السلام عليكم موضوعك حلو وصريح .. بقسم الأجانب لقسمين / 1- دول العالم الثالث والدول الضعيفة 2- الدول الغربية الكبيرة في كلا الحالتين تعاملنا خاطئ معهم .. القسم الأول / نظرتنا لهم دونية ونستهزي بهم ونحتقرهم .. وهم يبدون يعاملونا بالمثل .. للأسف كأننا ماندري انهم آودام مثلنا .. القسم الثاني / نظرتنا لهم فيها قداسة وتعظيم وتأليه استغفر الله بس هذا الواقع لين جانا دكتور امريكي وتكلم كل الطلاب يسكتون ويسمعون حتى لو ما اقتنعوا بكلامه بينما البروفيسور الهندي كارشين والديه مسكين ونفس الحركة .. في المدربين واللاعبين والعمال والموظفين .. اوروبي مافيه مثله صح انهم افضل مننا في اشياء كثير .. وشخصيا معجبا بهم لدرجة ماتتصورها .. لكن ماتوصل لأني اغض الطرف عن اخطائه .. القسم هذا صار ينظر لنا نظرة سيئة .. اننا شعب مترف مايشتغل .. ميت اتكالي .. الحل .. زيادة الوعي الفردي .. الحالة الاجتماعية هي وعي .. ميب علم يلقّن .. إذا صارت نظرتنا للإنسان محايدة مالها علاقة بعرقه وبلده .. ذيك الساعة بنلقى كل الاحترام من الناس .. عوافي يالغالي ..