, ’
السلام عليكم 
احس غبار يوم سجلت اسمي 
من زمان عنكم 
وحشتونا والله , شلونكم , شخباركم ؟
هماني رجعت بالسلامه .. قررت اسدحلكم موضوع 
يا بختكم -> مشكله الثقه 
قلت ادردش معكم شوي 
!
فيه كم سالفه حارمتن عيني النوم 
-> اكذبي بس على خفيف 
ايه اقولكم هالسوالف تبون تعرفونها زين انزلوا شوي
\ ,
[ و بعدين معنآ ] .!
وشسمه هاليومين بناتنا وعيالينا فانّين لهم شئٍ جديد 
-> ايه يا جدّه 
منتشره هالأيام سالفة الولد اللي يرز صور له 
قولوا الولد ما علينه ذنب , ويضيع وقته 
ووشسمه نشوف شئ سنع حِنا بعد -> قومي انقلعي
لكن هاللي ما تستحي حاطتن صورها هنا وهناك 
لا و يقال لها ما تبي سمعتها تتشوه !
تنزل صور لجسمها و مغطيه الوجه 
!!
خير .! لا متربيه بسم الله عليك
نعنبو حيتس و ربتس ما خفتي منه ..! 
ابي اعرف انا هو يعني الفراغ قاتلهم لهالدرجه ؟
طيب ونزلتي صور لجسمتس اعوذ بالله .. وش الفايده ؟
عشان يجيتس هالنصاب ويضحك عليتس بكم كلمه .. !
تبينه يقولتس/ انتي حلوه و جسمتس خقق .. طيب وبعدين يعني !
ابي الزبده لو سمحتي 
-> اكلم البنت مالكم شغل انتوا
عاد ليته من حلا بهالجسم .. استغفر الله بس 
ايه اللي الحين قرآ خربطتي ويقول هالشئ وينه فيه 
..!
افتحوا netlog وبتشوفون بعينكم
هذا موقع يشبه الـ face book والـ filker
يآ فيه بلاوي ..
الله يستر علينآ بس
ايه عاد نبي لهم حل هالناس , مصّخوها !
المشكله بعضهم منزلين صور وجيههم والله انا شفت بعيني
وكاتبه اسمها و وين ساكنه ! وكله Saudi Arabia
وصلنا لهالدرجه من ( الانحطاط ) !!
يقال لهم تطوّر يعني .. !
* وش اللي خلّى هالفئه من البنات يسوّون هالشئ .؟!
* نصيحتك لكل بنت , من هاللي تكلمت عنهم !
\ ،
[ العرس و ما ادراك ما العرس ] !
ايه يا عيالي ادري كلكم خانقتكم العبره , و تبون تعرسون اليوم قبل باتسر 
بس الله كريم
-> الجده لاز الت ع الخط
طيب الحين الولد درس و تعب واخذ البكالريوس همن انثبر بالبيت !
وش يسوي هالمسيكين .. ابوه لا هوب تاجر ولا عنده ورث
يبي يعرس وللا بينحرف ترى
-> القلب ليه طيب ؟-> مدري -> تراب 
حكمومتنا الرشيده .. يبون حل هالضعوف
طيب نقول توظّف 
> شكرا حكومتنا 
ولقاله وظيفه بقطاع خاص براتب / 2000 او 3000 !
وش بتسوي له .. بيدفع المهر ! بيأسس بيت ! بيصرف على حرمه !
لا والله بياكل تبن ويتلايط
الحاله ( عويصه ) ترى , بيكثرون العزاب و آخر شئ حنا بناكلها
بنعنّس يا بنات
* متى بتصير البطآله شئ مآضي ؟! 
* من يبي يعرس 
.. ؟ -> تبن
\ ،
[ هل هلآلك يآ رمضـآن ]
-> وش ابي مع هالعنوان .!
الله يبلغنـآ هالشهر على خير
و كل سنه وانتم بصحه وعافيه
أغلبنـآ بهالشهر يقول بسوّي و بسوّي 
..!
و يجي رمضان و يروح رمضان .. ولا تغيّر شئ
اللي ودي اقوله : الواحد ما يدري متى أجله !
لو نقرآ كل يوم جزء من القرآن , بيجي يوم 30 وللا حنآ مختمينه ان شـآء الله
نحاول بالنهار , نكثر من التسبيح و الاستغفار
و ننسى النت و النوم لو شويْ !
خصوصا هالسنه .. ما بوه دراسه ولا عطش ولا حر
الله ينوّر دروبنا جميعا
و السلام خير ختآم
.."
* قاهرتهم سابقا 