: : صبحك الله بالنور أقتباسهي يوم تشوف أبوي عطاني الريال ودخل المحل .. تلحقني وكانت كل ربوع تاخذ من هالريال المسيكين .. آخر شي صرت آخذ من أبوي ريالين بحجة إني أعطيه ولد عمي .. وهو ما يدري إني آخذ ريال لي وأعطي رشيدة ريال عشان ما تلحقني وتسطرني .. هههههههههه>> البنت مستانسه محد قدها تنتظر الربوع عشان ريالك بس والله كسبت اجر فيها أقتباسمرة رحت مع أهلي وعمامي لـ حديقة الحيوانات .. الحديقة مقسومة قسمين .. قسم لـ الألعاب وقسم لـ الجلسات .. أنا كنت أبي أهلي يجلسون بقسم الألعاب عشان العب كورة .. وطبعا ً أنا أقول لأبوي : يبا خلنا نجلس هنا .. وابوي مطنش ومايرد .. وآخر شي حلفت إني ما اجلس إلا بقسم الألعاب .. آخر شي فكرت بحل سريع وبديهي .. قلت لأبوي بأسلوب تهديد تجلسون بقسم الالعاب والا لا ؟ ,, قال ابوي : لا .. قلت زين .. وأروح أفصخ ملابسي كلهااااا .. وصار أي واحد يمر من قدامي أقول له : ترى هذوليك أهلي .. ( يقال لي أبفضح أهلي وأحط سمعتهم بالتراب .. ) ههههههههه والله ضحكتنى من قلب ، وشسمه ماقلت معطاك الوالد كم ضربه معتبره أقتباسولحد اليوم هذا .. أي طفل من جماعتنا يبي شي وأهله ما يبون يسوونه له .. يقولون له : روح فصخ ملابسك وأفضحنا زي نواف .. <- صرت مصخره بسبب هالسالفه .. الله من الفشيله شكلهم بيقلونها لعيالك بس من جد يوم يذكرونك بهذا الموقف مو تتفشل هذا بلاء الاهل يذكرون باشياء ،انا يوم كنت صغيره كان كلامى كثير ولا جلست في جلسه اتصدر المجلس سواليف وماكان عليه من احد اسولف وكان الوالد يقول اذا سكتى خمس دقايق اعطيك خمسه ريال بس مكنت اصبر على الخمسه دقايق احسها كثير والحين بعد ماكبرنا صارو يعلقون يقولون ام كلام كثير كانت تسكتنا وصرت معروفه واى طفل صغير يتكلم كثير يقولون سبحان الله طالع لها . أقتباس وعشان أثبت لكم إني أذكى نفر بهالكون بقول لكم سالفه العصفور فاين الحظ .. مرة كنت راجع من المدرسة ودخلت غرفتي جالس ابدل ملابسي لقيت عصفور دخل مع الدريشة .. وفكرت إني أصيده .. طبعا ً قفلت الباب والدريشة وشغلت المروحة عشان العصفور ما يطير فوق .. المهم نص ساعه وانا أطارد العصفور وما مسكته آخر شي خربها العصفور وطار .. وصقع بالمروحة وانشقت بطنه هههههههههههههههههه بس انه ما مات .. جيت قلت العصفور آخرتها بيموت .. خلني أسوي فيه تجربة عشان إذا عاش العصفور أصير إنسان مشهور .. مسكت العصفور المسكين .. وآخذته للمطبخ .. وفتحت بطنه شوي .. ومسكت علبة ( الفيري ) وعبيت بطنه فيري .. بعد نص دقيقه قام العصفور يتنافض .. يتلفظ أنفاسه الأخيره .. طبعا ً العصفور ماتوفى أبد أبد .. أحبني وأنا أسوي تجارب مسيكين العصفور ... اوما تجارب عليك انواع التعذيب أقتباسهذا ما كان في جعبتي .. من أيام الطفولة السعيدة .. حلوه طفولتك واحلى شئ لما الواحد يتذكر مواقف الطفوله أقتباس أتمنى إني ما ثقلت عليكم .. بالعكس خليتنى اتذكر اشياء حلوه في طفولتى أقتباس- وش رآيك بطفولتي ؟ حلوه وفيها اكشن أقتباس]2 - وش رآيك فيني وبتصرفاتي وأنا طفل ؟ ماشاء الله عليك شكلك اتعبت امك 3 أقتباس - أذكر موقف طريف أو حزين حصل معاك أيام طفولتك يكثر المواقف بس اذكر وانا صغيره دايم يقفلون باب المطبخ لانى احب اكسر الصحون وكان مايمر اسبوع الا وانا في المستشفى من كثر الاصابات اذكر مره طلعت فوق الدولاب بسوى مثل افلام كرتون يوم يطيحون وتطلع فراسهم حاجه مدرى وشسمها المهم نطيت من فوق الدولاب ولا اذكر بعدها شيئ وفقت وانا في المستشفى طبعا اغمى على من قوه الطيحه لكن الموقف الى حزنى كان عندى عصفور اسمه راكان كنت احبه ودايم العب معه وفي يوم لقيته مقتول من عيال الجيران وبكيت عليه كثير ودفنته كان حلو ولونه تدرجات الازرق يعنى هلالي لانى من صغري احب الازرق </STRONG> هههههههه ماشاء الله عليه شكلى للحين احب اتكلم كثير نواف اذا ذكر اهل الابداع فانت اولهم يعجبنى قلمك وعباراتك العفويه اتحفنا بمزيد من مواضيعك الممتعه