فكرة الكتابة على الطاولة او على الجدار من أساسها فكرة
غير حضارية
فكيف لو تم تنفيذها
دل ذلك على عدم الاخلاق وتشويه للحضارة
المفروض احنا كسعوديين نكون واجهة حضارية للمدن الاخرى
مو نجيب البخاخات ونكتب على جدران الحدائق والاماكن العامة
وفي المدارس الحمامات الله يكرمكم (لييييييييييييييييييييش؟)
ومن ناحية الكتابة فحدث ولا حرج في طاولات المدارس والجامعات والان صار شباب العلوم الطبية الي دراستهم بالليل يكتبون ارقامهم على طاولات الجامعة لانهم عارفين ان البنات بيدرسون بنفس القاعة في الصباح
أسلووووووووووووووووب قليل أدب
وأنا كذا مرة رحت لعدة مطاعم راقية في الرياض وللأسف ألاقي بعض الناس يكتبون زكرياتهم على الطاولة او على الجدار (او واحد وخويته الله يستر علينا وعليهم يكتبو تاريخ وجودهم بهذا المطعم واسمائهم)
لاكن اذا جيت توعي الاطفال وتقولهم عيب يابابا لاتسوي كذا وتلاقي الكبار هم نفسهم يسون كذا
فلا حياة لمن تنادي
الله يهدي الجميع
تحياتي