اهلن اهلن .. هلالي كل عام وانت بخير.. حسيت ان كلامك مع غازي صدق<< ميانه لانهم هم كذا بس يسلكون و يمشون وغازي مشكلته انه لوقي يعني لو تسمع كلامه تقول ماشاء الله والا بالفعل ماعندك احد اعتقد اننا من اكثر الدول اللي تعاني من البطاله يبون البطاله تنتهي وهم يشغلون اجانب على رووس السعوديين .. ويبون البطاله تنتهي وهم للحين يستقدمون اجانب يشتغلون شغله بايخة السعودي اولى فيها .. واذا جينا للعماله حسبي الله عليهم بس كل مالهم وهم يزيدون وياليتهم مثل خلق الله مودبيين لا شين وقوي عين انا من شفت تسعة وتسعين صايرة ارتاع منهم اقولك من مواقفي معهم الله يقلعهم.. مرة وانا بنده مع اهلي نتقضى كان فيه واحد مدري وش يبي من حياته يناظر نظرات ويلاحق بعد وانا سافه امه ويوم شفته طولهامعي قلت ابد يبيلي اتهاوش وياه<< شر طبعا بس قلت عادد يابنت عيب اعقلي هندي مسكين ضعيف تخيلوا معي انا نسيته ويوم جيت اطلع رحنا للمواقف واثاريه لسى ورانا وحنانحمل اغراضنا تخيلوا الوسخ وش سوى جلس على سيارة وجالس يطالع وبعدين زلب ابو العالم وفسخ سرواله <<<<< نو كومينت ونجي للاسئله أقتباس * أول قرار ستفعله لو مسكت وزاره العمل ؟ بمنع استقدام العماله أقتباس * كيف ستعمل لحل من مشكله البطاله ؟ بحاول قد مااقدر ادمج السعودي مع الاجنبي ولاتعلم خلاص اخلي الاجنبي يروح لديرته.. أقتباس * أصدر قرار سريع بشأن العماله الوافده , ماذا سينص ؟ اسفر اي عامل هارب من كفيله ولا عنده لا شغل ولا مشغله ومسوي زحمة بالدنيا واسفر بعد البنغاليه اللي بالبطحاء و وعلى شارع الدشوش أقتباس * هروبي من الباكستاني تتوقع أنه شجاعه ولا خوف ؟ شجاعة .. وياروح مابعدك روح.. أقتباس * أشطح في حدود المعقول ، شطحتي فوق.. أقتباس * شرايكم في تنسيقي ؟ ابطل شي .. أقتباس * وش رايكم برابح صقر؟ للاسف مااحبه .. ويعطيك العافية هلالي على هالموضوع البططططل وان شاء الله ينسمع وينقرى بعد << مثل ماقلنا اوقاتهم ثمينه