حلقة مميزة اليوم من نجوم الخليج ..< بس لو استبدلوا شمس بنوال كان طلعة حلقة اروع واروع اختصر ملاحظتي في الحلقة بداية حلوة من نايف وشمس واغنية (جانا الهوى ) بالرغم انه شمس شوهت الاغنية بعدم جديتها .. مع نايف طلعت حلوة جيده نوعا ما _ صرحت باان لها الى هالحين 3البومات في ثمان سنين ..مرة كسولة عاد ثمان سنين على الاقل يطلع لها 6 البومات .. وحسيت انها واثقه من نفسها كثير _ اول مرة اشوف فنانه لها ستايل عالمي من اكسسوار وقصة الشعر بوي وسلسال من فوق لتحت ..وعلى كذا حناء بيدها ..( نقش) كيف تصير هذي ولا ماغير تتطامر على بالي استنزلت .. وربي انها ثقيلة دم .. لاحياء ولامستحى .. ولا جالسه مع اربع رجال < والله كوش جسمي علي _اغنية مليون تراها حلوة بس مع الايقاعيين ماضبطت كثير وعلى كذا صوت شمس غير عن الكاسيت _سعد الفهد وياهي قوية صحيح ياهي قوية ..صوته نفسه ماتغير ماشاء الله الى يومه وهو مبدع موب مثل ست الحسن والدلال اللحن يفلت منها .. _ديو سعد ونايف مرة حلو (سلمت بيد الله) لكاظم الساهر ..والله توني اعرف انها حلوة _ شمس طفشتني كل شوي عندي عرض عالمي اوعقد عالمي والى هالحين ماتم ..طيب ليش كل هاالدعايات _ صراحه تفاجأت من عيضة يوم قال انه مايفكر في التمثيل ..لانه بالاساس ماهو راضي على الفن وانه متردد الى يومه ..وانه يبغى يجلس مع اهله .. ولاراح يتزوج لانه بالفن .. غنائه سود العيون رووعه .. _ الاحظ انه ناقد على حركات شمس .. لانها مستهتره كثير بالناس ..وضحك من غير سنع _ عيضة تكلم عن الالحان انه مو محترف ورغم ذلك لحن للعديد من الفنانين اغلبهم من الناشئين ..لحن لديانا ولمياسي ولنوال الزغبي في البومها القادم خليجي -احساس غالي مازالت اروع ماغنى عيضة في البومه الاخير ..وهو قال انها عجبته كثير لانها لاقت صدى كبير عند الاماراتيين _شمس وسعد ديو جميل لاغنية (يالي تعبنا سنين بهواه ) حلوة اكثر مع نايف _ ختامية رائعه لديو بين شمس وسعد ونايف لاغنية (ابوصالح سرى ليلة) ابدع فيها سعد ..رغم انه ماحفظ بعض الابيات من الاغنية .. وشمس ماغير تروح عند الطقاقين ويلا ..وهته جرمه ووقف انت ..<خبله ماعليها شرهه تقريبا حلقة مميزة ورائعه من الفن الخليجي .. ولا المذيع محمد الشهري ..رغم ارتباكه بالبداية .. عوافي