مســاء الخيـر للجميـع.. أسعدني الحضـور الجميل كم أتمنى أن أكون لقلوبكم قريبـه.. : إبراهيم عاشق الزعيـم: ياهلا وغلا والله يابوخليل منين ذا الغيبات من طول الغيبات جاب الغنايم الشهر عليك مبارك وكل عام وإنت بخيـر وأحلى زملاه والله اللي عرفتني فيك وتشرفت جداً بوجودك ومجاملاتك اللطيفـه أتمنى أكون عند حسن الظن دائماً يارب.. أقتباس البعض يرى أن سامية أختلفت كثيراً عن شخصيتها عندما أستلمت مهما الأشراف هل مسؤولية وضغط الأشراف لها دور في التغيير مثلاً أو برأيك أن لا تغير حدث بمجمل شخصيتك وتعاملك معاهم ؟! والله ياخوي لاتغيرت ولاشيء.. هذي أنا من خلقه ربي لي حلاها هي حلاها او ساميه هي ساميه ولكن البعض يحب يثير شيء من لاشيء,, أنا بسآل الكل اللي يشوفني بهالنظره منين أستنتج هالفكره..؟؟ اذا إنه من قله ردودي وتواجدي فهذا وضحته في ردي على هلالي للنخاع وهذا زمان قبل لاأصير مشرفه وقبل لقناص هذا طبعي وفوق ذا كله أنا هي أنا ماتغيرت بس سبحان الله التركيز علي أصبح أكثر بعد الإشراف.. وماأخفيك سر وأنت مشرف أنو تكون مشرف بموقع كبير مثل موقع الكابتن وبأقسام كبيره جداً مثل المجلس والجمهور والصوت هذي أعتبرها عصب رئيسي للموقع ولايهونون البقيـه تأخذ منك وقت كبير جداً يعني تصير مشغول بالقسم وكتابه وبرامجه وضبطه وكل حرف مكتوب فيه أنت مسؤول عنـه فأكيد بتكبر المسؤوليه وتزيد المشاغل :( ومع ذلك أرجع أقول حلاها كما هي لم ولن تتغيـر بإذن الله لكن نظره الناس لحلاها هي اللي تغيـرت.. أقتباس أرى أن قسم الجمهور الهلالي يمر بمرحلة فتور , خاصة خلال توقف الموسم ما كان بالإمكان ملئ فراغ توقف الموسم ببعض الأنشطة حتى لو خارج أيطار التكوين الرياضي ؟! هي نقطـه معاك حق فيـها بخصوص الفتـور لكن أخوي أبراهيم أنت عارف الموسم الماضي كان موسم شاق جداً بالنسبه لنا كمشرفين من ناحيه تداخل البطولات والمسابقات وكثره التغطيات والبطولات ولاننسى اعتزال الاسطوره سامي وكثير من الظروف والصعوبات كان للآمانه من أصعب المواسم اللي عملت فيها على مدار عملي في اللجان الرياضيه من 3 او 4 مواسم في القناص لدرجه والله العظيم إن فيه أحدى المبارايات أثناء ماكنت أبي أنزل التقديم للمباراه كنت اسآل وش هالبطوله دوري وإلا ولي عهد وإلا فيصل وإلا وش ..؟ موسم جداَ صعب وبرضو القسم وقتها كان يشتغل على دعم كتاب كبار الآن نراهم ماشاء الله مسكوا اشراف اكبر الأقسام وأعطيناهم الرتب ودعمناهم دعم قوي وحاولنا نصنع كتاب ونغطي لذلك كان صعب جداً علينا وبمجرد أنتهائه صراحه أعتبرناها ألتقاط أنفاس ومع ذلك والله حاولنا نقدم وقدمنا قروبات هلاليه وقدمنا فعاليه أثناء زواج الكابتن ياسر القحطاني ونحاول نكون بالحدث والصوره دائماً.. بخصوص الفعاليات والأفكار أنا عبر هالمجلس أرحب وأدعم وأشيد بكل من لديـه فكره أو فعاليه للجمهور الهلالي وحاب تتنفـذ ماعليه سوى يتواصل معاي عن طريق صندوقي الوارد وإن شاء