ابدي باسم من ثبت الارض بأوتاد اللي رفع سبعـ(ن) بليا عمدهــا محصي جميع الكون في بحر وبلاد محصي جميع الكاينات وعددهــا يادار .. يا دار الوفااء دار الاجداد ديرة رخى بالخير كل(ن) حمدهــا هي أمنا وحنا لها مثـل الاولاد والأم ما تبخل تبـر بولدهـــا يا بلاد حبك في الضماير ويزداد معنـا وفينــا لين نسكن لحدهــا حب الوطن يجري مع دم الاجساد يجري بكل عرووقها من جسدها يا دار حبك لاجين وسط الاكباد بـد الدول طب الكبود وبردهــا راياتها مرفوعة(ن) فوق الاشهاد بالمكرمات اللي كثير شهدهــا يا أم اليتيم الي نزل دمعها ابداد وأم الضعيف الي مناته فقدهــا حتى العجوز الي ثوت حيلها باد لو هي غريبه كنها في بلدهــا حتى الشعوب الي عليها الزمن حاد انتي ذراها يا بــلاد وسندهــا يا الله عسى ايامك مسرات وأعياد في عهد أبو متعب ذراها سعدهــا عاش المليك اللي على العز يرتاد كل العلوم الطيبة في صددهــا عبدالله اللي قادنا صوب الامجاد قااد السفينه ليين ثبت وتدهــا الخير راهي والامن في الوطن ساد الله يكافينا مواذي حسدهـــا ولكم تحياتـ(ن) نظيفات وجداد هدية(ن) للمنتدى في وعدهــا وختامها صلوا على سيد الاسياد على النبي اعداد ما ارزم رعدها سمو الأمير / خـالد الفيصل .. لـ منتداه الرسمي مو لنـا ..