السلام عليكم ورحمه الله وبركاته سيف الحال ؟ أنتم سيفيين وإلا بخيـر أنا مسيف اليوم وكل يوم إلا ما عدا أمس موب سيف خذوا يمين 12 ونص متر قربوا متر ، بس تمام شفتوني إلا إيه وراكم نسيتوني ، ياخي بيننا عشرت عمر ياخي ليه ، ياخي وراه ياخي مبطي ماره عن المواضيـع أذكر آخر ألبوم نزلته كان عام الجاهليه وإلا يمكن قبل المهم مبطي <- - ترى عارف إني كاتب ألبوم لا يجيني واحد فطين يعلمني بصراحه يوم جيت أكتب موضوع جتني المواضيع تتدحرج من كل جهه وأول كنا على الجنط نحتري أزمه سياسيه عشان نكتب موضوع بس أهم شئ شويه أحترام تعرفون الإحترام مهم إلا الفلسفه الكثير يحب يتفلسف ما يدري إنها راح توديه في داهيه ومن ثما إلى الحاير لا سمح الله قال إيش قال فلسفاتي وأفكاري تكفى يا أنطون <- - صح كذا المهم لا أحد يتكلم عن الطب <- - أشطح يالحبيب إيه صح نسيت لا أتدحرج في موضوعي ، إلا وش رأيكم فيني البنات مش كويسات ( البعض موب الكل ) <- - ياخي أصلح منسق كيف اللون لا أحد يفهم غلط الصراحه هالجيل خربان أبي أعرف في محلات يبيعون شراب في السعوديـه ، طيب ورى البنات موب طالعين فطينين أقسم بالله أنواع البجاحات ، راح الحياء صاروا مسترجليل وربي والله هإلحين صرت أنخرش من البنت ، أخاف تعصب وتلصقني في اللاب توب ، عاد مالها داعي أكتب بخشمي لا وأشين شئ لا ربطت عيني عاد كملت عذاب والله يعني إذا تبون أمثله نضرب أمثله من الواقع الصريح : ) مره كنت ماشي بغرناطه وكان السوق خلاص بيقفل نص المحلات مقفله وكنت ماشي في ممر أبي أطلع فاضي ما فيه إلا 4 بنات تاكين على الجدار أنا لمحتهم وما ناظرتهم أناظر طريقي من أول إبتدائي وأنا من البيت للمدرسه للتحفيظ المهم كأني عارض أزياء كلهم يقزون ، يوم شطفتهم وعديتهم بشوي وحده قالت الله يلعن ذا الطول والله لو إني موب مستعجل كان رجعت وخليت فمها مكان عيونها بس للأسف مستعجل يا للقهر ومره كنت بغرناطه في الكوفي وكنت عاوز أطلب لأمي موكا <- - يالله حسن الختام وأنا قاعد بالحشره إلي هناك والله إلا شوي بنت تنغزني أنا ظر فيها وقاعدين يضحكون واللهي لولا إن الكوفي ما يبوع قهوتهم لأشربها للبنت ذي بس حظها شفتوا كيف البجاحه ، أقسم بالله أمي ما قد نغزتني في حياتها تجي ذي ذا وموقف ثالث خطير مره كنت في رمال سنتر عند البوابه وأحتري أمي تطلع دخت من الدوران واللهي 3 حبات بندول والبطلبه نفعه المهم كنت واقف لحالي وكان وراي قروب بنات وجنبهم قروب عيال أنا الربع هذولاء معطيهم ظهري شوي إلا واحد من العيال يقول عيب عيب <- - نكمل في الحلقه الجايه أنا مدري وش صار ألتفت إلا البنات راكبين سيارتهم والعيال واقفين نط واحد وقال لي يالحبيب تراها صورتك أنا ألخمت مدري وش أقول صرفت كأن الجوال دق وسحبت عليهم بس والله قعدت أهوجس وش تبي بصورتي ذي لا يكون بتسحرني وبعد أعتقد إنكم سمعتوا بقصه الشاب إلي بحديقه والله مدري وشسمها بس الزبده إن فيه بنات يبون يرقمون ولد وموب راضي يأخذ الرقم تحداكم وش سوو البنات جلدوه ههههههههه ونتفوه بالعصير والمواقف واجد والله بس هذي تعطيكم نظره بسيطه عن بنات هالأيام ! بس بعضهم وقسم بالله أن ودي أسلم على رأسها ياخي من جد فله ما شيه بطريقها إذا بتناظر ما تطول بعضهم يقلط معك حتى الأسواق معاد صرت أروح لها مثل زمان ، أخاف ياخي يجلدوني والله والله يعني مشكله كبيره من أكبر مشاكل المملكه هي والأسهم والغلاء جننوا الشعب يعني بكره واقف عند إشاره وجاي من وراء وموقف قدام سياره فيها بنات والله إلي رحت فيها ، وقسم ترجع بتأكسي لا بس هم يدفعون أدري كلكم تقولون ذا يكره البنات بس وربي إني أحبهم ياخي يكفيك ملح الحياه لولا البنات كان ما صرنا نتميلح ونتكشخ يكفيكم أجمل رابع تجربه حب عشتها في حياتي كانت مع بنت سعوديه يا إني كرهت حياتي في النهايه عشان ما أطول مره نبي حل للمشكله ذي نبي نعيش بسلام ما تبي تمشي من جنب بنت وما أعطيتها وجه تقوم تلعن خامسك ، أناظر في إلي أبي عيوني وإلا عيونها من جد عجائب يلا برب