||~.. تقرير الحلقة ..~ تحليل الحلقــ( 14 ) ــة ..~ .. ~ مهنا راح لـ أبو طالب يفضفض له بخصوص ياسمين ، مهنا : خلاص أنا كرهت كل شيء ، كرهت الشغل ، كرهت كل شيء أجمع حق من ؟ أشتغل حق من ؟ ،، أبو طالب : اذا مب علشانك علشانها لأنها اذا احتاجت ما راح تروح لطلال راح تجيك انت ، ..~ هيا وبنتها بنى في بيت أبو جاسم ما لقوا ياسمين لأنها راحت عند أبو طالب ،، بنى لـ جاسم : تدرس انت بعد ؟ ،، الجد : أي دراسة من يوم ما راحت أمه وهو ما يدرس !! ،، هيا : جاسم حبيبي أمك لا أهملتك ولا شيء ادرس ،، الجد : شتقولين انتِ ؟ هذي استخفت بعد ،، وطلعت هيا من البيت وأخذت بنى معها ، ..~ أبو طالب يطلب من زوجته انها ما تعلم ياسمين ان مهنا خلاص بيخطبها ، ..~ شيبة النخلة البلشة في الشركة يدور على طلال ، جلس عند حسن وقاعد يذب عليه في كل دقيقة 20 مرة ، حسن : ترى باقي واايد على آخر الشهر ،، الجد : أنا ما شحذت منك ولا من طلال يالله قم اتصل في طلال ،، ورفع يده يبي يدعي عليه ، على طول قام حسن المسكين وقال : خلاص أنا أتصل فيه بس واللي يخليك لا تدعي ، ..~ طلال مع صبحي في المصنع ،، صبحي : المصنع شغال كويس وزبائنا مبسوطين منا وعندنا طلبات ما نلحق عليها ،، طلال : أنا ناوي آخذ الأرض اللي جنب المستودع اذا احتجنا نوسع المصنع راح نوسعه ، صبري اكتب لك مكافأة اللي تبيها بنفسك وأنا أوقع ، ..~ بنى تحاول في أمها تبي تروح تلعب مع جاسم ، بنى قالت كلمة قوية : جاسم كله يمدح أمه لما أكون معاه ، وأنا ما أقدر أمدحك قدامه ، ..~ ياسمين تشكي لأم طالب : قلبي مع جاسم من يطبخ له ؟ من يساعده ؟ ليه ما أحد دور عني ؟ ،، أم طالب : اذا تبين أول ما يجي أبو طالب ننزل للديرة ، بس اذا تبين شوري لا تنزلين خلي هالشايب يعرف قيمتك ، ..~ الجد أبو جاسم رايح جاي عند البيت ، شاف مهنا جاي من المسجد : وأنت وشعندك تحوس عند البيت ؟ ،، مهنا : أنا جاي من المسجد وبيتي في آخر الشارع اذا ما نسيت ،، ولما قفى عنه ناداه الجد : جسوم فيه صخونة شوي وبنوديه المستشفى وهالحزة ما فيه دخاتر ، مهنا دخل البيت على طول يشوف جاسم ، ..~ طلال يقول لحسن : أنا مب فاضي له ، اذا جاك صرفه بأي شيء ، أنا ما أدري وش يسوي في هالفلوس ؟ هالفلوس ما جت بالساهل ،، حسن : تفاهم معاه أحسن ولا فكني من شوفة وجهة وشف لي مكان في المصنع ، ..~ ياسمين ما نامت وتقول لأم طالب : قلبي مقبوض << قلب الأم ، ودي أتصل وأتطمن في ولدي بس ما عندهم تلفون ،، أم طالب : أنا باكر من الصبح أخلي أبو طالب يتصل في مهنا ،، ياسمين : ما يصير الحين ؟ اتصلي انت ، أنا حافظة الرقم ، ..~ مهنا حط جاسم على السرير وأعطى الجد الأدوية ،، وقال له : تحب أيي أعطيه ؟ ،، الجد : وش دراك ان أمه مب موجوده ؟ << حتى في عز الظروف ،، مهنا : زين أنا طالع واذا تبي شيء تدل البيت ،، وهو طالع على الباب التفت وناظر في الجد نظرة عتااب وقهر ، ..~ أم طالب وياسمين يتصلون في مهنا لكنه ما يرد عليهم لأنه في بيت الجد ،، ياسمين : أكيد فيه شيء ! من يتصل يطمني ؟ أنا من ييت ما أحد اهتم فيني ،، أم طالب : مهنا ييي هنا كل مغرب أنا ما قد شفته أحد يحب بهالشكل ، يتعب روحه على الفاضي ، ..~ أبو جاسم حط جاسم في بيت طلال على الكنبه ، وعطى بنى الدواء وقال لها : شفي وش مكتوب على الدواء وأعطيه في وقته ،، وراح وتركها لأن ما في البيت غيرها ، أبوها وأمها في أشغالهم ، ..~ ياسمين تبكي وتقول لأم طالب : قلبي مع ولدي وخايفه على يدي ، ما أدري وش أسوي ! ، ..~ مهنا مرة ثانية يجي عند أبو طالب وقال له : أنا ييت لك علشان أقول ان ولدها تعباان ، وهي طولت ولازم ترجع ،، أبو طالب : اللي يسمعك يقول ترجع بيتك ،، مهنا : أهم شيء انها تكون قريبة مني ، ..~ ياسمين تبكي ، وركبت مع أبو طالب وأم طالب بالسيارة علشان يروحون يشوفون ولدها ، وقدامهم مهنا بسيارته ،، لما وصلوا البيت ما أحد يفتح لأنهم عند بيت طلال ،، أبو طالب : وش تنتظر يا مهنا ؟ قعدتك هنا مالها فايدة ، رح بيتك ،، مهنا : يمكن تحتاجون شيء ، ما دام ما فيه أحد هنا تعالوا عندي ارتاحوا ، ..~ الجد يطالب طلال لأنه تارك بنته بنى لحالها في البيت ، ويطلب منه المقسوم ، ..~ ياسمين وأم طالب وصلوا بيت طلال وشافوا جاسم أخيرًا ، ياسمين طلبت من أم طالب قلاس ماي لولدها ،، أبو طالب : رح يا مهنا داري شغلك ، اللي ينصحك هو اللي يحبك ، أم طالب وهي تصب الماي ، سمعت ضحك بنى وصوت رجال غريب في غرفة ، فتحت الباب وتفاجأت ، بنى مع الطبااخ ،، أم طالب ما تدري وش تقول خلاص ياسمين تناديها تبي تعرف وش فيها ما ترد ، ..~ الجد يبي المقسوم ، لكن حسن يقول : تبي المقسوم ابصم ، ما تبي تعال باكر وتفاهم مع طلال ،، الجد : أنا ما أبصم ،، حسن : أجل خلاص تعال باكر ، ..~ ياسمين لأم طالب : وش نسوي الحين ؟ ،، أم طالب : أنا مالي خص ، عندها أم وأبو يربونها ،، ياسمين طلعت تدق الباب على غرفة بنى بس بنى ما فتحت تقول روحي مب فاتحة لك ،، نزلت ياسمين وقال لها الجد : زين عرفتي ان لك ولد ولك بيت ،، ياسمين : يدي واللي يخليك ولدي وأنا اللي أبي أهتم فيه ، عطني مفاتيح البيت ، ..~ حسن يقول لطلال : شف لك حل مع جدك ، لو تدري وش يسوي في الفلوس ما تعطيه ، شاري ثلاجة وحاطها في مسجد ، وشاري زل وحاطه في مسجد ثاني ،، طلال : حسبي الله ونعم الوكيل الحين نتعب ونعطي وفي الأخير هو يوزع ، خلاص رح أنا أتفاهم معااه ، ..~ ياسمين لجدها : قد عصيتك في شيء ؟ قد طلعت عن شورك ؟ ، يمرض ولدي يا يدي ويهون عليك ما تعلمني عنه ،، الجد : انت ما كان عندك لسان ،، ياسمين : اذا قلت اللي في قلبي يعني ملسونة ، زين ان طلع لي لسان ، قد عصيتك في شيء ، الله يخليك لا عاد تدلل علي عند حد ، أبي أربي ولدي ، ..~ طلال لـ هيا : شلون يعني مب موجود هالطباخ العله ؟ الخدامة ما تدري ؟ لو دريت انه مب فيه كان تميت في المصنع عندي مرة ما تدري عن شيء ،، هيا : أسوي لك خبز وجبن ؟ ،، طلال : اكلي انت أنا ما أبي شيء ،، وطلعت هيا عند بنتها غرفتها : ليه قافلة على روحك الباب ؟ ،، بنى : غرفتي وكيفي ،، هيا : يدك كان هنا ؟ ،، بنى : يد أبوي مب يدي << أبو التربية يا شيخ ، ..~ ياسمين علمت هيا باللي سوته بنى مع الطباخ : أنا ما شفت ، لكن أم طالب شافت ، سامحيني بس لازم أقولك ،، هيا تمت ساكتة وهي تغلي على ناار وقامت بسرعة على بيتها ومعها مهنا ، هيا : علميني بالصدق ، وش سويتس معه ؟ بنى : من اللي قال لكم ؟ من الكذاب اللي قال لكم ؟ هذي كذابه ، أنا رحت أقول له سوي شباتي وفي طلعتي هي شافتني ، تصدقون هالعورة وتكذبوني ،، مهنا من يوم ما سمع كلمة العورة عطاها كف على وجهها برد قلبي ،، بنى : راح أعلم أبوي عليك ،، مهنا : قولي له لأنه لازم يدري علشان يربيك ، لأنه كان مشغول عن تربيتك ،، ونزل ولحقته هيا ،، مهنا : اذا جاء أبوها خذوها وروحوا المستشفى ،، هيا : ناقصين فضائح احنا ؟ أصلا لو جاء أبوها راح تقول نفس الحكي وقلب أبوها بيصفى عليها ،، مهنا : يعني بتتصرفين ولا كأنه شيء صار ؟؟ ،، هيا : ما أدري ما أدري ، ..~ ياسمين جالسة مع ولدها قبل ما ينام ،، جاسم : انا صرت ما ادرس ،، ياسمين : افاا يا جاسم ، ليه ؟ ،، جاسم : من رحتي وانا ما ادرس ،، ياسمين : يا بعد عمري يا جاسم ، هالقد تحبني ؟ خلاص حط بالك على نفسك وأنا بكون يمك على طول ،، جاسم : يعني مب ماخذه عمي ولا مهنا ؟ ،، ياسمين : مب ماخذه حد ، ..~ الجد معصب لأنه ما شاف طلال ، وياسمين تقول له : يدي قلت لك لا تروح عنده كل يوم ،، الجد : جسوم له أسبوع ما يدرس والسبة روحتك عنه ، وش استفدت من طلعتك الحين ؟ ،، ياسمين : وانت شستفدت يوم عرضتني على طلال ؟ وهذا هو يتشرد عنك ،، الجد : ياسمين كم مرة قلت لك ما أحب طولة اللسان ،، ياسمين : جدي اسمح لي الحق الوحيد اللي بقى لي اني أقول اللي في قلبي مب كله بعضه يعني ، وهذا من حقي دام ان ما عندي أي حقوق ثانية << هنا خلاص الحزن وصل حده والله ، ..~ هيا ترتب ملابسها وتحطها في دولاب ملابس غرفة طلال ،، طلال : الطباخ بداله عشر ، والعامل بيقعد ، من بيغسل السيارات ؟ من بيقضي طلباتكم ؟ ،، هيا : أنا أبي أتفرغ للبيت والطبااخ ، وخل العامل يجي العصر يسوي أشغاله ويروح ، ما أبي رياييل في البيت ،، طلال : استريحي زين انت مب راعية بيت راعية حنة ، انت شقاعده تسوين ؟ ، ليه يايبه أغراضك هني ؟ ،، هيا : طلال مب حلوة اننا نكون مفرقين قدام بنى ،، طلال : لا والله توك حنيتي ، أقول لمي عفشك وروحي غرفتك أنا كذا مرتااح ، ..~ هيا تحاول في بنى تعلمها بالحقيقة : أم طالب هي اللي شافتك ،، بنى : هي بعد كذابه ، يبوني أقابل ولدهم ولما خليته يولي قالوا يطلعون علي سوالف ، شفيك تطالعيني جذي ؟ ،، هيا : والله انك مب سهله يا بنووه مب سهلة ، اذا هذا كلامك وعمرك 11 سنة شلون لا كبرت ؟ ، .. ~ طلال لـ جده : لازم تبصم ، انت تقول ما تاخذ كل شهر ، أنا أبي أحلها لك أزيد لك المعاش وأخليك تستلمه مرتين ، وسالفة كل ما تحتاج تجيني شلها من راسك ، انت مالك حق عندي ، تبي تمصخها أنا أمصخها ، ولا تحدني أقول حق الهنود ما يدخلونك من باب الشركة ، غير جذي ما عندي كلام ،، الجد ما يقدر يقول شيء وحزن ،، راح أبو جاسم المسجد عند أبو أحمد ومهنا عنده ، أبو جاسم ما يبي يشكي لأبو أحمد علشان مهنا موجود ، مهنا يبي يقوم لكن أبو أحمد قال له : اجلس ، اذا عنده كلام يقوله ،، ولما جوا يقومون الجد جلسهم وقال أبي أقول ،، أبو جاسم : طلالوه مب معطيني صرف البيت لين أبصم له ، وأنا مب مأمن له كلش ، أخاف يبصمني على شيء ما أخذته منه ، يقول اني آخذ وانسى ،، أبو أحمد : تبيني أروح له أكلمه يعني ؟ ،، الجد : وش تروح له ؟ ذي ما يحشم أحد ،، أبو أحمد : مب بس هو اللي ما يحشم أحد ، الحين الحشيمة حق اللي عنده فلوس وصيت ،، أبو جاسم : يقول رح اشتك ولو رحت أشتكي بيقولون لي مثل ما قالوا من قبل ،، أبو أحمد : ودام هو كريم ليه ما تأمن له ؟ ابصم ياخي وانت مغمض ،، أبو أحمد : من لا يشكر الناس لا يشكر الله ،، مهنا : أنا ما أبي أحد يشكرني ، يكفيني رضاي عن نفسي ،، أبو أحمد : ولو انت لازم تسمع كلمة شكر ، ..~ طلال : الله يستر لك سنين ما دخلتِ المطبخ ، روحي نادي ياسمين ،، هيا : أنا تركت الشغل وبنتك طولت في جلستها ، لازم ترجع تدرس جب لها مدرسات ،، طلال : اذا تبي هي مدرسات أجيب لها ، لكن أنا ما أجبرها على شيء ما تبيه ، أنعم الله عليك .. وقام وما كمل عشاه ، ..~ أبو جاسم جاء عند صبحي ، أبو جاسم : أنا أبيك تكون معاي وقت استلام المعاش تقرأ وش مكتوب وتعلمني ، لأنك أمين وما عندك لف ودوران ومن ربع عبد الله ، ..~ هيا أخذت بنى وجت عند ياسمين ،، ياسمين : تبون تتغدون معانا صح ؟ ،، هيا : أنا أبي أطبخ لأخوي طلال مب جاي ، والا تدرين أبي أروح لأخوي مسكين طول الوقت لحاله ، انتم مالكم سالفة تمر سنين وانتم معلقين مستقبلكم بكلمة من شيبة ، ~ ..~||