||~.. تقرير الحلقة ..~ تحليل الحلقــ( 5 ) ــة ..~ الحلقة الخامسة ، كانت صعبة وقوية جدًا خصوصًا على عبد الله ، بسبب معرفته بسالفة الرسائل وخطبة مهنا لزوجته .. نقاط على الحلقة ..~ .. ~ عبد الله يطالب ياسمين لأنها تبي تعطي طلال نصيبها من البيت علشان يعطيها الرسائل وما يفضحها عند عبد الله ، وهي قالت : بس أنا البيت مالي فيه وطاب خاطري منه << مب منها من الأقشر طلال ، وطلب منها عبد الله انها تلبس لانهم راح يطلعون مشوار ، .. ~ مهنا عند أخته هيا ويشكي لها مب عن حاله ، لا بس خوف على ياسمين من اللي راح يصير لها لو فضحها هالطلال ، .. ~ عبد الله أخذ ياسمين زوجته وراحوا لمقر السجل العقاري ، لأنه راح يكتب نصيب ياسمين باسمه خوف من انها تعطيه طلال وتتنازل له ،، وصار البيت العود كله باسم عبد الله .. لأنه كان يملك نصه لما شراه من جده ، والحين كتب النص الثاني باسمه بعد ، ..~ ياسمين تشكي وتفضفض لهيا عن كتابة البيت باسم عبد الله ، ومن خوفها على الفضيحة عطت هيا كل ذهبها وقالت لها : هذا كل ذهبي ، ودي له وخليه ياخذه بس يعطيني الرسائل ، الذهب الحين مرتفع << حسبي الله عليك يا طلال ، لكن هيا رفضت تاخذه ، .. ~ مستر جون جالس مع عبد الله على البحر ، وقال له : عندي لك خبر حلو ، وقال له : أنا كنت ناوي أشحن السيارات معاي لكن الشحن بيكلف وما أعتقد أحد يدفع ويشتريها هناك ، وأنت وقفت معي كثير ، فأنا أقدم السيارات هدية ، هدية لك انت << ما شاء الله ، .. ~ طلال اقتنع انه ياخذ ذهب ياسمين مقابل الرسائل ، بعد ما عرف ان البيت طار من يده ، لكن هيا قالت أعطيك اياه بعد ما تعطيني الرسائل ، قال : الرسائل بالديرة ، .. ~ عبد الله أخذ ياسمين وراحوا يشوفون السيارات ( الشاحنات ) وهو مبسوط وقاعد يسولف معها عن السيارات وعن هالهدية من مستر جون ، وبعد كلام طويل ناداها ، وهي طلعت مب معه بالهااا بعيد مع هالأقشر طلال ، وطلب منها انه ياخذ الذهب علشان يبيعه ويسوي صيانة للسيارات ويأجرها للشركات << يعني أخذ البيت بعد ما كانت تنوي تعطيه طلال ، والحين أخذ الذهب ،، ياسمين رفضت تقول : أنا صدق ما أبي ألبسه ، بس ما أبي أبيعه ،، عبد الله : أنا جبته لك وباذن الواحد الأحد أعوضه لك ، .. ~ ياسمين تشكي لجدها : أنا لي سنين ما طلعت من البيت ، وكل ما طلعت لازم أدفع ، أنا ما أبي الا الستر ،، الجد : لا عبد الله رجال زين ، بس انت وش فيك ؟ انت مب ياسمين الأولية !! ،، ياسمين : ياسمين الأولية !! .. آآآخ يا جدي << هالكلمة أقوى كلمة في الحلقة بصراحه أليمة ،، وياسمين قالت لجدها انها تبي تعلمه بكل شيء ، بس اذا ما يقدر يساعدها ما يشمت فيها أحد ، .. ~ الجد بعد ما علمته ياسمين بالسالفة ، راح للديرة لبيت طلال علشان ياخذ الرسائل من عنده << لازم يصلح خطأه لأن الخطأ ذا كله بسببه بس بعد وش !! ، .. ~ طلال دخل على مهنا في المحل وقاعد يساومه على الرسائل ،، طلال : أنا متضرر وأبي أعوض التضرر ، انت شكلك ما تبي تتفاهم ،، مهنا : وانت شكلك مب فاهم << كفو ،، تبي تهدم بيت أخوك روح ، وما أحد بيتضرر غير أخوك وانت ما بتخرج الا بتأنيب الضمير هذا اذا كان عندك ضمير << والله صادق ، .. ~ الجد يسأل هيا عن رجعة طلال ، لأنه خايف اللي جابه للديرة يمر وما يلقاه ويرجع المدينة وما يرد معه ،، دخل طلال وقال له الجد : أنا جاي علشان آخذ اللي عندك ،، طلال : حلو هذا بدال ما تنقهر وما يفور دمك مثلي << فيك دم انت اصلا ؟ ،، الجد : اذا كان تبي شيء ترى ما عندها شيء ، والكم ذهب اللي عندها أخذها ريلها لأنه محتاج لهم ، ..~ طلال طرد الجد من بيته ، والجد لأنه تأخر ما لحق على السواق ، فراح مهنا ووصله بسيارته ،، في الطريق ، الجد : ليه ما قدرتوني واحترمتوني ؟ ،، مهنا : خطبتها منك اذا ما تذكر ؟ لا تلومني على رسائل من سنين أنا جيتك وطقيت الباب وطلبتها على سنة الله ورسوله ، ..~ اللحظة الأصعب على عبد الله ، الجد توه يعلمه ان مهنا خطب ياسمين قبله ، ياسمين تشوف من خلف الباب وتسمع وش يقولون ، عبد الله : 7 سنين ، وجاي تقولي انه خطب زوجتي ، ليه ما قلت لي وانت معي 24 ساعه ؟ ليه الحين تقول لي بس لأنه وصلك ؟ ، فيه شيء ثاني أنا ما أعرفه ؟؟ في غرفة النوم عبد الله يسأل ياسمين ويقول : للمرة الأخيرة أسألك فيه شيء ثاني أنا ما أعرفه ؟ ،، ياسمين اختبصت ولا تدري وش تقول خايفه انه يعرف عن الرسائل : مثل شنو ؟ ،، وطلع عبد الله بدون ما يعلمها وين رايح << حسبي الله عليك يا طلال ، ..~ عبد الله راح الديرة لطلال وطلب من طلال يشوف الرسائل وألح عليه يشوفها ،، وطلال مسوي فيها انه ناوي خير وما يبيه يزعل وما ادري وش ،، حسبي الله ،، وعبد الله جلس يبكي ومب هين ان رجال يكتشف انه زوجته تحب غيره أو حتى حبت ،، طلال دخل ياخذ الرسائل ، وهيا حاولت تمنعه وقال طلال : أبي أحرق قلبه مثل ما حرق قلبي ، حرمني من البيت مرتين ، وكلمها وأخذ الذهب بعد ، ..~ في مشهد أليم وحزييييييين .. عبد الله جالس على البحر لوحده ويقرأ في الرسائل ، رسالة رسالة وبعد كل رسالة يرميها ويبكي ، والله صعب هالمسلسل وهالمشهد بعد ،، ياسمين وجدها على باب البيت ينتظرون رجعته ، لكنه ما رد وخايفين عليه يصير فيه شيء ، الجد قال اذا راح لطلال ودرى بشيء أنا اللي أبي أقول اني وافقت على خطبة مهنا بس عقب قلت ولد عمها أولى بها << بدري بدري !! ،، ياسمين : أنا خلاص تعبت من الاحساس بالذنب ، تعبت من التفكير ، أنا كل اللي كنت أبيه آخذ واحد يحس فيني << حسبي عليك يا ابو جاسم ، ..~ عبد الله كمل الليل كله في سيارته يقرأ في الرسائل ويبكي ،، وفي الصباح الجد راح لعبد الله عند عمله وطرده عبد الله ، قال له الجد : أنا رجال شيبه تقول لي كذا ؟ ،، عبد الله : والشيبة ما يكذب ولا يغش ، خلاص روح البيت وأنا اذا رجعت أتفاهم معك ،، ..~ مهنا خايف وقاعد يسولف مع أخته هيا ،، ويقول : أنا مب زعلان على صداقة عبد الله لأن مالي علاقة بالفجوة اللي صارت ولا القطيعة اللي تصير الحين ، أنا زعلان على هالمسكينة ، ما أدري وش يصير فيها الحين !! ،، مهنا : أنا الحين أبي أتطمن على ياسمين ، ما تعرفين جيران لها نسأل منهم عنها ،، هيا : لا هي ما تروح لاحد ولا أحد يجيها ، ..