||~.. تقرير الحلقة ..~ تحليل الحلقــ( 29 ) ــة ..~ كل ظالم لـه أظلم منــــــــه ..~ طلال عند حسن بالمسجد يشكي له عن اللي صار له من أقرب الناس له ، من بنته بنه ، بعد ما طرده من بيته وشركته وترك صداقته ، عرف انه مخطئ وبدأ يحاول يصحح خطأه ، لكن بعد وش ؟؟ ، حسن قال لـ طلال : رح استسمح منهم استسمح منها على الأقل بترتاح ، وبلغه ان بيته اللي بناه من مال حرام خلاه وقف وما عاد باقي عنده شيء ،، أبو أحمد يحاول يقنع حسن انه يطلع من المسجد ويترك حبسة نفسه بالمسجد ويخالط الناس ، لكن حسن قال : أنا ضيعت دنيتي كلها ، وما أبي أخسر الآخرة بعد ،، لكن بعد ما تنافشوا حسن اقتنع بكلام أبو أحمد ، قام أبو أحمد ومد له يده وطلعوا مع بعض ، ..~ هيا عند بنتها بنه في المصنع تحاول انها تقنع بنه بالتنازل عن ابوها ، لكن بنه عنيده وتركت امها ولا حسبت لها اي حساب ، ..~ لطيفه خلاص كرهت مهنا ، تقول لأخوها سلطان : طلقني منه وععع لاعت كبدي منه ،، سلطان يحاول يراضيها ويقنعها وانها رجعت له قبل فترة وهي عندها ولد ، والحين عندها 3 ولا حسبت لهم حساب ،، لطيفه : اذا ما طلقني بالطيب بيني وبينه المحاكم ، ..~ طلال زاد ذله ذل ، ورجع لبيت المَرَة اللي ظلمها وأخذ حقها وحق رجلها وولدها ، المَرَة اللي في يوم من الأيام ساومها على ذكريات حب عفيف وطاهر مضى عليه وقتها سنين وسنين ، المَرَة اللي بسبته عافها زوجها اللي هو أخوه عبد الله ،، لكن ياسمين كانت أكرم منه وأرجل منه بعد ، جاء عندها بالبيت هو وزوجته ساره ، وقال لها على الباب : أبي أتكلم معاك بدون ما يسمعني جدي ، وهذي زوجتي ساره ،، ياسمين : تفضلوا ، نتكلم على الباب ؟؟! ،، وقلطتهم في الحوش ،، طلال : سمعتي باللي صار ؟ ، ما أبي أقول لك كلميها الحين عرفت انها ما تحشم أحد ، لكن ..... ساره قاطعته وقالت : معليش نقعد هوون حتى ندبر أمورنا ،، ياسمين : الله يحييكم ، اللي في الملحق يبون يطلعون الأسبوع الجاي ، تبون تقعدون فيه ما يغلى عليكم ، تبون تقعدون معنا في البيت لازم تروح لجدي وتحبه وتراضيه ،، طلال : لا لا علميه انت أفضل ، ..~ مهنا عند ياسمين في عملها ، أعطاها جواز السفر وعناوين للبيت وللمطار تعطيهم للتاكسي ، قال : أنا أدري جاسم ما بيقصر بس الاحتياط ، وأنا راح أوصي عليك واحد في المطار ،، ياسمين : خلاص يا مهنا لا تشيل همي ،، مهنا : اذا ما شلت همك أشيل هم من ؟ ،، ياسمين : خلاص يا مهنا ،، طلال وساره عندنا في البيت ،، مهنا عند طلال في بيت ياسمين ، طلال يشكي له وانه كان يبي يترك كل شيء لبنته ، لكنها أخذت كل شيء ، وندم انه ظلم ساره معاه لأنه ما شرى لها بيت ولا سيارة ولا شيء كل الحلال باسمه وحساباته تجمدت وحلاله محجوز عليه الحين بسبة بنته بنه ، ..~ بنه : الحمد لله ما جاب عيال ، يبي يجيب عيال علشان يشاركوني في الحلال ، ..~ المحامي بلغ طلال ان الفواتير اللي سلمتها بنه ومحاميها للقاضي فيها أمواال خيالية ، ولو حكم بيحكم عليه بالسفاهة ، وقاعد يعدد له بعض المبالغ لكن طلال قال : هذي مصاريف عرس بنه ،، المحامي : لكن القاضي ما يعرف ، عليه بالفواتير وبس ، بعد تهجم على جده كم مرة في الشركة وطرده منها ،، المحامي : للأسف ما راح يفكون الحجز الا بعد انتهاء القضية ، ..~ طلال في بيته يهاوش بنته بنه لأنها جرجرته في المحاكم وفراس يمسكه ويحاول يهديه ، طلال لبنته : حسبي الله عليك الله لا يوفقك دنيا ولا آخره ،، بنه بكل ثقة : وفر دواعيك يا يبه ، لو الدعاء ينفع كان نفعت دعاوي جدك وأم جاسم ( كل ظالم فيه أظلم منه ) ، ..~ ياسمين تعرف جدها على ساره ، وسأل عن طلال ، وقال : انا ما عاد فيني شيء أقوله ، لكن الله سبحانه بياخذ حقك وحق جاسم منه ، سبحان الله طردك من بيتك ورد يعيش في بيتك ،، طلال وساره على درج البيت ، وساره للحين مب مصدقه اللي قاعد يصير ، لأن طلال صبر ووقف قدام كل المصائب والمشاكل لكن هالمرة ما قدر يوقف ، وطلال قرر انه اذا كسب القضية بيعطيهم شيء من اللي عنده ، وساره قالت : ما تعوضهم الا اذا رديت كل اللي عندك وعند بنتك ، لأن الحرام ما بيصير حلال بين يوم وليله ، ..