما
هي انطباعاتهم في المرات القادمة ومنهم على سبيل الذكر: جميل بثينة....وكثير عزة....
والملك الضليل امرؤ القيس..وقيس بن ذريح....وطبعا السيد روميو ومعشوقته جولييت...
وغيرهم ممن اعطونا الوعد بالحضور والمقابلة في مكان ما خاص بعالم الجنون...
واخيرا ...
اتمنى انكم استمتعتوا وقضيتوا وقتا ممتعا مع مجانينكو ...وتحيتي للجميع....