الف الف مبروووك الفوز والـ 3 نقاط 
الحمد لله رب العالمين مستوى في تصاعد , انسجام كبير بين اللاعبين
جماهير داعمه , اداره واعيه , لاعبين على مستوى عالي ,
الحمد لله يارب والشكر 
الدعيع , كالعاده بطل , صح انه مااختبر الدعيع اليوم
بس لو يختبرونه , طول عمره ينجح ماشاء الله ,
المرشدي , هوساوي ثنائي ولا اروع , متميزين , ومن مباراه لـ مباراه
يثبتون انهم الأفضل والاجدر بقياده الدفاع السعوودي
عاد المرشدي كمل هالتميز , برأسيه ولا اروع 
الزوري متميز , كالعاده
نامي , احس انه ماراح ينام الليله من الفرحه 
بس كله كووم والرقصه كوووم ثاااني
يالله مالنا الا انت بالظهير ولازم ندعمك
عزيز , على قوله الحربين , يالبى قلبك ياعزيز
الغنام , مساعد عزيز وبشكل كبير , بالوسط , ومقدم مستويات متميزه
الله يجعله من هالحال واحسن بأذن الله
الفريدي , الشوط الأول كان رفع ضغطي وبشكل فضيييع
لكن مشكله هاللاعب انه يحب يسكتني كثير , الشوط الثاني قدم مستوى جيد
وتكفي صناعه الهدف الثاني
وولي , ابدع , وامتع , وصنع هدف وتحرك يمين ويسار ,
وقدام وورى , ماشاء الله تبارك الله , يتواجد في كل مكان في الملعب
لو تبونه يساند الدعيع بالحراسه ماقال لا ,
قايلتها انا صفقه ناجحه , واللاعب اضافه كبيره لـ التشكيله الهلاليه
والحمد لله ماخاب ظني فيه , وان شاء الله مع المباريات بيقدم افضل وأفضل
العنبر , ماودي اسبك ولا ودي امدحك , لذلك اسكت احسن لي 
الصويلح 
, وش دعوى ياابو حميد , ويييين مستواك
وين بثارتك , وين خلخلتك لـ دفاعات الانديه , ماهوب هذا الصويلح اللي انا اعرف
لكن مأمله فيه خييير وان شاء الله بيرجع , مع هاللوك الجديد
المبارك 
, ياصبر الارض عليك , مافيه هاللاعب الا فايده وحده
اللي هي بثارته في الملعب بس , غيرها ماينفع 
ياسر , كان بيسويها ويسجل هدف , لكن مالله اراد ,
دخل , وحرك الهجوم الهلالي صح , تمريراته ماشاء الله , بالمقاااس
متأثر بالتائب , بس مستحيل احكم على مستوى ابو سعيد حاليا
وعلى قولته يبي له 3 او 4 مباريات , وبيرجع ان شاء الله لـ مستواه
بس انا حاسه انك ياابو سعيد , من المباراه الجايه بتسجل وبتبدع بأذن الله
المؤشر , دخوله كان ايجابي , وتحرك شوي , وكانت له فرصه مميزه
من وولي لكن مااستثمرها المؤشر بالشكل الصحيح ,
كوزمين , , نجم الهلال الأول مدرب كبير , ومدرب داااهيه
الود ودي , يجلس مع الازرق سنين ماهوب بس سنه ولا سنتين
ويعطونه اللي يبي , اهم شيء مايروووح
الحمد لله ع الفوز , وان شاء الله الصدااره قريييبه <!-- / message -->