بسم الله الرحمن الرحيم

والصلاة السلام على اشرف الانبياء والمرسلين سيدنا محمد
اما بعد..

ترددت كثيرا في كتابه هذه السطور وفي اي قسم ولكن بعد تفكير عميق عقدت العزم على الكتابه

المهم ..

انتم تعرفون صاحب هذا النك السـ فهد ــاري..
اللي كاتب هذه السطور ليس هو .. انا صديقة المقرب حيل ..
فحبيت اخبركم انه فهد في المستشفى متنوم في العناية .. من يوم امس

امس كانت حالته النفسية بالعامية زفت ..
يوم امس السبت كنا انا وياه جالسين على النت حوالي الساعه 7 صباحا وكان مزاجه
مو رايق حتى لما كان يسولف مع خوياه اللي بالماسنجر يقولون وش فيك اليوم متغير ..؟
المهم بعد شوي طلع من عندي علشان بيروح لبيتهم وينام لاننا مواصلين للصبح
المهم وانا راقد قبل صلاة الظهر ما دريت الا وابوي يصحيني من النوم
يقولي خويك فهد بالمستشفى كيف انا صاحي ولا في غلط النوم ..
واقوم وانا ماني مصدق لين رحت للمستشفى وانه في حاله الله يعلم بها ويصبر اهله
لما طلع من عندي ماراح البيت راح يتمشى المهم وفي غفلة منه
صدم في شاحنه عند تقاطع الخط السريع ..
ونقلوه للمستشفى..
وبعدين رحت انا واخوه نسحب السيارة يوم شفت السيارة قلت الحمدلله انه طلع
حي .. السيارة وديناها على التشليح .. ماعاد تنفع بالعربي..
اللي بوصله نه اتمنى منكم الدعاء وخالص الدعاء في صلاتكم ..
لفهد انه الله يشفيه .. والله اللي يعرفة من قرب والله يحبه ..

تكفون الدعاء والدعاء والدعاء باللي يحفظ والديكم تكفون ..
له والله يصبر اهله ..

واسف على الاطاله ولكن هذا اقل شي اقدمه لاعز صديق عرفته من اكثر من 8سنوات

ولا تنسون بالله عليكم الدعاء له بالشفاء ..
اخوكم .. حسن

*اتمنى من المشرفين التثبيت ليشاهده كل الاعضاء وننقذ فهد بعد مشيئة الله**