||~.. تقرير الحلقة ..~ تحليل الحلقــ( 7 ) ــة ..~ أعتذر من جديد بسبب عدم تغطية الحلقة السابعة والثامنة في وقتها ، وهذا اختصار لأهم ما حصل في الحلقة السابعة .. ~ طلال كوش على كل شيء من حلال أخوه عبد الله ، وقال انه شرى القصر الجديد اللي بناه عبد الله قبل ما يتوفى أخوه << من وين لك فلوس يالكذوووب .. ؟!! ،، بصراحه قهرني هالنذل ، المهم انه ترك البيت العود لياسمين وولدها وجدهم ، وأخذ كل شيء لأخوه عبد الله ، بيوت ، أراضي ، حتى الشركات غير أساميها وصارت باسمه ( شركة طلال ) ،، وجاب أخوياه علي وحسن وشغلهم عنده وأول ما جابهم الشركة أعطى كل واحد 10 آلاف ريال << مال مب مالك العب فيه على راحة بالك ،، ..~ ياسمين المسكينة ، خبرها الدكتور ان ولدها جاسم فقد عين وحده بسبب الحادث ، وعلاج هالحالة صعب وهو زرع عين وما يقدر يسويها الدكتور لأنه خايف لو سواها يفصلونه من العمل ،، لكن ياسمين ظلت تبكي وتترجى الدكتور انه يسوي العملية وانها موافقة تفقد عينها مقابل ان ولدها يعيش بعينين سليمه ، لأنه مجتهد في دراسته وله مستقبل ،، الدكتور حزن عليها ووافق ، وصارت العملية وطلع جاسم بخير ورجع للمدينة مع أبو طالب وخلص اختباراته وجاب المركز الأول ،، وأمه بقت في المستشفى لين تتعافى ، ..~ مهنا بدأ يقرب من ياسمين ، لأن أبو طالب طلب منه يبلغ طلال يرسل فلوس للعملية لأنها تكلف ، لكن مهنا ما حب يروح لطلال لأنه يعرف انه بيرده فدفع فلوس العملية من جيبه ،، وراح للمستشفى يتابع ياسمين من بعيد لبعيد ما يبيها تدري عنه ،، وعلم أبو طالب بقصته مع ياسمين وجدها كلها ، بعد ما شاف أبو طالب ان الجد يكره مهنا ولا يبي يشوفه أصلا ، ~ ..~||