صبحهم بالخير .. مسيهم بالنور .. أخبار المجلسيين <- على وزن البروازيين .. كلنا مر بمرحلة الطفولة .. ما عدا مسلم التمياط .. طلع من بطن امه عمره 17 وعلى طول دخل الثانوي .. <- واسطه .. وفيه بعض منا عاش طفولة سعيده وفل أم أمها بطفولته .. وبعض منا عاش طفولة تعيسه أتعس شي بالتعسين .. بس ما أظن فيه أحد منكم عاش طفولة أتعس من طفولتي .. طفولتي لو أسوي لها فلم ياخذ جائزة الأوسكار .. طفولتي أتعس طفولة بالعالم .. طبعا ً طفولتي فيها قصص حلوة وفيها قصص شينه .. نبدا بالقصص الشينة مع رشيدة و أخو كمال .. أول شي بعرفكم على الأشباح اللي ذكرتهم بعنوان الموضوع اللي هم ( رشيدة ) + ( أخو كمال ) .. رشيدة و أخو كمال هذولي مهابيل .. <- يعني مافيهم مخ .. رشيدة انهبلت لان المكيف حقهم طاح فوقها .. و أخو كمال مدري وش اللي هبله بس الزبدة إنه مهبول .. في يوم ٍ من الأيام عندما كُنت طفلا ً صغيرا ً والبراءة تسعبل من وجهي سعبله .. كان عندنا محل .. وبيت عمي ساكنين قريب من المحل .. كان أبوي كل يوم أربعاء ياخذني معه للمحل .. هو يدخل على المحل .. ويعطيني ريال ويقول لي روح لبيت عمك .. انا من زود البراءة أروح على بيت عمي لإنه قريب من محلنا .. طبعا ً بيت رشيدة جنب المحل بالضبط .. فـ كانت 24 ساعه بالشارع .. طبعا ً انا من قبل لا نطلع من بيتنا وانا افكر كيف احط رجلي واهرب من رشيدة .. فكانت أسرع بنت بالرياض ... يعني الحين لو تدخل سباق جري تفوز بالراحة من كثر ما كانت تلحقني .. المهم .. كانت لما تشوفني اخذ فلوس من أبوي تظن إني اخذت منه 500 ريال .. ما تدري إنه ريال .. هي يوم تشوف أبوي عطاني الريال ودخل المحل .. تلحقني وكانت كل ربوع تاخذ من هالريال المسيكين .. آخر شي صرت آخذ من أبوي ريالين بحجة إني أعطيه ولد عمي .. وهو ما يدري إني آخذ ريال لي وأعطي رشيدة ريال عشان ما تلحقني وتسطرني .. كانت رشيدة مسببة لي عقده .. لدرجة إني لما أشوف ( ريال ) أتذكرها .. نجي لقصة أخو كمال .. أخو كمال هذا انا ما اعرف اسمه .. بس اسم اخوه كمال عشان كذا اناديه أخو كمال .. أخو كمال أبشع شكل بالعالم بدون منازع .. كان وجهه مو بشع وبس إلا يخرع , يخوّف , يرعب .. في يوم من الأيام وعندما كانت البراءة تسعبل من وجهي .. كنت عند بيت عمي .. وكان جنب بيتهم بقالة وقدامهم بقالة .. أنا واقف عند البقالة اللي جنب بيت عمي وشايل بيدي آيسكريم وفتحت الآيسكريم أبي آكلها .. و أخو كمال واقف عند البقالة اللي بالجهة الثانية .. يعني بيني وبينه 30 متر تقريبا ً .. وانا بيني وبين باب بيت عمي 10 أمتار ويمكن أقل .. ما ادري كيف رفعت عيني وإلا تجي عيني بعين أخو كمال .. انا من الخوف ما هربت ودخلت بيت عمي .. قمت أبكي .. وهو للحينه