اولا وعليكم السلام ورحمة الله وبركاته موضوع رائع ونقد بناء نتمنى انه يغير شيء ولو كان يسير وإلا فإنه على الأقل فضفضة القصة هي لزوجة عمي الله يغفر لها ويرحمها ويسكنها الفردوس الأعلى طبعا القصة قديمة يمكن لها 6 أو 7 سنوات القصة انه في يوم من الأيام كان يوم جمعه قام عمي يصلي ولقى زوجته قايمه يحاكيها وهي تأشر ولا ترد فاللي اتضح له انها جلطة وكانت خفيفة وفي الوجه علطول خذاها وراح بها لعدة مستشفيات ونفس الكلمة المعهودة مافيه مكان ولا فيه أسره طبعا عمي حاول يمين يسار وبالواسطة فقط جاب لها سرير ولكن بعد ماذا أنتشرت الجلطة في جميع انحاء الجسد وبقيت على هذا المرض ما يقارب 4 سنوات وتوفيت رحمها الله واسكنها فسييح جناته .................................................. .... قصتي انا مع انها تعتبر عاديه بالنسبة لبعض المصائب وبعض المواقف لكن أحببت أقولها قبل سنتيين كنت اطقطق بكورة ولد عمي الصغير العصر في الحوش وذاك اليوم كسرت ثلاث لمبات في حوش عمي طبعا مر الوقت وصلينا المغرب ورجعنا تقهوينا دق علي ولد عمي وقال اطلع بسرعة بنرووح مشوار عجل ولا تتأخر واجيك مدرعم في الحوش والقى ولد عمي يلعب بالكورة المهم قطعتها منه وهو يصارخ يقول جبها جبها والله يهديني مسوي طارق التايب واعطيه كعب واجييك مجاوب على خشتي طبعا طحت طيحه كان جسمي كله على المشط الأيمن من الرجل من ما أدى إلى انكسار رجلي < بسم الله علي رحمتني طبعا موب كسر واحد العضم انقسم لثلاث أقسام جلست على الكسر 4 شهور وشوي والمشكله كانت قبل بداية الإجازة وتنكدت وكانت اسوء اربع شهور مرو علي المهم يوم رحت المستشفى طبعا وصلت على العشاء الساعة تقريبا 8 ونص او 9 وما لطعوني واجد بس ليين الساعة وحده ونص بالليل وكل هالوقت قاعد في كرسي الإنتضار أتألم < ورجلي تتدودل طبعا عطوني بعدها موعد عقب شهر حضرته وعقبها ريحت نفسي ورحت كملت المراجعة والعلاج الطبيعي في مستشفى خاص والحمدلله على كل حال والحين انا عال العال ولله الحمد < جعله دوم ان شاء الله الله يبعد عننا كل مكروه يارب شاكر لك الموضوع أختي انجلي وتقبلي مروري وآسف على الإطاله أخوكم : شـــاطـــح