..
صباحكم../..مساؤكم..’’
نور وقرآن .. بر وايمان ..
صباح/مساء.. معطر بذكر الرحمن..
.
.
ببدأ يومي من بعد الفجر , 18-9-1429هـ
بعد الفجر قررت اسوي حلى لأنه كان دوري في المطبخ
كارفتنا الماما هالسنه يوم لي ويوم لاختي،<-ثنتين بس
كل سنه تقول ابدخلكم المطبخ وتنسانا..!
لكن هالسنه مافيه.. مطبخ يعني مطبخ..
المهم اني دايم ماأصلح الا شي سهل ومافيه لف ودوران
لكن امس كنت رايقه وبقوه ومااروق الا مره في السنه
وسويت حلى الشموع.. حلو ولايحتاج فرن ابدا..!
هذي طريقته :
جمعت الخطوات في صوره وحده ارتب ..
1..جبت بسكوت مدور وحطيت عليه حليب نستله..
2..كيك سويسرول نغمسه في حليب محلى
3..بعدها في جوز هند..
4..ونحطه على البسكوت زي اللي في الصوره..
وهنا بحلته النهائيه..!
طبعا خططته بهيرشي
وحطيت فوقه لوز..
.
.
- وسويت ثاني بس اسهل منه مافيه..
بتشوفونه ع السفره
طفى الشحن ولامداني اصوره ..
.
.
- على الساعه 7 تقريباً خلصت ورحت اقرأ قرآن شوي..
اخذت مصحفي ..
ونزلت الصاله وكان البيت هادي والكل نايم ..
ودائما اقرا هنا في هالمكان وعلى هالكنبه خصوصا ..
بعد ماخلصت قرايه والا لابتوبي وسريري ينتظروني..
دخلت نت شوي وبعدها شفت برنامج لمسات نفسيه..
لطارق الحبيب رائع جدا ويستحق المتابعه ..
بعدها نمت وحاطه منبه الجوال ع ثلاث..
وكل شوي احط سنووز ..سنووز ..سنووز<-تعني غفوه
الين قمت وشفت الساعه ولاها اربع..الله لايعاقبنا ..
عادةً اقوم ثلاث عشان اصلي الظهر قبل مايطلع وقتها..
.
.
رحت اتوضى واصلي ولبست جلالي وصورت سجادتي..
بعدها نزلت المطبخ..قلت اشوف وش باقي اصلح..
وانا اقول في نفسي عساهم خلصوا اغلب الاشياء..
دخلت وعطتني امي هذا الشي...!!
هذي عجينه اللي بالقشطه ,
ماادري وش اسمها اعرف ان فيها قشطه وبس..
طبعا كورتها انا,
وبعدها حشيتها بجبن ..
عطيتهم اياها يقلونها..
وقلت اصور لكم كذا صوره من الاستعدادات في المطبخ،
عجينه اللقيمات,
بيتزا,
.
وسويت عش البلبل ..
واسهل منه مافيه واحلى منه بعد مافيه.
.
.
وقبل ماياأذن رحت اصف السفره ،
نظامنا دفعتين
الفطور الاول ..!
قهوه وتمر وحلى واللقيمات والبف باستري وتوت وعصير
كوب القهوه حقي ووراه الفيمتو ..
.
.
بعدها طلعت اصلي المغرب,
ونزلت طايره أصور الشوربه ومشتقّاتها ،
شوربه،فطاير،اقماع،بيتزا،سمبوسه وطبقي اللي هو عش البلبل
بس ماجاز لهم قلت عني ان صلحت لكم مره ثانيه عندي اخوان مايعجبهم العجب
والا قالوا ذاك الشي اللي صلحتيه ذاك اليوم احلى وتلاقونهم قايلين عنه مب مره بس حجه،
.
.
بعد كذا رحت لغرفتي اشوف كلنا عيال قريه شويتين
ولو اني مااستسغتهم الا خالهم بس والقصبي..
ثم توضيت ولبست عبايتي ورحنا للحرم..
ابد ماكنت ارتجف يوم اصور هالصوره<-اول صوره اصورها عند الحرم
شفتوا هاللي لابس اخضر حق النظافه شكله يقول
وش هالسعوديه اللي تصور الحرم وهو عندها خخخخ
.
.
بعد ماصليت كم تسليمه كنت متواعده انا ووحده من صديقاتي
نروح ستاربكس اللي في الأوبروي مرره رايق وهادي وطبعا مطل على الحرم..
واحنا في طريقنا له جت وحده وسالتني ..قالت :الحين هذي التسليمه العاشره؟
قلت لا السادسه..قالت : الصلاه الين دحين شغّاله,
قلت لا سواق خخخ
ضحكت عليها من قلب..
<- استغفر الله ..
دخلنا الكوفي وكان هادي المكان..
وهذا طلبنا,
صوره من مكاني ..
بعد ماخلصت الصلاه رحت للسوق آخذ عبايتي واكمل باقي اغراضي ..
وخليت اخوي يصور لكم صوره <-استحيت اصور
.
.
رجعت البيت على 2 وفوق ..
وبسرعه بسرعه جهزت الدفتر حق الدايه .
اللي اسجل فيه الاحداث ..
لان الذاكره تهبل ماشاء الله ..
والتقطت صوره لتلفزيوني ..
بعد ماخلصت ..كتبتها ونزلتها ..
ورحت اتسحر ..
سحوري انا كان كلوب ساندويش..
مااحب اتسحر شي ثقيل...
.
.
وكالعاده قبل الآذان طوابير ع البراده ..
وشربت الين قلت امين ..
وخذت لي كاس اخليه جنبي الين يأذن ..
<-شي نفسي كانه بيفيدني ..
.
.
.
.
وهنا انتهى يومي ..
اتمنى اني كنت خفيفه عليكم ..
شكرا للقائمين على المجلس كافه ..
وشكرا لاهلي اللي غثيتهم من كثر ماصورت ..
شكرا لاخوي اللي ازعجته ..
ختاما ,
عشر مباركه ع الجميع ..استغلوها بالعباده ..
وجعلنا الله واياكم من المقبولين في هذا الشهر الكريم ..
أللّهُمَّ ارْزُقنا فيهِ فَضْلَ لَيلَةِ القَدرِ ، وَ صَيِّرْ اُمُورنا فيهِ مِنَ العُسرِ إلى اليُسرِ ،
وَ اقبَلْ مَعاذيرينا وَ حُطَّ عَنِّا الذَّنـب وَ الوِزْرَ ، يا رَؤُفاً بِعِبادِهِ الصّالحيـنَ .
اللهم ووفقنا لقيام ليله القدر ..
..