السلام عليكم و رحمة الله و بركاته <---- مساء | صباح الخير وشلونكم كل ابوكم عساكم بخير ابدأ موضوعي بإعتراف مع الاسف و هو اني لا انكر اني ضغطت على ايقونه موضوع جديد بالغلط ولا انكر ايضاً انه ما في راسي اي موضوع ولكن الله يسهل طيب ابي ابدا كلامي بالهم و المعاناه اللي انا عايشن فيها ثالث ثانوي و حوستها وقسم بالله قمة الهم و انت تلاحق ورا المصاريه علشان الدرجه .. وجع و ترا يا طويلين العمر هالحين كل شي صار تبادل مصالح يعني من اول يوم في الدراسه يدخل عليك المصري الفصل اطمر عليه و اقول ترا اخوي و ابوي يشتغلون في الخطوط الجويه العربيه السعوديه يعني اذا تبي شي ولا شي لا تستحي يا استاذنا و طبعاً المصري يستانس و يفلها معي شوي و نصير اصحاب و طبعاً كل هذا في سبيل الحصول على كم درجه نحصّل بها على مستقبلنا و على قولتهم اذا حاجتك عند الاسد قوله يا سيدي و الان عايشين كل ابونا نحسب الايام و كم باقي على نهاية الفصل الاول و كل ابونا بعد نبي نفتك من غثا المدرسه و قومت الصباح الان ننتقل الى موضوع اخر ذكر احد الاخوان انه مع بداية 1\1\1429 راح تنزل جميع اسعار السلع بمختلف انواعها ومهما كانت 40% و هذا يشمل السيارات الامريكيه يعني اللي معاهم فورد و لا اي سياره تابعه لشركة جنرال موتورز يبيعها وياخذ له سياره من شرق اسيا احسن له و للمعلوميه مصنع شركة جنرال موتورز في تايلاند تقفل مع الاسف بسبب خساير الشركه الكبيره و الان نشطح لموضوع اخر ممتع القراصنه شفتوا الناقله التابعه لشركة "ارامكو" يا حليلهم كانوا ماشيين في امان الله و يطمرون عليهم الخوال و ياخذونها لهم طبعا ذكرت العربيه ان قيمة الحموله 100000000 دولار << احس ان كل ابوكم تعدون الاصفار المهم ان الخوال صاروا من اصحاب الملايين ولكن الله لا يسهل لهم حياتهم وهالحين يقولون نبي 25 مليون و نعطيكم الناقله باللي فيها وبس خلاص اعضاء منتدى القناص اعذروني على قلة تواجدي بسبب انشغالي في الدراسه و زحمتها و ادعوا لنا بالتوفيق هذا وصلى الله على نبينا ومحمد وعلى اله وصحبه اجمعين تحيتي