واقف عند البقالة ما تحرك .. وطاحت الآيسكريم من يدي .. وهذاك الربوع كان مشؤوم جدا ً .. لإني خسرت ريالين .. ريال راح لـ رشيدة والريال الثاني اللي شريت فيه الآيسكريم اللي طاح من يدي بسبب أخو كمال .. على فكرة أخو كمال كنت لما أشوفه .. بنفس اليوم أحلم فيه -- -- -- انتم تدرون كل واحد بطفولته عمل جرايم وسوى فيها الولد الذي عبقري .. انا بطفولتي كنت اعتقد اني اذكى من على هالبسيطة .. <- لاتشرهون عليه كان بريء جداً .. بذكر لكم الموقف عشان أثبت لك إني ذكي .. مرة رحت مع أهلي وعمامي لـ حديقة الحيوانات .. الحديقة مقسومة قسمين .. قسم لـ الألعاب وقسم لـ الجلسات .. أنا كنت أبي أهلي يجلسون بقسم الألعاب عشان العب كورة .. وطبعا ً أنا أقول لأبوي : يبا خلنا نجلس هنا .. وابوي مطنش ومايرد .. وآخر شي حلفت إني ما اجلس إلا بقسم الألعاب .. آخر شي فكرت بحل سريع وبديهي .. قلت لأبوي بأسلوب تهديد تجلسون بقسم الالعاب والا لا ؟ ,, قال ابوي : لا .. قلت زين .. وأروح أفصخ ملابسي كلهااااا .. وصار أي واحد يمر من قدامي أقول له : ترى هذوليك أهلي .. ( يقال لي أبفضح أهلي وأحط سمعتهم بالتراب .. ) باللهي ماني ذكي ؟ ولحد اليوم هذا .. أي طفل من جماعتنا يبي شي وأهله ما يبون يسوونه له .. يقولون له : روح فصخ ملابسك وأفضحنا زي نواف .. <- صرت مصخره بسبب هالسالفه .. وعشان أثبت لكم إني أذكى نفر بهالكون بقول لكم سالفه العصفور فاين الحظ .. مرة كنت راجع من المدرسة ودخلت غرفتي جالس ابدل ملابسي لقيت عصفور دخل مع الدريشة .. وفكرت إني أصيده .. طبعا ً قفلت الباب والدريشة وشغلت المروحة عشان العصفور ما يطير فوق .. المهم نص ساعه وانا أطارد العصفور وما مسكته آخر شي خربها العصفور وطار .. وصقع بالمروحة وانشقت بطنه هههههههههههههههههه بس انه ما مات .. جيت قلت العصفور آخرتها بيموت .. خلني أسوي فيه تجربة عشان إذا عاش العصفور أصير إنسان مشهور .. مسكت العصفور المسكين .. وآخذته للمطبخ .. وفتحت بطنه شوي .. ومسكت علبة ( الفيري ) وعبيت بطنه فيري .. بعد نص دقيقه قام العصفور يتنافض .. يتلفظ أنفاسه الأخيره .. طبعا ً العصفور ماتوفى أبد أبد .. أحبني وأنا أسوي تجارب هذا ما كان في جعبتي .. من أيام الطفولة السعيدة .. مايستفاد من طفولتي : 1 - لا عمرك تطلع من البيت يوم الربوع .. 2 - إذا شريت آيسكريم قبل لا تفتحه ناظر حولك عشان لا يشوفك أخو كمال .. 3 - لا عمرك تروح لحديقة الحيوانات عشان لاتشوف طفل جالس يفضح أهله زي سموي الكريم .. 4 - فلـ نُقطاع ( فيري ) .. أسئلة ع الطاير : 1 - وش رآيك بطفولتي ؟ 2 - وش رآيك فيني وبتصرفاتي وأنا طفل ؟ 3 - أذكر موقف طريف أو حزين حصل معاك أيام طفولتك .. أتمنى إني ما ثقلت عليكم ..