مــع وبقــوه .. كثير يقولون مايحتاجون يعرفون طيب هل يعرفون الطرق الصحيحه ؟؟ يعرفون المفهموم الصحيح ؟؟ وربي الاغلبيه يحط مقاطع من الشباب قدام خوياه بس يكشخ والا هو مايدري وش السالفه وأنا واثقه من هالموضوع سواء بنات أو شباب وقد مر علي بنات مثل كذا ,, بالعكس الوقت الان كثير من البزران يتعلم بطريقه خاطئ أما عن طريق أنترنت أو عن طريق مقاطع جوال أو عن طريق كلام بالمدارس من هنا وهناك ..!! يعني أشوف البعض متشدد في الامر هذا وبقوه ليش طيب ؟؟ لاحياء في الدين والثقافه الجنسيه نوع من انواع الثقافات اللي المفروض الانسان الفاهم يلم فيها من مجاميعها ويكون فاهمها وفاهم حرمتها وحلالها .. الان كثير من الازواج يقعون في حرج هذا حلال وهذا حرام والسبب أنهم تعلموا هالشيء من مواقع أباحيه خلطت الحابل بالنابل حلاله وحرامه وطلعوا على هالشيء .. :/ برآيك هذا شيء زين ..؟!! يعني هذا حرام قبل كل شيء ترتكب آثم وأنت ماتدري والسبب جهل في هالثقافه أو تحجر مجتمع أو أنك تعلمته بطريقه خطأ .. لو فيه كتب وأنا هنا لاحظوا ماقول كتت أباحيه لا لو فيه منهج بطريقه آسلاميه كما في الكتاب والسنه بالعكس بيخرج لنا جيل فاهم وواعي وملم بالثقافه ويعاف هالمواقع اللي مامن وراها الا دمار الاخلاق .. :/ الان كثير من الشباب يدخل مواقع اباحيه يبي يتعلم اشياء وللآسف تجره هالمواقع لأشياء أكبر وأكبر هذا برضو شيء حرام .. برآيكم ذي بعد شيء حلو ؟؟ هالاشيءا الخاطئه كلها بيلغيها المنهج المفهوم والواعي والمبني على أساس الشريعه الأسلاميه لحد يقول لي عيب وحرام وش عيبـه !! القرآن أفضل وأفصح وأطهر كتاب نزل فيه مفهوم الثقافه وشرح لها وأحكامها والسنه النبويه برضو يعني مامن لاحرام ولاعيب مجرد تخلف مجتمع أهوج ,, كفايه نترك عيالنا يعانون مشاكل عانى منها جيلنا والاجيال اللي قبل .. المفروض نبي لأجل أطفالنا .. فكر فيها صح وأحسبها صح الممنوع مرغوب والمجتمع السعودي فارض على الجنس كلمه منع وبقوه وبشده وهذا اللي جعل حتى البزران تتجه له من هالمبدأ مبدأ الممنوع مرغوب .. الكل عنده فضول بيعرف ليه أبوي وأمي واخواني وخواتي الكبار مايبوني أدخل مايبوني أشوف مايبوني أقرآ وللآسف أنه يطيح على مواقع تعلمه أشياء ماأنزل الله بها من سلطان .. :/ لكن التعليم الصحيح لمثل هالاشياء بيخليهم بغنى عن المواقع والكتب والسيديهات الاباحيه اللي تهدم أخلاقهم بحجه تعليمهم والتعليم منهم براء .. :/ !! أعتقد أننا أرتقينا عن مبدأ المنع والصك والفك خلاص جيل أغلبه أن لم يكن كله جامعي وواعي وش تبي تسوي لعيالك بكرا ..؟!! بتخليهم على ماعاش عليه أبوك وأمك وأنت وبيعانون نفس ماعانيت ويشوفون نفس ماشفت بالنت وبالجوال وبغيره ..؟!! أرتق أنت بأخلاق أبنائك بلا منه خلق ربي ربي شرح لنا كل شيء في كتابه ووضح لنا يعني شيء مادري وش السبب في منعـه ..؟!! الله يعين على العيب اللي ذابح المجتمع .. :/ !! الا ياليت سعود الفيصل يمسك المناهج .. أنا واثقه تمام الثقه بيغير هالمفاهيم وصدقوني هالنوعيه من الكتب الثقافيه والفلسفيه والتطويريه هي من بيحل محل الكتب الروتينيه الممله .. << شطحت ادري عافاك ربي ومتابعه وبقوه وياليت المعارضين يردون على أسئلتي بالاعلى ..