..




سنه مرّت بحلوها ومرها ..
سنه عدّت كـ " لمح البصر " , ولو تسأليني متى آخر مرهـ بديت عام جديد يمكن اقولك قبل اسبوع او شهر بالكثير ..

راحت سنه وانطوت صفحاتها كـ سابقتها من السنوات ..
عاشت روحي " 17 " سنه , وفي كل سنه اسأل نفسي .. " يرضيك يا محمد اللي سويته هالسنه ؟ " !!
ودايما ً اجاباتي تجي خجوله ,

انتهت سنه .. ودّعنا ناس , ورحبنا بـ ناس .. خصوصا ً فتره الجامعه تشهد انقلاب كبير بالعلاقات
اللي سافر , واللي تزوج .. واللي انقطعت اخبارهـ ..

اسمع كل يوم اغنيه لـ تامر حسني , " ناس .. بنآبل ناس .. ونفارء ناس .. ومش آدرين ننسا اللي فات !!
مين , فالدنيا دي مين , ما حلمش بيوم , لو ترجع بيه ايام زمان ؟ " كنوع من الظرافه ارد عليه " اكيد محد يا المصري :D "

قال ابو نوره بأحد روائعه .. " من بادي الوقت وهذا طبع الأيامي .. عذبات الأيام ما تمدي لياليها
حلو الليالي توارى مثل الأحلامي .. سيور عني عجاج الوقت يمحيها "

وبنفس الأغنيه يقول " إذا صفالك زمانك علّ يا ظامي .. إشرب قبل ما يحوس الطين صافيها " !!

شتّان ما بين تامر وابو نوره ولكن الجميع يغني على ان الدنيا كبيره , وساعاتها قليله !
بأي حق تكون السنه 360 يوم فقط .. وان سنحت الفرصه اصبحت " 360 " كحد اقصى ..
آه , يا سرعها الأيام ..

احس اني قلبت شايب على ذا الحكي .. بس من جد تغمض عين وتفتح عين تبدأ سنه < لا عاد اسرفت :D

كل عام وانتم بخير , هالسنه بدت بعودتي معكم .. لأني اشتقت لهالمكان اللي كنت ارتاح فيه واشوفه عين غطى وعين لحاف ..


كل عام والكل بخير , وتنعاد عليه كل سنه ان شاء الله ..

جمانه .. كل عام وانتي رائعه كما عهدتك .. اتمنى سنتك تكون اجمل من سنواتك السابقه
دمتي تهنئه قبل ان تكوني مهنئَه بالسنه ..