....
سيد جروحي شمس عمري وظلي
البعد طول والخطأ منك واضح
اذا غرورك يمنعك تعتذرلي
تعال جنبي وابتسم لي واسامح
تدري احبك لكن الموت ذلي
ادوس انا قلبي لو الشوق جامح
الله عطاك الحظ واصبحت خلي
والله عطاني اياك طاغى ملامح
سألتني يا ياسميني وفلــــــي
ياكيف يشفى الورد..والشوك جارح
مثل العيون اللي لها كل كلي
زايد حلاها لكن الدمع مالح
وش تنتظر يكفي دلال وتغلي
الوقت ماهو للوصل دوم سانح
مادمت ترحالك ومادمت حلي
ان صرت انا خسران ماصرت رابح
لا تعطي الفرصة لعذالنا اللي
لكل ماهو يهدم الحب طامح
سيد جروحي شمس عمري وظلي
الحب بعد وقرب ..مخطي وصافح
اذا غرورك يمنعك تعتذرلي
لاتعتذرلي قول اسمي واسامح
..............................كم أنت كبير 
أجهلك .. و لي سنين اتخيلك
اتمثلك في كل طيف .. والقاك في قسمات ضيف
كل المشاعر له تقول .. حنـّا هلك
أجهلك .. ولي سنين اتخيلك
القاك في بعض الوجيه .. ويمرني طيفك واجيه
يا باكر اللي اجهله .. ارقتني الأسئلة
وابطى العمر يستعجلك ..
أجهلك .. ولي سنين اتخيلك
بالعيوب وبالمزايا .. بالألم
لامن هجرتي يجتاحبي ضلوع وحنايا
اتخيل شكوكك وظنك .. اتخيل التقصير منك
حتى الجفا اتخيله .. وكيف انا باتحمله .. واتحملك
أجهلك .. ولي سنين اتخيلك
وجهك اللي قد حبسته داخلي في غمضة عيوني
واللي ياما قد رسمته .. من عبث طيشي وجنوني
................................ممتنه لهكذا ابدآع
مساء الخير والإحساس والطيبة
مساء.. ما يليق إلا بأحبابي
مسا غير.. غصن لطير يحكي به
عن اللي مسكنه جفني.. واهدابي
هلا باللي أحبه كثر تعذيبه
وكثر ما هو يغيب وكثر ترحابي
حبيبي هو ولو ما قصر الغيبه
ولو عن بسمتي قد طول غيابي
اعرفه زين واعيتني اساليبه
عدوي يوم.. ويوم أقرب من أصحابي
ملكني بين ترغيبه وترهيبه
يفارقني وهو واقف على بابي
به الصادق بها الغارق باكاذيبه
يبي بعدي ودمعه بلل اثيابي
بها القسوة بها الرقة بها الهيبه
بها الضعف القوي به نشوة اغضابي
.......................................كلمات لاأمل سماعها