~ مهنا وأبو أحمد عند بوابة المطار يودعون ياسمين ، ياسمين لما لفت وجهها تبي تدخل المطار ناداها مهنا ، وعطاها قرآن ، ياسمين : مشكور ، مع السلامه ،، ياسمين ركبت الطيارة وتشوف الناس كيف يربطون الحزام وربطته ، وطلعت القرآن تقرأ فيه ، ..~ مهنا طلق لطيفه ، لطيفه قاعد تصايح لأخوها تقول : شفت شفت ما صدق خبر راح المحكمة وطلق ، والتفت لهيا وقالت لها : ما تقولين شيء انتي ؟ ،، هيا : انتي تبين الطلاق وش الجديد ؟ ،، لطيفه : تجي مني مب منه << على وش شايفه نفسها ؟؟ ،، سلطان بدأ يعلمها وش استفادت من الزواج غير المادة والمادة بس ، ..~ ياسمين وصلت المطار ، وبدأت لحظات الاقتراب من رؤية ابنها القاطع فيها ،، وصلها التاكسي للعنوان اللي في الورقة اللي كتبها مهنا ، عنوان العمارة اللي فيها جاسم ولدها ،، طلعت العمارة ودقت باب أول شقة تدور عن ولدها ، فتحت لها مَرَة تتكلم انجلش طبعًا ، ياسمين طلعت صورة جاسم ولدها علشان تشوف اذا تعرفها المَرَة ولا لا ، لكن ما عرفته I don't know ،، دقت على الشقة الثانية فتحت لها أجنبية ولما شافت الصورة دلتها على شقته انها بالدور اللي فوق ، فرحت ياسمين ولما طلعت شاف الصور أجنبي وزوجته وأشروا لها ان شقة جاسم هي اللي جنبهم ،، رنت الجرس لكن ما احد فتح الباب لأنه ما فيه أحد بالبيت ، استراحت وجلست على الدرج تنتظرهم ، ..~ الجد أبو جاسم يعاتب ويهاوش طلال قدام زوجته ساره ، وقال : انا علشان ياسمين حطيت على كبدي طين وعجين ، رضيت انك تسكن في بيتي ، لكن للحين ما بردت خاطري منك ، ولا اللي سوته بنه فيك برد خاطري فيك ، ربيت بنتك على الدلال والدلع والسفر والمصاريف وكل شيء ، وجاسم يروح للمدرسة ما عنده اللي يشتري به ساندويشه ،، طلال : كل اللي قلته عني صحيح ، لكن اللي قلته عن نفسك مب صحيح ، ام جاسم وولدها لهم علي ، لكن انت ما لك علي شيء ، ..~ ياسمين وهي تنتظر عطشت ، شافت علبة الماء اللي معها لقتها مخلصة ، نزلت للبقالة تشتري ولما رجعت رنت الجرس مرة ثانية ، لكن ما احد فتح بعد ، وكملت نومها على الدرج ، وهي نايمة رجع جاسم من الخارج وطلع انه متزوج ومعه زوجته دخلوا شقتهم وما انتبهوا لياسمين نايمة وراهم ، ولما دخلوا زوجة جاسم شافت رسالة من تحت الباب أعطتها لجاسم ( طلعت رسالة جده عن أمه ياسمين وانها تبي تتزوجه ) ، زوجته جابت له ماء على طلبه ورن جرس الباب ، راحت تفتحه وجاسم يقرأ الورقة ، جت قالت له : جاسم فيه وحده عند الباب تبيك ،، ياسمين لما فتح جاسم لها الباب حزنت من الفرح : يا بعد عيني يا جاسم ،، جاسم باستخفاف بأمه : يا بعد عيني ؟؟ ، انتي ليه جايه ؟ ليه ما تردين ؟ جاوبيني يا أم جاسم ! ،، زوجته : هذي أمك ؟ ،، جاسم : ايه أمي ، أمي الظاهر ما فيها صبر تنطرني لين أرد وقالت تجي بنفسها وتبغلني بخبر زواجها ، كان وفرتي جيتك وبغلتيني بالخبر بالتيلفون ( لا بارك الله فيك بعد كل اللي سوته علشان تسوي فيها كذا ؟؟؟؟؟ ) ،، ياسمين من الصدمة ما عاد تسمع ولا تدري باللي يقوله لها جاسم ، وشافت على الطاولة كاسة ماء دخلت وشربت الماء بطريقة ألييييمة وطلعت من الشقة ، طلعت من شقة ولدها اللي ضحت بكل شيء علشانه علشان سعادته علشان دراسته ،، ونزلت من العمارة .. وبدأت تمشي وتبتعد عن بيت ولدها اللي استقبلها بكل جفاااء وصدمة وهي في قمة الحزن والألم والآهـ ، وقتها حضرت المميزة هند بأغنية ألييييمة وحزينة ، خلتني أبكي في نهار العيد ، أغنية حزينة بشكل غير طبيعي وأداء هند لها زادها حزن ورووووعة لأبعد حد ، كلمات الأغنية .. / يــــاحـــر الآه بـــــقـــلـــيبي ياونـات الألـــــم بـــــحشاي حــشاشـــة يـــوفي مايوفي ياويـــــن ألقى وفـــا بدنياي أنـــــا ســــــــافـــرت للغربه ســبقـني لــــك هوى افادي هقــيتك يـــاولدي مــــلفاي لقـــيتك غـــربــــة بــــلادي أجـــيك بــــلهفتي يــــــمـك وترد أشــــواقي بـــهـــمـك رباي اتبيعه فـــي لحـظات كبيره فـــــ حقي وآنه أمك ~ ..~||