موضوع مهم وجدي ويستحق النقاش بالفعل... قناة ال art الرياضيه ذات ال 9 نوافذ برزت بشكل كبير سابقا في النقل المتميز والراقي والذي استحقت الاشاده من قبل الشارع الرايضي بشكل وااسع.. هالموسم بالذات للاسف الى الان ما اقنعتني او بالتحديد ما حللت قيمة الاشتراك بمعنى اني ليش ادفع المبلغ الفلاني وفي النهايه مباراه فريقي ما تنقل , لقطة او هجمة تفوتني بسبب اعاده تنفيذ ركنيه !!!! لأسئلتك ... أقتباسس / 1 هل أنتم مع تجديد الـ ( art ) لـ عقدها مع المسابقات السعودية ؟ لا , مو اجحاف او جحود لقدرات القناه لكن انا كمسؤول وبيدي حرية اختيار النقل بافتح الباب او المنافسه للاخرين ... يمكن فيه افضل بس الاكيد انها مو ابو ظبي الرياضيه اللي ارى ان شوط واحد من الدوري السعودي حرام عليها أقتباسس / 2 من وجهة نظركم ماهي الإيجابيات والسلبيات في القناة ؟ الايجابيات كثيرة وما اقدر احصيها اهمها : محللها المعروف والمميز الكابتن خالد الشنيف يهمني كثير راي هالمحلل لو ما اتابع مباراه بس يكفيني متابعه تحليلخ تحليل للمباراخ بشكل يفوق الوصف يعني يحسب للقناه انها استقطبت هالمحلل الرائع .. ايضا مراسلي القناة في ارشية الميدان مازالو على احترافيه كبيره جدا اسئله يسئلونها للضيف في الصميم ,.. ايضا برامج الجولة وكواليس وردة فعل مميزة وتعجبني كثير.. نجي للسلبيات : كذا مباراه من بدايه الدوري مانقلوها مباشره يعني مثلا انا مشجع اتفاقي او شبابي وشلون باتابع المباراه اذا كنتي انتي يالارتي محتكرة البث ومانقلتي طيب ليش ما عطيتي هالمباراه لاي ناقل اخر !!! ايضا الكاميرا اللي تنقل المباريات المقامه في تبوك تعطي المشاهد ان هذه المباراه كانت في عام 1300 للهجره ما كانها لعام 1429 او 2008 مو معقول قناه تدفع 300 مليون ماتقدر تشتري كاميرا زي الناس لاحد مراكزها !!! ايضا بعض الاخراج يفوّت عليك لقطات هامه في المباراه ,, لا انسى بعض المعلقين اللي يسبب بعض الاحيان الام لاذن المتابع من صرخاته المبالغ فيها يعني بعض الاحيان اتمنى لو اني تعودت اني اتابع بدون تعليق او اتن المباريات تنقل اصلا بدون تعليق !!! وفيه سلبيات لكن تعد من ضمن اخطاء المجتهد الذي يعمل لارضاء غايات المشاهد.. أقتباسس / 3 كلمة تقولها إلى مسئولي القناة !! خافوا ربكم في اسعار الاشتراك مو معقوله اسعار مبالغ فيها في الاردن والدول الاخرى اسعار الاشتراك عناكزي السلام عليكم وبالسعوديه تتضاعف مليون مرة مايصير !!! ماشاء الله انتم 15 سنه وانتم ماشي شغلكم ما انتم بحاجه لسحب جيوب المواطن السعودي اكثر !!! صالح ... عافاك ربي ..