. . . بسم الله الرحمن الرحيم وش هالقصص رجعتوني لأيام زمان يوم كنا صغار ايام المكاشيت والبران والمراكض في الطعوس<<ليتها ترجع ذيك الأيام كنا إذا صارفي الليل تجمعنا احنا يالبنات حولين النار وهاتك ياحش وسواليف في الجن والسحره وطبعا الحريم الكبار مايقصرون في هالسوالف<<ياكثرماينصبون علينا في هالقصص عاد الموضوع هذا يشبه هذيك الجلسات بس الفرق ان مافيه نار عاد أنا الحمدلله ماقد واجهتلي أي جني في حياتي <<وان شاء الله ماواجه وماقد صارلي أي مواقف معهم إلامره وحده وبصراحه من هالموقف عرفت ان الجن مخلوقات ضعيفه جدا أمام القران وان الخوف منهم شيء ماله داعي <<يعني تراهم خرطي لاتخافون منهم الموقف اللي صارلي في بيتنا لاحظنا وجود قطو أسود طبعا ظهوره كان غريب عندنا لأن بيتنا جديد وماقد شفنا فيه لاقطاوه ولاغيره ففجأه ظهر لنا هالقطو وسوا لنا رعب في البيت <<احنا يالبنات طبعا ولاالعيال ماجابوا خبره وفي مره من المرات كنت أنا واقفه في الحوش ومرفعه عن رجليني وقاعده أدوس لي في بطن بطانية <<يقالك اغسلها مادريت إلا والقطو متكي على سطح الملحق ويناظر فيني وأنا اللي تجيني أم الركب واقعد أتلفت يمين ويسار أدور أهلي ياربي وش أسوي الحين وفي الأخير قربت منه ووقعدت أقرأ المعوذات بصوت عالي ومن أول مابدأت بآية الكرسي شفت شكله بدا يتنافض والخوف في عيونه وعلى طول غطس في سطح الملحق واختفى ومن يومها ماعدنا شفناه عاد هذا هو الموقف الوحيد اللي قد صارلي معهم وان شاء الله مايصير غيره وسلامتكم انتبهوا ترى الكلام في الجن يحضرهم يعني لاتستغربون لولقيتوا جني يشارك معنا هنا . . .