||~.. تقرير الحلقة ..~ تحليل الحلقــ( 4 ) ــة ..~ الحلقة الرابعة ، الأحداث مفاجئة وما كانت متوقعة ، كل المسلسل أحداثها ما يمكن نتوقعها ، وهالشيء يحسب لوداد الكواري .. لأنها عرفت كيف تجبر المتابع على الاهتمام ومتابعة كل حلقة ، لأن الحلقة الوحدة فيها من المفاجآت والأحداث الكثير .. نقاط على الحلقة ..~ .. ~ هيا جابت ذهب بنى بنتها لطلال زوجها ، لأنه يبي يفتح له محل يشتغل فيه من عقب ما انفصل من شغله .. لكن ما عنده شيء يفتح به المحل ، ومع ذلك رفض ياخذ ذهب بنته من حبه لها وقال : أنا ما أبي بنتي تحتاج لأحد ، وكل ما كان عندي أبي أجيب لها ، .. ~ طلال مع ربعه يشكي لهم حظه خصوصًا بعد ما انفصل من عمله ، وقالوا له : شف لك أي شغله ، لكنه ما يبي أي شغله ، وجلسوا يضحكون عليه ويطقطقون عليه ، وبنته طالعه قليلة حيا مثل أبوها ما أخذت طيبة أمها أبد .. سحبت غترة رفيق أبوها علي ، بعدين جات قدامه وكبت الشاي عليه << قهرتني طالعة لأبوهـــا ، من شابه أباه فما ظلم ، .. ~ هيا تشكي لأخوها مهنا عن حال طلال ، وتبي منه يساعد زوجها ، وعرضت على مهنا انه يطلب من طلال يشاركه في المحل ، ومهنا رفض يساعده لأن المحل توه يساعده ويكفيه ، ..~ بعد مشكلة علي مع طلال ، حسن يحاول يقنع علي يتسامحون ويردون لبعض لكن علي رفض يرجع وقال : أنا طابت نفسي من هالصداقة ، وما أبيه يعتذر لي بعد ، خله يربي بنته بالأول << والله صادق ،.. ~ طلال وزوجته وبنتهم في بيت مهنا ، هيا : يلا بنى سلمي على خالك ،، بنى : أصلا أنا ما أحب خالي ( قشرة طالعة لأبوها ) خالي ثقيل ،، هيا : بنى عيب ،، طلال والوضع عنده عادي : خلي البنت تعبر عن رأيها ، وهي حرة ،، مهنا يبي يوضح لطلال ان بنته قليلة أدب وما تربت لكن طلال قاطعه وقال : ما أحب أحد يعلمني شلون أربي بنتي ، جب عيال وانتقدهم << قاهرني هالطلال ، .. ~ هيا تفضفض لياسمين عن مشاكل بنى ، ومشاكل عبد الله وطلال مع بعضهم ، .. ~ عبد الله يحاول يراضي طلال رغم انه ما سوى له شيء ، لكن طلال وعناده هالخايس مب راضي يفهم ، .. ~ حسن يقترح على طلال رفيقه انه يبيع أرضه وهو يشغل أمواله ، وطلال ياخذ أهله ويسكن عند مهنا أخو زوجته ، .. ~ هيا عند مهنا تبيه يكتب البيت كله باسمها بعد ما أقنعها طلال ، ومهنا رفض لأنه خايف من طلال وانه يبيع البيت ، لكن المشكلة ان طلال مخطط من قبل انه بيكتب البيت باسم بنى ،، دخل طلال على مهنا وهدده بالمحاكم لكن هيا رفضت تشتكي على أخوها ، وأخذ طلال بنته وقال : اجلسي عند أخوك أجل وورقتك بتوصلك وانسي ان لك بنت ، .. ~ جاسم كبر ما شاء الله ، وأبوه ما قصر مهتم فيه جايب له مدرسين انجليزي ، والجد زعلان مب راضي يقول : بدال ما تعلمه قرآن تعلمه انجليزي ، احنا نتحكى عربي مب انجليزي ، وعبد الله خلاص مل من جده وطلب من ياسمين انها تفهمه ، صار ما عاد يطيقه << الكبر شين ، بعد جاسم راح يتعذب نفسيـًا لأنه كله بدراسة ومدرسين وهو توه صغير ، .. ~ طلال يقنع هيا انهم يشتكون على مهنا وبنى تلعب بالبيض وتخرب البيت ، ولما أبعدتها هيا عن البيض ، طالبها طلال وقال خليها تلعب << مدلعه واايد هالبنت ، .. ~ أخيرًا مهنا يجلس مع عبد الله ، وجلس يوضح له ان البيت له هو لحاله ، وهيا مالها نصيب فيه ، لأنه شراه من أبوه وما يقدر يفشل أخته قدام رجالها ، لكن هيا وطلال دروا باللي صار ان مالهم نصيب في البيت ، هيا تبكي .. وطلال يندب حظه ، ..