.. * صباح الخير .. شلونكم .. شخباركم .. مستانسين ..!؟ عيدكم مبارك قبل كل شي .. mbc مايمر علينا يوم إلا ونشوفها .. وهي من القنوات اللي أحبها حيل .. بيني وبينكم رمضان كله ما اشوف غيرها .. ببساطه لانها متميزهـ وتعرف شلون تكوّن جماهيرها .. المهم في هالموضوع بستعرض لكم بعض الاعمال اللي بتكون على شاشة الام بي سي بعد العيد .. نبدأها بصديقي جورج قرداحي .. وبرنامج " القوة العاشرهـ " فكرهـ جديدهـ في برنامج جديد يندرج تحت اسم برنامج مسابقات بس الطريقه غير .. جورج يقول ان البرنامج يعتمد على الحوار .. والمتسابقين اخترناهم بعد مقابلات شخصيه معاهم يعني مو اي كلام .. الشي الجديد والملفت للنظر ان الجوائز توصل لـ 10 ملايين ريال .. < - : | الحوار على كلام صديقي جورج يعتمد على طرح مشكلات تخص العالم العربي وبكل سؤال عليه مبلغ مالي لين يوصل للـ 10 ملايين مسابقه صعبه .. الله يعين المشاركين ويوفقهم عندي احساس ان المتسابقين اغلبهم من شمال افريقيا لانهم يسوون نفسهم مثقفين وهالحركات .. نصبر ونشوف .. ،، مسلسل تركي جديد .. " لا مكان ولا وطن " بعد سنوات الضياع .. وبعد نور .. طلع لنا مسلسل " لا مكان ولا وطن " القصه رومانسيه اجتماعيه تدور احداثها بين صونيا اللي تعيش بالضيعه وبين المهندس اللي جاي للضيعه علشان يبني مدري يرمم تصير بينهم علاقة حب .. وتحمل منه وتبدأ المشاكل ويعرفون أهلها وحسب العادات والتقاليد لازم يذبحونها .. وتتطور الاحداث لين السالفه توصل لبيت عمها .. والظاهر عمها بعد يبي يذبحها .. القصص هذي استهلكت .. ما اتوقع يلقى صدى كبير ومتابعه جيده / انصحكم لاتضيعون وقتكم عليه .. وبعدوا اخوانكم الصغار عنه ،، " مسلسلات بعد رمضان " أسوار 2 / فنجان الدم مسلسلين كانت الام بي سي بتعرضهم في رمضان .. بس مدري شصار وخلتهم بعد رمضان .. أسوار 2 .. جزء ثاني لمسلسل أسوار 1 < من بطولة [ تركي اليوسف .. ميساء مغربي .. عبدالعزيز السكيرين .. ابراهيم الحساوي زهرهـ عرفات .. لطيفة المجرن .. مشعل المطيري .. وأخرون .. ] فنجان الدم .. دراما بدوية ، قالوا انهم اجلوها لبعد العيد لانهم للحين ماخلصوا من التصوير وقالوا ان في ناس اعترضوا عليه لانه يثير النعرات القبليه المسلسل من بطولة جمال سليمان وعدد كبير من الفنانين من سوريا والسعوديه والكويت ولبنان والشي اللي مو حلو ان ميساء مغربي معاهم بمجرد ان جمال سليمان البطل فالمسلسل رائع مشاهدهـ ممتعه خلصت .. .. *
- وياما ياما شغلني طيفو ، - ,