آخر مشهد في الحلقه الماضيه :
يوسف جاب الاغراض لبيت موزه
وحطها عند الباب وتخبى وراء الجدار ..؟
راحت موزه تفتح الباب وشافت الاغراض
وصكت الباب وماطلعت تاخذهم ..!
,
بنا ابو سعد جدار يفصل بين
غرفه غاليه وبيتهم وحط لهم مسبح <- مهوب مسبح مسبح اتوقع انه حمام
,
نجلاء راحت لامها وقالت ان عمي
يبني لهم جدار وش اسوي الحين
سعد قبل مايجيني يمر غاليه والحين بتقعد على قلوبنا ,,
قالت امها لاتخلينها تطبخ ..,
وخليه يشوفك تطبخين والبسي له ..,
وقالت: الريال مثل الياهل يبي مداره,
,
غاليه جايبه السفره تحطها
قالت نجلاء :اطلعي برا انا بنجب االغداء
دخلوا ابو سعد وسعد ..
وسال سعد نجلاء :وين غاليه ..!
قالت :بدارها نايمه
,
راح سعد لغاليه في غرفتها
وسالها وشفيك ..؟
قالت:راسي يعورني
قال :اكيد نجلاء مضايقتك..,
قالت:مافيه احسن من نجلاء .
وقالت له :انا شايفه عمك متضايق ويبي يطلع لان البيت فيه مره ,
سعد:اذا بتكسرين خاطري اطلعي ..
غاليه:ياعل عيني ماتبكيك<- امين ..
,
ام نجلاء تقول لبنتها :ليه ماتكرفين غاليه ..
نجلاء: ابروح اوريها وابرد حرتي فيها ,
,
دخلت نجلاء على غاليه وهي تهمز رجولها ..,
نجلاء :لزّمي على الطلعه برضاك لااطلعك غصباً عنك ..
,
نادت نجلاء موسى وقالت : وين سعد
قال: بالديوانيه عندهم مسايير من مكه,
نجلاء :ليه موقاعد تباشرهم ..نسيت روحك وتحس انك معزب ..,
<-ماخلت احد في حاله ..
,
طلعت موزه في الليل تجيب عشبه من ام زيد
لان ولدها تعبان..
وجاء واحد وراها وسكر فمها واغتصبها ,
ياترى مين ..!؟
,
ابراهيم جابوه في البيت ياكل خبز بشراهه<-
ويتهاوش هو وزوجته ..,
,
يوسف في بيته يتروش ومستانس <-مدري وش وراه
,
نجلاء شافت غاليه تشتغل وتجهز للغداء
نجلاء :روحي البحر غسلي الهدوم ..قومي وش عندك قاعده ,
ونادت عمره :تعالي خل نتزهب الريوق <-تبي تقهر غاليه ,
,
موزه راحت لام زيد تعالج ولدها ..
وسالتها كم سؤال ...؟!
وسالتها لو حملت الوحده مافيه شي يطيح الحمل
قالت ام زيد: استغفر الله لاتجيبين طاري ,,
,
يوسف راح لعبدالعزيز وقاله وشفيك ..؟
عبدالعزيز :البارحه مانمت ولاغفت عيني ..
يوسف: علامك كنك ام فاقده ضناها ,,
يوسف يكلم نفسه:
صدق البارحه كنت مستانس وخربت علي ..<-مايندرى هو انت ولا ابراهيموه
- من تتوقعون اعتدى على موزه ..؟
يوسف او ابراهيم او عبدالعزيز..؟
ونشوف بكرا وش يصير ..!