الله مابنقصـر وأحنا نقدم اللي علينا وإن شاء الله يحوز على رضاكم أشكرك مره ثانيـه.. نورتنــي.. / ابومــلاك: ياهلا والله ومرحبا فيـك.. تسلم على كلامات الأطراء الكثيره في حقي والله وأنتم الخير والبركه وأنت ماشاء الله عليك شعله من النشاط والعطاءات.. وكل عـام وأنت بخيـر يارب.. منورنــي.. / الســامي كسمـو الهلال: ياهلا وغــلا والله بالكاتب الكبيـر.. كاتب كبير وشهادتي فيه مجروحه ولايحتاج شهاده ماشاء الله.. إنارتك لمتصحفي دافع كبير لي لتقديم كل مايحوز على رضاكم بالجمهور الهلالي وإن شاء الله إن الإبداع يكون ربع أبداعكم وعطائكم وإن كان القسم متميـز فهو متميـز بأعضائه وكتابه قبل كل شيء.. منورنــي يالسامي وكل عام وأنت بخيـر.. / الهــاديو: أرحب تراحيب المطـر أهلاً بالكاتب المفضل والكبير.. للآمانه أنت قلم صعب يوجد له مثيل في عقلانيتـه وزانه حروفـه وصعوبه وندره معانيـه.. كاتب كبير جداً وأفتخر أنك من ضمن كتاب قسمي ومن أفضل الكتاب اللي عملت معاهم أدب وأخلاق ماشاء الله تبارك الله.. ألف شكر لك على الأطراء وهذا كلام كبير في حقي ماأنا إلا لخدمتكم وأرضاء طموحاتكم وإن شاء الله نقدم المأمول.. منورنـي ياتركي.. / M~shari: ياهلا ومرحبا والله بالمصمم المتعاون وخلنا نقول الزميل لنا ماشاء الله من كثر ماتصمم لنا وتخدمنا بالقسم صرت زميل لنا.. شاكره لك بالبدايه على مجاملاتك وحضورك اللطيــف.. بالنسبه للكتابه أذكر الله ياشيخ.. والله ياأنتم مشكله يالشعب السعودي لاصرنا بطيئين قلتوا سلاحف ولاأسرعنا صكيتونا بعيـن.. أذكر الله الله يهديك وأنتي ياأشين أمنيه أذكري الله معه أذكروا الله ياجماعه الخير بكرا أقوم أصابعي متكسره.. ناقصـه أنا..؟ أقتباس ليه تعصبين بسرعه وتتنرفزين .. ! وضحت هالشيء في المقابله وقلت انا أنسانه عصبيه وأتنرفز بسرعه وهذا طبع فينـي.. بالنسبه للعصبيه بقولكم شيء : أنا ماعصب كذا من الباب للطاقه لاأكيد فيه شيء ينرفز يعني يجي واحد يستهبل عليك بالقسم أو مثلاً يكتب لي بالبنط العريض عنوان بالقسم إلى حـلاها سعودي تقول سوق عقــار.. فمثل هالأشياء تطلع الواحد من طوره غصب..! أشكرك على تعاونك مع القسـم.. منورنــي.. / نسـايم الهلال: ياهلا وغلا والله منوره السهره.. الله يخليك التشابه مايجمع إلا الأحبه وان شاء الله إننا أحبه.. بالنسبه للقسم والشاشه ايه وش دراك عني..؟ لاعاد اعوذ بالله هي مجرد مشاكل عمل او نرفزه عمل ماتعدى هالحدود ويظل الجميع أخوه بإذن الله.. بخصوص الأعتـراف أعترفي لي وشو ..؟؟ مايحتاج برايفت هنا اذا تبين ..؟ التوقيع والله الف شكر لك يالغاليه ونسيت والله .. زحمه شغل ودراسه وقلق وعطله .. العذر والسموحه أوعدك بالوقت القريب أحطه ان شاء الله.. رآيي فيك مايحتاج ماشاء الله عليك عضوه نشيطه وردودها تثري الموضوع وماشاء الله أنسانه واعيه ونحتاج منك أكثر من كذا بعد.. وأن شاء الله يتحقق حلمك وأحلام الجميـع.. منورتنـي.. :