اهلا عزيزي نواف ثاني مباراة يلعبها كأساسي ويقدم مجهود طيب ويحاول يرجع نواف اللي عهدناه وكلنا معاه ان شاء الله حتى يرجع جيلسون مستواه جيد لكن دون الهلال مجتهد لكن ماهنا مستوى :( واللي قاهرني اكثر وجود اكثر من مهاجم يتمناهام اي فريق .. ياسر بعد ضياع البلنتي ماشفت اللي انت شفته.. بالعكس شفت قتالية اكثر وروح اكثر وكأنه يبي يعوض البلنتي وتسبب في طرد الحارس وجندل الدفاع القدساوي لكن بعد تمريرة العنبر الذهبية والهجمة اللي اضاعها ياسر ضاق صدري:( ياسر ممتاز في التسبب بالبلنتيات وطرد الحرّاس يعني لاعب ماكر لكن حاليا يعيبه التأخر في التسديد اتوقع لو تخلص من هالمشكلة يتطور مستواه افضل الدعيع امس لم يختبر لكن الحمد لله الحراسة الهلالية في خير دام ابو عبد العزيز موجود كماتشو سجّل امس واعتقد مشاركته احتياطيا تعتبر قرصة اذن من اليكـسندر وتراني منيب باكيتا تنضبط حياك الله او مع السلامة وهذا اكثر شيئ اعجبني في المدرب غير ذكاءه باخراج محور واللعب بهاجم آخر وعند التقدم ادخال محور وهذا اللي كنا مستبعدينه في عهد بكتكت.. المستوى جيد نوعا ما والاهم النتيجة وليس المستوى في مثل هذه المباريات اصفق للمفرج والشلهوب وياسر على ادائهم القتالي ونتمنى انهم يستمرون على هالمنوال وهم ابرز نجوم امس من وجهة نظري