مسهم بالخير
كل عام وانتم بخير بمناسبة العام الجديد
ذاك اليوم كنت تاكي مع العيال في الملحق
عاد شطح واحد منهم ( وهو عبقري ماشالله ومخه نظيف
) ..
قالي تميم بعطيك لغز انت والعيال واسرع واحد يعرف الحل معناها دافور
عاد تحمست انا وقلت يالله يا ولد ياسمعنا ..
طبعا عقب ما طرح اللغز علينا .. انقلب حالنا 180 درجه .. تحمسنا من جد وكل واحد وده يحله
الي يناظر السقف عشان يركز باللغز .. واللي غمض عيونه .. والي فتح خشته ههههههههه انواع الفهوان
المهم اننا بالنهاية ما عرفنا نحله .. مدري هو دلاخه فينا ولا اللغز صعب هههههههههههه
قال لنا .. اوكي .. بعطيكم لغز ثاني ..وورونا شطارتكم ..
ونفس الشي بصراحه ما عرفنا نحله .. عاد انا ما عرفت انام الليل هههههههه هو انا ماحولك احد ولا الغازه لحسه
طبعا كل واحد فيكم الحين قافله معه يبي يعرف الالغاز ..
اوكي .. بطرح عليكم اللغزين .. وراح استقبل اجوبتكم بنفس الموضوع
خلونا نشوف من الذكي فيكم ومن الي زيي ماحولك احد خخخخخ
الالغاز ماهي صعبه بس الله لا يهينكم ركزوا وشغلوا امخاخكم <= يسمع بالنحو
*
*
اللغز الاول :
ثلاث اشخاص عند الملك ..
الملك معاه 4 طواقي.. 2 من الطواقي لونهم ابيض .. و2 لونهم اسود
مسك الملك ال3 اشخاص وخلاهم يوقفون ورى بعض
ولبس كل واحد فيهم طاقية
طبعا محد يعرف فيهم وش لون الطاقية الي فوق راسه
وعرض الملك عليهم انه يبقيهم على قيد الحياة مقابل أن أي شخص فيهم يعرف وش لون الطاقية الي فوق راسه
طبعا الطاقية الرابعة مع الملك .. وما يقدرون يشوفونها
ال3 اشخاص صافين ورى بعض
ومحد فيهم يقدر يلتفت وراه
كل واحد يقدر يناظر قدامه بس
فــ زبدة اللغز هو : كيف أن شخص من الاشخاص يعرف وش لون طاقيته بدون ما يلتفت ورى وبدون ما يدري وش الطاقية الرابعة الي مع الملك .. ؟؟؟
*
*
*
اللغز الثاني :
عندك 9 كاسات .. 8 منهم مقدارهم 1 لتر .. وكاس واحد بس من ال9 مقداره 2 لتر..
وعندك ميزان
طبعا الكاسات مغطية وماتقدر تشوف كم لتر بوسطها
السؤال هو : كيف تقدر تعرف أي كاس الي فيه ال2 لتر
علماً بأنه تقدر تستخدم الميزان مرتين بس ..
طبعا الميزان المقصود هو الي فيه الكفين
ارجو أن اللغزين كانوا واضحين .. والي عنده استفسار يطرحه .. مع أني وضحت الالغاز بشكل واضح
بانتظار اجوبتكم
سواء عن اللغزين أو عن أحدهم ..
وارجو رجاء حار أن الي مرت عليه الالغاز من قبل ويعرف الاجوبه
ان يترك الفرصة لغيره وما يجاوب
والفايز يبشر بتوقيع يحبه قلبه
اذا يبي طبعا
<= قعيطي هههههههه
بانتظاركم
ملاحظة :
تم اخذ الموافقة على تنزيل الموضوع