~ عبد الله يطالب ياسمين ، لأنها خلت جاسم ينام مع جدها برى وهو خايف على ولده ان جده يعديه بالمرض ، وتدخل عليهم هيا وتترجى عبد الله وتطلب منه يكلم أخوه طلال ويهدّيه ، وعبد الله ما قصر راح ووعده بالبيت والمصروف ، ..~ اللحظة الأصعب على ياسمين ،، عبد الله بلغها انه عطى طلال مفاتيح البيت الكبير ، وياسمين خافت ان طلال يشوف رسائل مهنا لها قبل الزواج ، للحين هي محتفظة بهم في غرفتها وخايفة الحين يكشفها طلال ، وطلبت من عبد الله تروح البيت بقصد تنظيف البيت ، لكنه رفض وقال هو رجال يعتمد على نفسه ،، ياسمين راحت بلغت هيا ، وطلبت منها تتصرف وتشوف الرسائل : احرقيهاا لا لا تحرقينها ، انا لازم أروح للبيت ، ورجعت بيتها ، وطلال الزفت رفض ان هيا تروح معه البيت وقال ان العمال يكفون في التنظيف ، ..~ ياسمين تدعي وتبكي من بعد ما جات لها هيا ، وراحوا للدكان علشان يتصلون في مهنا علشان يتصرف ، عندهم رقمه ولا عندهم تيلفون ، ..~ مستر جون بيسافر آخر السنة ويرد لديرته ويقول : انا تعبت ، خلال 20 سنة كفاية ،، وعبد الله يحاول فيه يجلس بعد ، لأن مستقبله راح يضيع اذا سافر جون ، لأن عقد شراء السيارات وكل العقود اللي سواها مستر جون مع عبد الله راح تنلغي ، ..~ الجد مب راضي لأن عبد الله عطى طلال مفاتيح البيت بدون ما يشاوره ، ..~ طلال جاب العمال ويرتب في أغراض البيت ، يبي يجيب أغراض جديده ، مهنا دخل يدور على الرسائل وياخذها معه ، دور في الغرفة وفي كل مكان ما لقى أي أثر << أنا من الحماس والقهر أقول له الرسائل يساار خلف الدولاب والله قهر ، ..~ طلال طلب من هيا تنادي ياسمين ( خلاص قرأ الرسائل وعرف كل شيء ) ، ياسمين ظلت تبكي وندماانه وقهرانه وكل بلاوي الدنيا فيها ، يا حبي لها الله يكون في عونها ، وطلعت مع هيا لطلال تشوف وش عنده ، ..~ طلال : أنا حمدت ربي اني انفصلت من الشغل علشان ألقى وقت أقرأ فيه هالرسائل ، ويقول لزوجته هيا : انتِ هنا علشان تصيرين محرم لمرت أخوي ، علشان لا تصير خلوة غير شرعية ويكون الشيطان ثالثنا << شفوا الخبيث كيف ، انت الشيطان ترى ،، وجالس يتريق على ياسمين ومبسوط على الآخر ،، وطلعت ياسمين من عنده بدون ما يرد لها الرسائل وهي خايفة من اللي راح يسويه ، وطلال بدأ يساوم ياسمين على الرسائل ، ووافق انه يستر عليها لكن بشرط ان عبد الله يكتب البيت العود كله باسمه ، أو ان ياسمين تتنازل له عن نصيبها من البيت << آآآخـ يالنذل ، ..~ ياسمين صحت عبد الله من نومه ، وطلبت منه يكتب البيت باسم طلال ، لكنه رفض وقال : أنا أتعب وأحصل وفي الأخير هو يأخذه ، ..~ ياسمين تسأل جدها على الغداء اذا جاب سيرة لعبد الله عن خطبة مهنا ، لكن الجد ما بلغ عبد الله ويقول : خطبته هذي بس تطير فيها رقااب ، انتِ بنت عرب ،، ياسمين : وهو ولد مسلمين ، ..~ هيا تدور في سيارة طلال عن الرسائل ، طلال طلع وشافها ، طلبت منه انه يشيل هالفكرة من راسه ، لكنه رفض وقال : هي في خير ورجلها في خير وأنا أبي حقي ،، وراح لأخوه عبد الله وقال له : ياسمين تبي تكتب نصيبها من البيت باسمي ، وأكيد راح تكبر في عينك انها تنازلت عن حقها لأخو زوجها ،، بس اللي فرحني ان عبد الله رفض هالتنازل ، في حلقة اليوم الخامسة ، ياسمين راح تكتب نصيبها باسم طلال بالسر وبدون ما يدري عبد الله ولا لا ؟ طلال بيتم ساتر على سالفة الرسائل ولا راح يفضح ياسمين ومهنا ؟ وش بيصير في حال وأوضاع عبد الله بعد سفرة مستر جون ؟ وعذرًا على التأخير ~ ..~||