اهلين الناعمه .. 
المنتخــب على عيني وراســي. .وان انقهرنا او انفعلنـا كل هذا حب فالاخضــر وغيره عليــه ..
ولكن ياعزيزتي ..
عندمــا نشــاهــد ظلــم .. باختيــار الاعبيــن ..! نعم ظلم فـهذا اللي يقهرنا ..
المدرب الوطني يتكلــم بمؤتمره ويقول نور .. مايخدم تكتيكي !!
افضــل لاعب وســط .. لاعب يسجلك بأي وقت .. لاعــب قيــادي بالملــعب ..
لاعب مهم جدا في ظل انخفاض مستوى بعض الاعبيــن ..
لاهم مهم جدا .. نور لاعب لايختلف عليه اثنين .. الاعمى وهو الاعمى
يشوف ابداع نور .. وانت تقول ماخدمي تكتيكي .. اي تكتيك اللي تتكلم عنه والله اليوم لاتكتيك ولا هم يحزنون
ياناصــر النــاس تفهم كوره ..
سؤال للجوهر : متى بتحتاج نــور .. ؟! اذاضــاع كل شي .. ويفوت الفوت .. !!
ياخي دام عندك وقت ضمه !!
طيب عندك سعود كريري ..! وينه ياخي مادري وش هالاختيارات
ياناس اذا عندكم مشاكل مع لعيبتكم بستين الف داهيه .. بس مو على حسااب الجمهور واعصااابه !! ..
عندك الدفــاع ..
تكــر .. ياخي شفنا تخبطااااات وتمريرات غلط *غلط ..
ياخي كان طلعته .. والله ان المرشدي افضل منه بمليون مره ..
المنتشري وينه عن تشكيلتك ..
الهجوم ..
الهزازي رغم طرده الا انه لعب مباره تبشر بالخيــر.. لاعب صغير بالسن..و اول مباره له قدام هالجمهور ..
السلطــان الشوط الاول ماسوالك شي .. ياخي طلعه ودخل مالك .. اذا مالك مايقدر يلعب مباره كامله ..
ياخي عندك الرااهب لاعب مزعج جدا .. !
ناصر الشمراني .. اساسي بناديه و لاعب جيد .. تلعب لي احتياطه!!
عندك افضل ضهير ( حسن معاذ ) في ظل غياب الشهيل للاصابه .. ليش تطلعه من التشكيله !!
ياخي ضهير ممتاز جدا .. تجيب لي المولد !! ياخي ليشش عندك ضهير هجومي ممتاز في ظل غياب الهجوم الاساسي !!
تخبطات في تخبطات ..
تشكيله مدري من وين جت !!
لاعبين اسايسين بالمنتخب وبأنديتهم احتياااط !!
والله اني بعد الهدف الاول .. تمنيت نخســر بـ 4 على اقل تقدير .. دامنا خسرنا خسرنا ..
لعل وعســى يعيدون ترتيباااتهم ببعض الاعبيــن .. ويلحقون نفسهم قبل مايفوت الفوت ..
باختصــار :
1/ حكم سيئ
2/مستوى سيئ
3/تشكيله سيئه
4/اعلام سيئ(( انشغل بنور ومانور.. ))
5/دخول الاعبين اسبوعين فالمعسكر ..عشان الانسجام والله ماشفنا لا انسجام ولا لياقه ..
ع العموم الحمدلله على كل حــال وماندري وين الخيره فيه .
الف شكــرلهذا ا لقلــم الغيــور