بما أن الشرقيه بثت فينا روح الحرمنه=(الحريم) مثل مايقولون المرجله سويت شوربه اليوم. +بيتزا من قبل اول شي انا ماصورت مقادير ومادري وشو المهـم. دجاجه كامله تقطعينها زين صغآر متوسط موب تحطينها بحجمها الطبيعي!! بصـل. <للحمسه. طيب! في الخلاط(فلفل رومي+جزر+بقدونس ولا كرفس+طماط+شوفان+بطاطس+كوسا) نحمس الدجاجة مع البصل ونحط بهاراتها. اي نوع تفضلون أنا حطيت(فلفل حلو +كركم+كمون+زنجبيل+بهآر الأسآسي حق جميع الطبخ +الملح بعد ماتحطين المويه) وبعدين خليها كذا شوي 10 دقايق. وصبي إلي في الخلاط عليها. (ماصورتها بعد ما صبيته نسيت) وحـطي مويه المقدآر إلي تشوفينه زين وخليها مطـول عليها لين تفوح. وقصري وخليها ساعه بس ..وبالهنا والعافيه كتبت الرد والشوربه تطبخ على النار ........................ البيتزا المقآدير:[لجميع الاستعمالآت] 5كاسات دقيق الكويت وما أرضى بغيره نصف كآس زيت 2كاس مويه. ملعقتين خميرة فوريه ملعقه بكينج باورد فنجان سكر فنجان حليب بوردة(فنجان القهوه موب بيآله) ذرة ملح.. تعجنينها. وتخمرينها.. الحشـوة عآآد سبيشل. دجاجه .مسلوقه.وتقطعينها زين بالشوكه ولا بيدك وبعدين بالسكين تقصينها صح وتحمسينها مع بصل وجزر وبقدونس جبن شيدار مبشور ولا موزريلا على جنب بيض بعدها تفردين العجينه وتقطعينهم دوائر وتحطين الحشوة. وتحطين فوقها الجبن وتصبين شوووووي بيض عليها عشان يثبتها ويعطيها طعم شكل تآني ولو ماتبين البيض عآدي انا سويتها بالطريقيتين ودخلينها الفرن تستوي من تحت. تحمير بسيط من فوق وخلاص وبالهنآآء والعآفيه