~ عبد الله رجع البيت ، وتكلم مع الجد وياسمين ، وقال : من هالدقيقة مالها علاقة فيني ولا لها أوامر علي ، قدام الناس هي مرتي وأم ولدي وبيني وبينها هي أم ولدي بس ،، الجد : ليه هذا كله ؟ ،، عبد الله : بعد تسأل ؟ تبيني أقرأ لك وحده من الرسائل ؟ كل شيء اتفقوا عليه حتى أسماء الجهال مخططين لها ومتفقين على كل شيء ، خلاص هالموضوع يتسكر للأبد ، واذا مب عاجبها تقول لي من الحين ! ،، الجد يحاول يقنع عبد الله لكن المخطئ صعب يعدل خطأه .. !! ،، عبد الله : جدي خلاص اكتفينا انت قلت اللي عندك وأنا قلت اللي عندي ، وتحمد ربها اني أبي أبلع حرتي وأسكت ، وخلها تاخذ أغراضها وتقعد عندك << الحين انبسط هالطلال الزفت ، ياسمين خلاص ، الهموم تناثرت عليها من كل شيء وكل جانب ، وجلست تبكي والجد يواسيها ، ..~ هيا عند ياسمين ، وما تقدر تسولف معها لأن ياسمين مشغوله بالغداء ، هيا : اذا جيتك مرة ثانية أسبب لك مشكلة ؟ ،، ياسمين اختبصت وما تدري وش تقول : هو اذا شافك بيعصب أكثر ،، هيا : خلاص فهمت أنا أبي أنتظر طلال برى ،، ياسمين : اعذروني كلكم ، أصلا ما لي غيركم ولا كنت أعرف غيركم ، وطلعت هيا وياسمين رجعت تبكي ، ..~ هيا لمهنا أخوها : البنت انكسرت وتبي ترضي زوجها على حساب صحتها ، وأنا ما أقدر أزورها مرة ثانية قالتها صراحة انها ما تبي شيء يذكرها فيك ، وهذا هو طلال ما كأنه صار أو سوى شيء ، ..~ طلال عند رفيقه حسن صاحب القراج والورشة ، علشان يبلغه يشتغل زين ، لأن عبد الله يسوي صيانة لسياراته عند حسن ، ..~ المشهد الماصخ وقليل الحيا من طلال وبنته اللي طالعه عليه بنى ، بالأول جالسين يسولفون هيا وطلال ، بنى معها المقص وتقص في ثياب أمها ، طالبتها أمها وأخذت المقص منها ، طلال : خليها تلعب هي مصيرها بترميها أنا اللي شريته لها ،، طلال وهيا جالسين يتناقشون عن بنى ،، بنى الماصخه قالت لأمها اللي قاعده تتكلم : شب ،، هيا ما قدرت تسوي شيء وطلعت برى الغرفة ، وطلال جلس يضحك ضحكة تلين حجر ،، لعنة هالآدمي ، ..~ عبد الله أخذ جاسم وطلعوا ، لأنهم في العمل مسوين له حفلة وداع ، والجد في البيت يفكر انه يرجع لبيته العود ، لكن ياسمين طلبت منه يجلس ويبقى معها يسولفون مع بعض ، ..~ على البحر ، مستر جون وعبد الله يسولفون ، جون : شرايك تسافر معي كم اسبوع تستانس هناك ؟ ،، عبد الله : مشكور يا مستر ، الواحد اذا ما يستانس من الداخل ولا مكان يأنسه ، للأسف ، الجد توه بدأ يعالج خطأه وهو وقت متأخر ، لو من بدري وافق على خطبة مهنا لياسمين ما صار اللي صار ، لكن التعصب والحزبية سوت اللي سوت ، ونكبت الدنيا !! في حلقة اليوم السادسة ، عبد الله بيرضى ويفهم ان ياسمين ما لها ذنب ، ويرجع يكلمها ؟ مهنا بيصير شيء في حياته ، تتغير حياته ؟ وعذرًا على التأخير ~ ..~||