هلا ابوعبدالله .. بترك الجانب الاقتصادي والسيارات شوي وبروح للفقره الأهم في موضوعك اللي هي ضرب جورج بوش ,, طبعاً هي ماسوت شيء لاحررت العراق ولافلسطين ولاحركت العقول الجامده عندنا مجرد نقلت صوره خاطئه من جديد أن العرب لايعون معنى " الحضاره " ولاحتى الرقي ,, بغض النظر عن أن بوش أنسان سيء ورديء وكل صفات الشر والسوء فيه لكن يقولون من أول العرب " كلن يعمل بأصله " .. يعني لو جزمه منتظر الزيدي سوت شيء للعرب كان أنا أول من يصفق لها ويشجع على هالمبالغ بس آنها ماسوت شيء .. أنا مستغربه وش صار يعني وضربه طيب وش صار ؟؟ وبعدين ؟؟ وش تغير يعني ؟؟ مجرد أنها أشاره لضعف وغباء وتخلف عربي يسجل من جديد ونقل صوره مدري وش تبي أعزكم الله هالحين يناظرون لنا إننا مانتعامل إلا بالجزم .. وحده من الرسايل اللي جتني على جوالي قصيده مدح في منتظر فأرسلت لصديقتي اللي مرسله لي المسج " وش سوى " ؟؟ أرسلت لي فاتك ضرب بوش وسالفه طويله عريضه ؟ رديت لها طيب وبعدين ؟؟ ماردت ..!! لانه مافيه بعدين!! على نفسها جنت براقش لانال بلح الشام ولاعنب اليمن لاهو اللي صان كرامته وحياته وحفظ روحه والحافظ الله ولاهو اللي حقق مجد وأخرج الامه من تخلفها وفشلها الغبي .. :/ ونفس الشيء بوش ماضرب طالباني على يده علشان يصافحه ..؟؟!! ولاغصبه يرحب فيه في بلاده !! ولا جر خشوم حكامنا وقال أستقبلوني وخلوني صديقكم الصدوق!! الدوله مهما كانت ضعيفه سواء أقتصاد أو شعوب تظل مسأله فرض القوه مسأله سياسيه ومسآله قوه حكومه قبل كل شيء .. حنا النفط بيدينا وحنا مصدرينه وهم مستهلكينه بمجرد حسبه بسيطه في مخك بتعرف ياعزيزي العربي من الغبي اللي مجرأ على نفسه .. !! الله سبحانه وتعالى في كتابه يقول ( ولاتهنوا ولاتضعفوا أنتم الأعلون أن كنتم مؤمنين ) .. بس وين القـوه ..؟!! الصداقه تعتقد حكوماتنا العزيزه أنها لاتأتي الا بالخضوع والأبتسامات ونزف الدماء وهذا شيء غبي وماهو جديد على هالعرب .. بس مادرت أنها لو فرضت شخصيه أقوى بيد وحده متماسكه بتشوف أن الدول ذي وأولها أمريكا هي من تطلب صداقتنا لان مصلحتها عندنا قبل كل شيء ,, عموماً هم عطوا منتظر الزيدي أكبر من حجمه جداً وحطوه ملك وهو ماسوى إلا سواد وجهه .. لو فيه خير ماضرب بجزمه .. :/ لو هو ناوي يضرب يعني بغض النظر عن قدر اللي قدامه كان ضربه بشيء يبرد قلوب العرب ويرد ثأرهم قبل كل شيء ,, هي كانت مجرد تهويشه صحفي وللآسف كلها زميلنا الصحفي بلحاله وأول من ضربه هم زملائه اللي بجنبه .. ومثل ماقلت ياأمه ضحكت من جهلها الآمم و : نعيب زماننا والعيب فينا .. ومازماننا عيب سوانا .. والله مافيه عيب في هالزمن إلا العرب أنفسهم وغبائهم وخوفهم وتخلفهم اللي بيظلون طول عمرهم عايشين فيه .. سحقاً لهم وسحقاً للي بيشري جزمه ذلتنا قدام العالم ونسي أن أبناء ديرته لو هو مب حاجه هالفلوس أحوج من جزمه عار علينا .. هذرت واجد أظن بس بقلبي على هالغباء العربي شيء مايوصف والله يعين .. ماندري إلى متى حنا كذا ولاندري متى الفرج ..؟؟! ابوعبدالله: عافاك ربي موضوع على الجرح ..