مساء الخيـر للجميــع.. ماخلصتـوا ماشاء الله ياكثركم.. لاأمزح شرفتوني والله على رآسي من فوق.. : مسلـم التميــاط: ياهلا والله وغلا.. أظلمت السهره بحضورك طال عمرك.. أووووه سوري قصدي أنورت.. شاكره لك أطراءك ويعطيك الف عافيـه.. نورتنـي أبن عمي.. / فهـــــد: ياهلا والله وغلا.. أشكرك على أطرائك يابعدي وان شاء الله اكون عند حسن ظنك يارب.. أقتباس اكتبي تعليقك على هالصوره .. تباً للعـــرب وامعتصماااااااااااااااااااااااااااااااااااااا اااه :( !! نورتنـي.. / نعـووومـه: عليك من الله ماتستحقيـن.. وش سويتي أنتي كبيتي كل العفش الله لايعطيك عافيـه.. طبعاً نعووومه للي مايعرفها تـؤام روحي أو نصفـي الثاني صديقتي وحبيبتي ورفيقـه دربي.. أعتبر نعووومه صوره لي رغم أن فيه أختلافات بيني وبينها وأنا أدري أني أكيد أنا المتفوقـه عليها.. سوينا هوايل ولازلنا مستمرين بالجمعات والطلعات او حتى بالمدرسه.. أقتباس مره ايام الثانوي كذبنا عليها بنسوي فيها مقلب ونخليها تدرس بروحها وحنا نغاب واثريها خلتنا ندرس وهي غابت خخخخخخخ إيه علشان تعرفون.. لاوأحسسسسسسسسسسسسسن شيء أن المديره عاقبتهم ذاك اليوم ونزلتهم للأداره لانهم قفلوا الباب على العلمي.. أقتباس وغابت عن المدرسه شهر ولله الكل فقدها وتصوروا لدرجه ان المعلمات والله العظيم اخذروا رقم جوالها ورقم بيتهم ودقوا عليهم يتطمنون عليها مع انها موذيه بس يحبونها مادري ليه وانا هاديه محد يحبن ياسقى الله ذيك الأياااااااااااااااااااااااااااااااااااااااااااااا اام بس.. والله يذكرهم بالخير والله معلماتنا أستاذه عايده وهديل ورابعـه وإيمان.. الله يجزاهم عني الف الف الف خير وعساهم حاليني على لقافتي بس.. والله ماانساها لهم كلموني وقت شدتي وشجعوني ومشتاقين لك والفصل بدونك وحسيت اني ابي اروح المدرسه عقب ماني خلاص بتركها .. الله يجزاهم الف خيـر ويذكرهم بالخير والله.. أقتباس بس ترى ماتصلح تكون عروس لحد يخطبها ماتعرف تطبخ ابد ابد ابد أحلى ياللي تعـرف أسكتي بس.. على الآقل أنا ماأعرف أطبخ بس شاطره بالأداره والاوراق والعمل بس انتي اللي كسلانه بكل المجالات.. أقتباس_ يالمخيسه وش سالفه ابيات الشعر اللي مكتوبه على لوحه بالمدرسه ومنعتك المدرسه من الدخول بسببها ؟ هههههههههههههههههههههههههههههههههههههههههههههههههه هههههههههههههههه هههههههههههههههههههههههههههههههههههههههههههههههههه هههههههههههههههه باقي تذكريـن.. هذا الله يسلمكم مره من المراير تعرفون ايام الثانوي بس عند البيبان.. المهم رن الجرس وبدأت الحصه السابعه وحنا فاضين ماعندنا شيء طلعت ورحت أدور بالأسياب والممرات وأتمشى وأناظر الفصول والعالم.. يوم وصلت عند اول ثانوي وأناظر قدامي لفصلنا إلا واقفه قدامه مدرسه العلمي مدرسه الكيميــاء مادري وش تبي.. المهم وإلا معاي نعووومه ووحده صديقتنا اسمها هدى.. ونروح للفصل قالت منين جايين وش عندكم يالإدبي بس تراكضون بس بالممرات ماتعرفون ومادري وش.. قلت أنا نوسـع صدورنا فاضين وش عندنا قالت والله فاضيـه..؟ طبعاً هي تمسخر علي وأنا ألعب بعد بس شسمه قلت إي والله صادقـه..؟ قالت طيب أنا أشغلك تعرفين اللوحه اللي تحت عند غرفه المديره اللي عليها قصيده .. قلت أنا إيه وش فيـها.. قالت أنزلي أحفظي القصيده ومافيه دخله للفصل ولاتأخذين أغراضك إلا وأنتي حافظه القصيـده أنتي والشله اللي معاك.. قالوا البنات لا لا أستاذه بس هي قالت فاضيه وحنا ومادري وش قالت أقول أنزلوا بسرعه يلا.. وننزل مع الدرج أنا وهداوي بس أوما التسلبه نعووومه لا دخلت الفصل دخلتها المدرسه لانها ساكته ماقالت شيء.. وننزل تحت والعالم تناظر فينا وحنا واقفيـن نحفظ اللوحـه.. ونصعد لها ونجلس نقراها قالت أرجعوا مانتم حافظينها زين ونرجع نحفظ.. لين حفظنا القصيده كامله مكملــه والى يومكم أذكرهـا.. ودخلتنا الفصل ودخلنا من هنا وأنفجرنا ضحك أنا وهدى على إشكالنا من هنا وطول ذاك اليوم وحنا بس ضحك ومسجات وضحك خخخخخخخخخخخخخخـ.. أقتباس_ قولي لهم قصه السندريلا ايام ثالث والحصه السابعه ؟ نفس السالفه الحصه السابعه بس ذا المره عندنا حصه دين الظاهر الظاهر أنها حصه فقـه.. المهم وأطلع أنا ونعووومه ومعانا بعد هداوي ونفرفر بالاسياب والممرات ونناظر فصلنا وإلا مدرسه الدين تمشي بتروح له وهي مهددتنا ماتطلعون ونركض للفصل وانا اركض طاحت الله يكرمهم وحده من جزماتي وماعندي وقت مارجعت لها كملت ركضي بجزمه وحده والثانيه بقت طايحه بالممر.. ودخلنا الفصل وضحك على شكلي رجل بجزمه والثانيه لاااااااااااا وضحك والفصل كله ضحك وذب علي وإلا دخلت المدرسه ومعاها الجزمه.. قالت ذي لميــن..؟ ولاردينا ولاشيء وساكتين وتسآل وتسآل قالت طيب اللي لها الجزمه وتبيها تجيني غرفه المعلمات تأخذها.. ونفقع ضحك من جديد وطلعت المعلمه وقبل يقضي الوقت قلت للبنات نعومه وهداوي بنات تعالوا معاي بجيب جزمتي شلون بطلع للبيت..؟ وأروح لها الغرفه وأناديها وماترد وأنادي قالت تعالي أنتي عرفت أن الجزمه لي وإلا وشلون أدخل كل الغرفه معلماتي وأحراج ماله داعي.. والمشكله النذلات اللي معاي رفضوا يعطوني جزماتهم أدخل للغرفه وأجيب جزمتي وأمشي بجزمه والثانيه مافيها شيء.. وأدخل لها والمعلمات اللي ماسكه ضحكها واللي تضحك واللي تذب وأروح لها قالت ماشاء الله عليك المشكله شيطانه ودافوره مايجتمعون.. قلت هاتي بس .. ولبستها وطلعنا.. أقتباس _ تذكرين الكابتشينو والشاهي عند استاذه عايده ؟ وش عقابك ؟ كله من هدى بعد.. حسبي الله عليكم أنا مصايبي ماتجي إلا منكم.. بعد يومني بثالث أيام الشتاء تعرفون جميييييييييييييييييييييييييييييييييييد خصوصاً بحايل عندنا موووووووووووووووت برد يشق العظم شق.. وحنا قلنا منب صابرين على هالبرد والله ورحنا يالفصل وجمعنا قطيـه وشرينا كرتون شاهي لبتون وكرتون كابتشينو وعلبه نسكافيـه وأكواب بلاستيك وملاعق بلاستيك ومكعبات سكر ومناديل.. وحطيناها بدروج الطاوله آخر شيء حقات المعلمه علشان محد يشك فينـا أولاصار تفتيش ماأحد يمسكنـا.. وجيت ذاك اليوم الصباح الا علي جاكيت مرررررررررره ثقيل لدرجه مااحس بالبرد من ثقله تعرفون الجاكيتات التركيه قامت هدى خذته مني غصب عني.. المهم أنا متت من البرد والحصه الاولى مادري الثانيه عندنا حصه تاريخ وتشرح المعلمه واقولها يلا بسرعه استاذه بسرعه قالت وش فيك.. قلت نبي نخلص بسرعه المهميوم خلصت قلت يلا بسرعه قالت بعطيكم واجب.. قلت هاتي انا اكتبه على السبوره.. وقمت وخذيته وكتبت الواجب لان البرد ذبحني.. طلعت من هنا وانا طرت من هنا للطاوله وسويت لي كابتشينو طبعاً كل يوم وحده تجيب معاها مويا ساخنـه.. وانا اسوي الكابتشينو دخلت المعلمه قالت هي هيييييييييييييييييييييي.. وش تسوون والا وش تشوف مهرجان قدامها قلت انا بكل طفاقه.. خذي أمسكي أستاذه برد خذي كوب كابتشينو.. قالت هي صدق قله حياء بعديه عني ماحبه قلت أنا خلاص ولايهمك والتفت بنات سوو لها كوب شاهي.. وهي ماسكه ضحكتها قالت لاوالله امشي تعالي كبي الكوب بالزباله واجلسي مكانك قلت انا لاوالله ماكبه اكب روحي ولاأكبـه ميته برد.. وش فايدتي بالحياه وانا ميتـه برد كذا.. وطلعت المدرسسسسسسسسسسه وهي ميييييييييته ضحك.. أقتباس_ وش الدرس اللي شرحتيه انتي مكان المدرسه بالتاريخ ؟ درس ( الرئاسه العامه لرعايه الشباب ).. وشرحت وجبت فيصل بن فهد الله يرحمه بالطاري ودخلت سامي الجابر كأفضل الرياضين بالسعوديه ودخلت الهلال.. وبس.. رحومه بعينك والله من الرحوم لايكون أنتي بس.. ومادري مين اللي مرسلك لي هنا.. نعوووووومه.. تدري أنك ياأحب الناس أحبك.. تدري أن الروح لو ترضيك فدوه.. أنتي بعد تعرفين وش تعنين لي.. ياشمعه الكون نورتي.. : للجميــع..