السلام عليكم اليوم الجمعة 20 ذو الحجة 1426 هـ الساعة 2 ونص بعد نص الليل اسأل الله العظيم رب العرش العظيم انه يسهل عليكم وعلى اخواني واخواتي المذاكرة بصراحة قلبي معاكم وربي يعينكم طبعا بما اني ممرضة وتهمني الصحة العامة لكل اعضاء هذا المنتدي الغالي:cool: :p حبيت اني اعطيكم شي من نصائحي:rolleyes: طبعا مع القلق الي في ايام الاختبارات تقل المناعة عند الطالب ومع هذا الجو البارد تصيروا معرضين للزكام والرشح:eek: طبعا انا عندي وصفة قالتها لي وحدة وبصراحة جربتها ونفعت كثير :rolleyes: وهي انكم تاخذوا ليمونة وتعصروها كاملة وتشربوها بدون موية بدون شي<--------------- الله يعينكم:confused: :D وبعدين تعرفوا قشرة الليمونة الداخلية البيضا هذي كلوها <--------------غريبة الحركة :o بس مفيدة والله وعلى فكرة ماله طعم يعني مهو حامض صدقوني بكرة بتلاقوا نفسكم مرتاحين وخف الزكام والرشح:cool: وهذا عن تجربة شخصية انا في البداية استغربت لكن لمن جربتها كثير ارتحت وطبعا للسخونة لازم حبتين بندول اكسترا مع شاهي لازم شاهي لانه الباندول يحتوي على مادة الباراسيتامول وهذي المادة الفعالة تصير اسرع مع الكافيين في الشاهي وكمادات موية من ( الصنبور- الحنفية) واكبر غلط تحطوا ثلج علشانه يقبض الوعية الدموية ويصعب نزول درجة الحرارة:( هذي نصيحتي لكم لليوم اتمنى تستفيدوا منها طبعا تشربوا عصير ليمون وبرتقال وعسل طبيعي راح تتحسنوا كثير :p واجلسوا بمكان دافئ نسبيا وكثروا السوائل وياريت المذاكرة ما تكون في غرفة اضائتها سيئة علشان عيونكم لا تتضرر وخلوا هناك فترة راحه عشر دقائق بعد كل نص ساعة مذاكرة متواصلة علشان تريحوا ظهركم وعيونكم وعقلكم وخايفة عليكم من كثر التعب تصيروا مثل هذا وانتبهوا تغشوا الا الغش حرام ودحين اترككم مع هذي الكاريكاتيرات طبعا اكيد اتمنى تعجبكم هذي الكاريكاتيرت مثل ما عجبتني واتمني لكم ايام اختبارات هادئة وسريعة وبسيطة وصحية وعقبال ما اسمعكم تغنوا احنا الناجحين راحيين جايين هي هي هي طبعا اشكركم كلكم الي تدخلوا في القناص دايري بصراحة حس بمتعة كبيرة اذا تابعت يومياتكم حتى لو ما شاركت وطبعا اوجه تحية لأخوي السامي كسمو الهلال على كلماته الي القاها لنا وبصراحة قمة في الابداع واختي عذووب دائما تتحفنا بالابيات الرائعة الجميلة و اخوي نحبك يا هلال كثير تعجبني كلماتك والأبيات الي تحطها هنا بصراحة حلوة كثير واختي اميرة الاحلام اعطيتنا كلمات قمة في الجمال تسلم يدك واخوي روبن هود اتمنى ربي يشافيك ويوفقك بالدراسة حقتك انت وكل اعضاء المنتدي اختي غزيل و اختي نووف مافي مثلكم وفي خفة دمكم ربي يخليكم لنا بالمنتدى واخوي رامي سهام احيك اخوي على حسك العالي وكلماتك القريبة من القلب وانت من اصحاب الاقلم الذهبية عندنا بالمنتدي وطبعا ما يسعني المقام اني اذكر كل الي فعلا معجبة فيهم بالمنتدي لكني اقول انتو احلى اعضاء بالعالم الله لا يفرقنا