مساء الخيـر والطيبـه.. منوريني وأحرجتوني والله .. : متيمـه الهلال : ياهلا وغلا والله الله يحييك ويبقيك يارب.. يسوري بخير ويسلم عليك شوفي صورته بطيور القناص.. إيه أبد لك تراه هو وشقاوته بأسم الله عليه.. منورتنـي.. / جانكيـز خان: ياهلا بحسام الله محييك.. أجل منسمـه هاه ؟ إيه دبلوماسيه .. ننتظرك ونشوف.. وشكراً على أطراءك ياحسامو.. منورني.. / هلاليـه كيوت: ياهلا وغلا بالمخيسـه مخيسه قلبي أنتي.. شلونتس شخبارك ؟ <-- اشوى انك شايفتها قبل امس مسن.. ممنونه جداً لأطرائك ودعمك بهالكلمات وماأنا إلا لكم وفيكم والله وبالنسبه للغرور مدري بلوى وبلوني بها .. أجل أنا مغروره قسم قسمات إني ماعرفه ولاأدله ولكني واثقـه في نفسي وفي ماأقدمه ويمكن الظاهر لهم إنه غرور.. بالنسبه للأعتزال ايه حاضرته حاضرته الله لايعوق بشر ان شاء الله بس تكفى لاتجيبين طاري اعتزال سامي هنا.. هلاليـه: نورتيني ياحلوه وأنتي بخير يارب.. / هلالـي ماركـه: ياهلا والله الله يبارك فيك ان شاء الله والهيبه وانا اختك بالشخصيه مهب بالاسم كلن هيبته بشخصه مهب بلقبـه او منصبه او يوزره.. شاكره لك أطلالتك.. / الزعيمــات: ياهلا وغلا..الله يحبك ويحبب خلقه فيك.. الله يسلمك شاكره لك حضورك عزيزتي.. نورتينـي.. / الهاديـو: ياهلا والله بهالطلـه نورتني للمره الآلف.. أقتباس 1 - حـ سعودي ـلاها قلم الكل أجمع على روعة مداده ، برأيكـ هل المسؤوليات حالت بين حلاها والقلم ؟؟ فالملاحظ أن مدادكـ لايرى النور إلا في المناسبات الكبرى والكبرى فقط ، فمتى نرى حروفكـ مع الحدث وليس المناسبة ؟؟ وهل سنرى توظيف بعض مفردات تخصصكـ في مقالاتكـ ؟؟ إي والله ياخوي المسؤوليات جداً حرمتني من ممارسه هوايتي المفضله كثير مب بس في عالم النت حتى خواطري ومقالاتي الخاصه في البيت والجامعه ماقمت امارسها مثل قبل.. مسؤوليه القسم ومتابعه اعضاء ومتابعه مقالات اعضاء غيري حرمتني من متابعه مقالاتي والاطلاع عليها لاني مسؤوله عن كل حرف يكتب ويعلق عليـه.. وضغط الموسم الرياضي في العام الماضي زي ماوضحت قبل وكذلك فعاليات القسم ونشاطاته برضـو.. إن شاء الله بحاول قـد ماأقدر أكتب في الحدث والمناسبه وان شاء الله يتوفر لي الوقت الكافي بآذن الله.. بالنسبه لتوظيف مفردات تخصصي اللي هو ( الأدب الانجليزي ) في مقالاتي لاوالله ماحاولت لإني ببساطه ماأضمن أن جميع المتلقين خصوصاً في عالم الأنترنت يفهمون ماأذهب إليه وهذي مشكله لاني أكتب في النت للجميـع وأرجو أن يصل صوتي للجميع ولكن أعدك بإني بخصص من فتره لفتره مقالات للنخبـه فيها كم كبير جداً من مفردات الأدب الانجليزي للهلال فقـط.. أقتباس 2 - بعد قرار تقليص اللاعبين المحترفين في قوائم الأندية وإنضمام الدوليين للمنتخب السعودي وغياب محترفا الفريق الجدد في بعض المباريات ، برأيكـ هل الهلال يتميز عن الأندية الأخرى كمستوى أم أننا نشاركهم المستوى أو دون منهم ؟؟ وهل النقاط ستجذبنا أم ستطردنا في مسيرة الدوري كبداية (أي في فترة الغياب) ؟؟ والله شوف هي لو نظرت لها بتجد فيها وفيها غياب لعيبه المنتخب عن المبارايات الكبيره مشكله كبيره جدا :( خصوصاً وانت تتكلم عن نادي فيه 9 دوليين غير المحترفين 2 دوليين يعني 11 لاعب دولي ذلك يعني فريق كامل لكن بنفس الوقت فيه التايب فيه الدعيع فيه الخثران فيه مجموعه نجوم برضو بالفريق الهلال دايم يتغلب على جروحه وبالعكس كل ماانجرح الهلال بزياده كل ماألتهم البطولات بشكل اكبر ان شاء الله احنا نتأمل ان جدوله الدوري تتم ومايحرم النادي من لعيبته الدوليين في مباراه حساسه لان ذلك يعني غياب فريق كامل..! أقتباس 3 - في ظل مادونه الإتحاد الآسيوي من ملاحظات تخص الدوري السعودي وبعد الشد والجذب بينهما برأيكـ هل نحن قادرون على إقامة دوري للمحترفين ؟؟ وهل الخصخصة توافق مزاج بعض المسؤولين اللذين يحسبون أنديتنا تركة (ورث) ؟؟ وهل نحن مؤهلين للخصخصة فكرياً أم أنها مجرد كلمة نحفظها ولانعرف أبسط أبجدياتها ؟؟ للآسف لا مب كل الرياضين مؤهلين لدوري المحترفين عدد كبير منهم للأسف لايمت للاحتراف بصله.. بالنسبه للخصخصه فيه مسؤولين والله والنعم مثل عبدالله بن مساعد وشقيقه عبدالرحمن هالرجلين اعتقد لو طبق نظام الخصخصه افضل من يطبقانه بالشكل الصحيح هم.. للآسف الاغلبيه العظماء تتناقلها كمفرده لامعنى والمشكله الاعظم ان اتحاد القدم بذاته لايعي الاحتراف الصحيح بأكلمه.. أقتباس 4- العقول (نظام ويندوز 95 بنتيوم 1) يقفوا في وجه التطور الذي ننشده فلانغفل ضحالة فكرهم وعقولهم منذ الآزل كماهي في تعنتها وتخلفها وتسلطها في مجالاتنا الرياضية المختلفة (الإعلام ، الرئاسة ،الإدارة ، الإشراف ، الإحتراف) ؟؟ ومن المسؤول عن بقائها بما أنه من المسلمات في رياضتنا عدم تطور فكرهم ؟؟ وما رأيكـ في الجيل الصحافي الشاب اللذين حولوا إعلامنا إلى تفاهات وألفاظ سوقية بحتة ؟؟ المسؤول الأول وبكل اريحيه هو الرئيس العام لرعايه الشباب سمو الامير سلطان بن فهد.. الجيل الشبابي المذكور مااعتبرهم صحفيين لانهم جلبوا لمهنه تسويق الالفاظ السوقيه في صحف معينه لها ادوار معينه لذلك الصحافه منهم بريئه..! أقتباس 5 - قد أكون مجاهراً للمرة الأولى بإن صحافة الهلال لم تروق لي في بعض شطحاتها و دخولها في صراعات مع الصحف الأخرى ،، سؤالي لكـ لماذا في وسطنا الرياضي من نتفق عليه ككل قلة وعلى ( سبيل المثال نواف التمياط وعادل عصام الدين) .. فالمتأمل أن الكاتب المسيء يمجد من الموافقين له ميولاً ويهاجم من الجماهير الأخرى ؟؟ فمتى نرى كاتب هلالي أو إتحادي أو ... الكل يثني عليه؟؟ اذا تغيرت مافي نفوس الهلاليين والاتحاديين! ( ان الله لايغير مابقوم حتى يغيروا مابأنفسهم ).. أقتباس- ( شعب الفلسفة) دائماً ما أطلقه على الشعب السعودي من خلال تجارب عدة شاهدتها عيناي.. فالمتأمل لتجارب الحياة يجد الناصح والمرشد والمفتي دون إختصاص برأيكـ هل الأغلب في مجتمعنا ( فيلسوف وهو مايشوف ) ؟؟ اوووووووووه واجد ذا الطبقه.. واكبر دليل وأقربه المنتخب السعودي رغم انه اكثر منتخب بالعالم يغير مدربيه وتشكيلته لم يروق ذلك للشعب السعودي وكل يوم لهم مدرب ولاعب ولازالوا يختلفون .. أقتباس 6 - دائماً مايخفي المشجع إعجابه باللاعب في النادي المنافس أو الفريق عند حديثه مع شخص ميوله لذات الفريق .. هل توافقيني الرأي بإن سبب التعصب ينحصر بسبب حبنا (للإغاضة وعدم الإعتراف بالحقيقة) ؟؟ لا بالعكس بس وعين المحب عن كل عيب كليله وعين الغضب تبدي كل المساؤى.. مع اني بالعكس من أشد المعجبين باللأعب عبده عطيف مثلاً من الشباب وأبدي اعجابي الشديد به كذلك اللأعب محمد أمين وأبدي أعجابي به.. هذي ترجع لعقليه المشجع نفسه وع فكره هذا اول ثمره حصدناها من التعصب.. أقتباس8 - (الجوهرة الثمينة) برأيكـ من ينادي بحريتها يطمع في إفشاء الفتنة أم لإنه يحب مصالح بنات المسلمين ؟؟ حريه من حريه تختلف.. الدين الأسلامي اعز المرآه وكرمها واعطاها حقوقها كامله وهذا شيء مانختلف عليه.. ان كانت الحريه بخلع الحجاب اوالاختلاط برضو ذي حريه مرفوضه شكلاً ومضموناً واقول للي ينادي بها ( محد طلب منك تنادي بحقوقنا ).. لكن وانا اختك هنالك طبقه من الناس لازال التخلف يغطي بصيرتهم عن حقوق ولاحظ حقوق المرآه المسلمه في المجتمـع..! أبسط شيء: مهنه التمريض او الطب مهنه مشروعه للجميع ومهنه مافيها إي حرج ديني بالعكس الصحابيات كنا يعالجن المرضى ولايجي من يقول هذاك عهد الرسول لا الرسول وسنه الى يوم الدين قدوتنا مافيه فرق بين عصر وإلا زمن القدوه قدوه والدين واحد.. البعض يرى ان من المحرمات تدخل بنته او اخته هالمجال وهذا للآسف نفص برجولته اعتبرها لانه يحرم المرآه من حق لها ويعتبره رجوله مادرى انها خسف برجولته الى التراب,, فيه فرق أحنا نطالب بالعدل المجتمع الآن يحرم الخطأ على البنت ويسمح به للرجل! أبسط مثال ثاني: لو لا قدر الله بنت وقعت في المكالمات الهاتفيه احنا مانختلف انها خطأ وانها محرم لكن عقابها الشرعي مايختلف عن الرجل لكن مجتمعنا غصب يطلع الرجال سليم والبنت غلطانه والف غلطانه! مع ان الدين أعطاهم عقاب واحد!! يعني ساواهم بالعقوبه مافيه احد احسن من احد .. هذي برضو شيء مختلف صراحه واللي يقول ( الرجال مايعيبه إلا جيبه ) أقوله كل شيء يعيب الرجال إلا جيبـه! ممكن تلقى فيه عيب بالاخلاق او الدين او اي شيء لكن الجيب الفقر مهب حرام ولاعيب بالعكس شيء عادي..! ومن هنا يكون الاختلاف انا حره في حدود الدين اوما العادات والتقاليد الغبيـه لست مسؤوله عن من وضعها او عن اتباعها.. أقتباس9 - سامي الجابر بإيجاز عبري عنه بكلمتين ؟؟ نبـض الهلال.. أقتباس10 - محمد الشلهوب بإيجاز عبري عنه بكلمتين ؟؟ أصغر عمالقه الهلال.. أقتباس11- نواف التمياط بإيجاز عبري عنه بكلمتين ؟؟ جوهــره دفّنــت.. الهاديو: شكراً لحضورك الجميل شكراً لعودتك.. نورتنـي.. : أحرجتوني يالغاليــن لو مالقيت من هالقناص إلا هالحب كفاني والله..