.. * السلامـ عليكم ورحمة الله وبركاته معرض الكويت الدولي للكتاب الـ 33 .. تجمع كبير للثقافه والفنون .. زيارهـ للمرهـ الرابعه على التوالي .. نفس الجو نفس المتعه يمكن تكون هالمرهـ غير لتطور الخدمات و كثرة دور النشر العربيه والعالميه المشاركه أحسدهم على عملهم تمنيت اكون وحدهـ منهم وأتواجد ليل نهار في المعرض .. المعرض جذب الكثير من الناس سواء كويتيين او غير كويتيين .. والحلو ان المدارس كانت أول من اهتم بفعاليات هذا المعرض .. كان في حضور قوي للـ مشاهير .. شعراء / فنانين .. الخ من الفنانين شفت منى عبدالمجيد صح اني خفت منها بس حبيت تواجدها ومشترياتها الكبيرهـ زيارتي كانت سريعه لظروف أبوي اللي كان ودهـ بالمعرض بس وراهـ ولد يبي يطلعه من المدرسه < علشان كذا الزيارهـ ما كملت الساعه والنص :/ ولظروف الاختبارات مارجعت للمعرض بس كلي يقين ان الله اراد لي اكثر من زيارهـ في السنه الجايه حبيت أحطكم بوسط الحدث .. ونمشي خطوهـ خطوهـ بزيارتي .. وتحملوني وتحملوا صوري شوي الزير سالم .. بغيت اشتريه بس قلت كافي المسلسل عند الروايات احترت :( ولا طلعت بشي :/ دخلت مالقيت عند هالدار احد من اللقافه دخلت وصورت تجهيزاتهم وناسه بغيت اقعد واشوف الكتب بس خفت اضيع من ابوي جناح الاطفال هو الابرز صح صجة بزران روضه والابتدائي .. بس كان فيه حياة .. الشي اللي قهرني اني لقيت سيديات طيور الجنه لاحقتي للمعرض خخخخخ .. دار مجلس التعاون الخليجي دار المختلف اللي فيها كويتي يوم شافني اطالع ديوان محمد جار الله السهلي قال لي ترى محمد جار الله رح يتواجد العصر سفهته ومشيت على باله ميته على محمد جار الله وفي الصورهـ اعلاهـ واضح صورة احلام على كتاب فيه اغانيها اماراتي سعودي لقيت كل الجنسيات ماعادا قطري واسباني ابوي شغلهم غصب سألت عن كتاب لاتحزن لعايض القرني قال لي مو موجود العصر يتواجد ان شاء الله .. رحت لابوي قلت له اللي قال لي .. وراح عند اللي قال لي مو موجود ويقول له طلع لي الكتاب من تحت الارض وفعلا طلعه من تحت الطاوله لو انه عربي كان قال لي انه موجود وطلعه بس انا سألت الهندي مركز الكويت للأبحاث العلميه عطوني كتيبات وعدة اصدارات لهم وانا واقفه ابي ادفع قال لي ترى ببلاش بس على شرط تشاركين بالاستفتاء وشاركت وخذيتهم هالكتاب احس له علاقة بالكتاب اللي شريته العام الماضي عن الاندلس بتحقق من الامر لان الكتابين نفس التصميم .. بعدها رحنا لجناح الاردن المشكله اني مالقيت شي عاجبني صورت البدر وكتب الشعراء طبعا وصورت كتاب قبيلة المساعيد لاني تذكرت نجاح المساعيد وابوي كل هالوقت يتكلم مع الادرني الجناح المصري مرينا على جناح الفنون التشكيلية واللي كان له حضور قوي بالمعرض اللوحات غامضه فهمت بعضها والبعض الاخر له :/ والصراحه استحيت اسأل الفنانين : $ وطلعني ابوي غصب وانا اللي احن ابي مارس وكولا وهو يشتري صورة الحديقة اللي تبع المعرض وحنا طالعين لفت نظري زحمه ع المعرض السوري بأحد الصالات يوم سألت عن سر الزحمه .. قالوا لي ابو شهاب ومعتز موجودين .. ! ماصدقتهم بس يمكن ليش لا حصيلتي القليله :/ استمتع بحياتك لـ محمد العريفي تذكرة في أحوال الموت وامور الاخرهـ .. لـ لامام شمس الدين ، لاتحزن لـ عايض القرني ، + جرايد قديمه كويتيه / كتيبات .. كتب أبوي / شفت كتاب واحد لانه ماسمح لي اشوف الباقي الكتاب اللي شفته العقل الباطن لـ د. أحمد حجازي ، كان في بالي / خذني الى حدود الشمس لـ سعاد الصباح المعرض ممتع لابعد الحدود .. زيارهـ ممتعه لابعد الحدود .. اتمنى اني نقلت لكم الحدث الكبير بصورة صحيحه وسامحوني على القصور كل الشكر لـ توتش على تضبيط الصور واللي طلعتها بصورهـ جميله .. *
- وياما ياما شغلني طيفو ، - ,