. اهلين وجدان موضوع جديد .. و مفيد كثير كثير يختي انا مدري احس لا سمح الله و بعيد الشر لو مريت بموقف زي كذا .. منيب مسويه ولا شي خوافه لدرجه مجنونه لدرجة مره سمعت صوت تحت وكل الناس في البيت نايمين وخفت مره جلست 5 دقايق ما تحركت من مكاني في الاخير طلع صوت الثلاجه بس عندي نصيحه واتوقع هو الشي اللي يمكن اعمل فيه لا سمح الله .. الدعاء محد قادر يرد عنك مكروه الا رب العالمين و نصيحه ثانيه عندي قناعه اني اذا تعرضت لاي هجوم قصدي احد يتعرض لي ابخ بوجهه عطر لين ما يموت او ينعمي او ما يقدر يشوف .. وقتها اقدر انحاش * / خذوا قصه سمعتها لكن ما اعرف اذا هي صحيحه 100 ٪ والا فيها زيادات بس كان في وحده عندها ٣ بنات .. و كانوا معزومين على زواج صديقه وحده من ذا البنات .. البنت الصغيره اللي في الجامعه ما رضت تروح معاهم بحجه ان الزواج زواج صديقه اختها وش دخلها هي .. واقنعت امها تجلس في البيت .. واخوانها ٢ كانوا بوقتها واحد طالع يشوف مباراه مع اصحابه و الثاني سهران برا البيت .. فـ الام وهم في طريقهم للقاعة تحسفت انها سمحت لبنتها تجلس في البيت لحالها .. وتحكي لبناتها و هم في السياره و تقول : المفروض ما سمعت كلامها و لا خليتها لحالها .. حتى اخوانكم مو موجودين في البيت ‘ ما ارتحت انا لجلستها ابد وبناتها يقولون لها ما عليها الا العافيه ان شالله مب جايها شي .. السواق بوقتها سمعهم .. و عرف ان البنت لحالها مره في البيت يوم حطهم في قاعه الزواج الساعه ٩ رجع للبيت و رن الجرس ع البنت وقال لها ماما عطتني اغراض افتحي الباب ادخلها .. عاد البنت قالت له خلها معاك في السياره لين تجي ماما .. قام هو نط لحوشهم وهم مطبخهم برا في الحوش زينا و تشوفه في الحوش و تركض جوا البيت و لا صكت الباب حسيت القصه مصخت شوي بس هي كذا عاد خخ المهم انه دخل بيتهم و البنت ما ردها الا غرفه في السطح تخبت في مستودع في السطح و قفلت الباب عليها و جلست هو لحقها و درا ان الباب مقفول .. قام جاب دريل تعرفون الدريل صح ؟ ( الدريل شي كبير شوي و فيه من قدام مسمار كبير و يخرم الجدران دايم ) المهم ان البنت سمعت صوت الدريل وفجأه ما عاد صارت تسمع حس للسواق بس ما طلعت من المستودع .. اخوها رجع للبيت .. وما درى انها فيه يحسبها رايحه معهم والام تكلم السواق تبيه يجي يآخذها هي وبناتها ما يرد على جواله .. قامت دقت على ولدها .. وقالت له وش اخبار اختك ؟ قال اي اخت البيت فاضي ما فيه احد قالت لا اختك ما راحت معنا رح دورها في غرفتها يمكن نايمه ويدورها بكل مكان في البيت يوم رقى للسطح .. لقى السواق ميت عند باب المستودع جاه التماس في الكهرب كهربه ومات عاد طلع اخته و خلصت القصه يعني وانا الى يومكم مو مصدقتها بس قلت يمكن صدق ويارب تصلح للموضوع خخ آسفه ع الاطاله لكن موضوع شدني عافاكي ربي وجدان .. .